انا بقايا اجروح

انا بقايا اجروح تمشي كإنسان
تعبت ادور في العرب شخص وافي
وتعبت اقرأ حظي في كل فنجان
وتعب اناظر في خطوط الكفوفي
زرعت لأحبابي وردٍ ورمان
وطرزت هاماتهم بأحلى القوافي
واليوم انا اجني من الزرع احزان
واسمع كلامن كالسهام الحتوفي
يسقوني العلقم اشكال والوان
وانا سقيت الحب كالشهد صافي
ماني على اللي سويته بندمان
لكن شراعي تعب مالقى له مرافي
والقلب منهم اوجعه كل حرمان
تشب حرايق فيه ماتلاقي مطافي
امشي على وجهي هايم وحيران
عليل قلبن مالقى له مشافي
وردي ذبل من الضمأ ومات عطشان
حسيبك الله بسني بس كافي
لا وين تاخذني مابقى ساعة ازمان
وقتي مضى واياك على نجم طافي
الله يارحمان يا عالي الشان
انا اسألك بالحبيب المعافي
طه الذي بيته مبنيه بأركان
اثناعشر والقطب عالي ودافي
تفرج الهم وتثقل كل ميزان
عبدك مقصر يا الهي وجافي