شاركوني هواجسي ((2))

بالعكس دائما نعتيه بأنه شاطر أو كبير علشان يحس بالمسؤولية لأن إذا دائما قلتي له بأنه صغير راح يتصرف تصرفات حتى أصغر من سنه قولي له بأنه كبير أو في نفس الوقت علميه الصح من الخطأ يعني قولي له مثلا أنت كبير بس ما يصير تطلع مع الصبيان بروحك لازم تصير قد البابا علشان تطلع مع الصبيان أو بالنسبة إلى شكرا مثلا قولي له أنت كبير بس قول شكرا لأنك للحين ما صرت جدو أو ما صرت بابا يعني بالشكل إلي يفهمه

هلا حبيتي ام نور .. صباح الورد


تصدقين حبيبتي .. أنا صرت احسب لكلامي ألف حساب لأنو دائما معي على الخط ..

يسمعني أنادي أبوه حبي .. أو أبو حمود

صار الولد ينادي أبوه .... (( أبو حبي )) هههههههههه
جدام الكل ...

امس يقولي ماما ... ليش انتي تقولي لبابا " فلان " .. وأنا اقول له " بابا"

أو يسألني " احنا ناس ؟"
أو ليش كل واحد اسمه غير ؟

احيانا ما القى رد يقنعه .. لأنه عقله يفكر ويحلل على طول ..

ما شاء الله عليج يا جناح ما تخلص هواجيسج

واحنا نفتر وراج من مكان لمكان ههههههههه

ما شاء الله عليه ولدج سابق عمره وشكله لسانه طويل صح :tongue:

ولدج في سن ولدي ونفس الحركات

كان يضرب ويعض بعد دفاعاً عن نفسه و يا اللع أنواع الفشايل والزعل من القريب والبعيد لين الله فكنا من هالسالفه وصار أقل (عنفاً)

لسانه ما في أطول منه ويقول كلام كبار يمكن لأنهم يبتدون يحفظون بس ما يفهمون معنى الكلام

مالج إلا الصبر طولي بالج عليه بالنسبه للضرب لا تسكتين عنه لما يضرب أحد عاقبيه ازعلي منه ولا تكلمينه احرميه من شي صدقيني يفيد وياه ودايماً راقبيه وهو يلعب مع اليهال شلون يتصرف هل هو الي يعتدي ولا يدافع عن نفسه هل هو اناني او متعاون ودائماً كلميه في الأوقات الي تحسينه فيها رايق مثلي أنا أختار وقت النوم ابتدي أكلمه عن يومه شنو الشي الغلط الي سواه وشنو الصح و أحاوره على قده بعدين أقول له قصص يفهم منها الي يغلط شنو يصير فيه و الي ما يسمع الكلام أو عن الولد الشطور و هاذي يومياً سواء سوى شي أو لا


وبالنسبه للكلام خليه على راحته إذا استخدم كلمات كبار عادي تراه طفل ويتعلم و أصلاً حلو في لسانهم حتى إذا ما قال شكراً وجهيه بس لا تجبرينه وحتى السلام مثل الشي ولا تضغطين عليه وايد اعطيه شوية حريه


ومردهم يكبرون ويعقلون

عليج باسلووووووووووووب المكافااااات اشتري له ستيكرات على الشخصياااااااااااات اللي يحبهم ووحطي له في لوحة ووكل ماسوووا شي صح خليه يجي يحط له الشخصبة اللي يحبها واذا سوووا شي يعصبح نادية علية خلية يشل الستيكر الشخصية اللي حطها هو حق نفسه وزعلى علية طنشة مدة ساعة واذا سوا شي صح خلي يرجع السيتكر وكافية بشي يحبة مثل قطعة بسكوتة اوعصير وثوولي لها اذا جمع عشرين مثل نجمة اخر الشهر كافية انج تودينة مثلا ملاهي يعني طلعة حلوة وياكل فيها ايس كريم او اكلة يحبهاااا اوتشترين له شي خاطرة فية
بنتي تنادي ابوووووووووووووووووها باسمة خخخخخخخخخخخخخخخخخخخخخخخخخخخخخخخخ

جناح الروح;10432557:
هلا حبيتي ام نور .. صباح الورد



صار الولد ينادي أبوه .... (( أبو حبي )) هههههههههه
جدام الكل ...

..

هههههههههههههههههه

عزيزتي !

نتشابه مع بعضنا في هالشي .. بس شكلي سبقتك في ايجاد الحل !


من تقريبا شهرين كنت اتصفح كتاب رائع لرجل دين معروف جامع فيه كل آداب التربية للإمام الصادق عليه السلام .

و من ضمن الاحاديث اللي لفتتني هو "اتركه سبعاً، وأدبه سبعاً، وصاحبه سبعاً" !

و فيه تفصيل مطول .. إختصاره واضح من الكلمات .. الى عمر السبع سنوات نتعامل مع الطفل في التأديب بشكل معقول و معتدل .. طبعا بعيد عن التهاون او تهميش التنبيه للخطأ .. إنما في حدود توضيح الخطأ و منع الطفل عنه .


الحمدلله ،، بعد ما قرأت كلام الامام عليه السلام ارتحت نفسيا ، و تخلصت من حالة القلق اللي تلفني من أول ما يصحى ولدي ليما ينام .. و تشتد لما نطلع لبيت الوالد او لأي تجمع ثاني .. !

صح أواجه ضغوط من اللي حواليني لما يتعبون منه و من حركته ، لكن ما في يدي شي غير اني انبهه و امنعه ، اما الشدة و العصبية لا بد منها احيانا اذا كان يومه مليء بالمتاعب .. ! لكن بحدود طبعا !


مثلا .. من كم يوم خالته عصبت عليه لأول مرة و يمكن تفاجأ فقال لها الكلمات اللي يسمعني اوجهها له اذا عصبت ( يالنحيسة ، يالكريهة ) ! و مباشرة اختلط داخلي الاحباط و اليأس .. لكن رجعت قلت لنفسي ولدي قدوته أنا .. و الخطأ الاول هو مني .. يعني اترك الخطأ بدل من اني اصرخ في وجهه و ارعبه !

اكتفيت بإني بينت له من نظراتي اني زعلانة منه و بدأ يتلصق و كل شوي يطالعني ابتسم له او لا !

و لما رجعنا و صار وقت النوم قلت له بهدوء انه ما يرجع يقول هالكلمات و يرفع صوته على خالته او غيرها .. و ياقلبي قال انزين حتى ما تستحمقني .. يعني ما تستحمقين عليي بلغته خخخخ !


وجعت راسك .. بس ابي اوصل فكرة انه عمر اطفالنا ما تتحمل غير هالاسلوب في الأمر و النهي .. أما العكس كان تهاون او شدة بيفسد اخلاق الطفل و نفسيته !


ان شاء الله بيوصلون للسبع سنوات و ما بنحتاج الى مزيد من التعب .. و ان شاء الله كل ما يكبرون يركدون و نرتاح !


على فكرة ..

اسلوب تذكير الطفل بأخطائه في الليل وقت النوم اخذته من برنامج تربوي لدكتورة نفسية للأطفال في قناة BBC !

اتمنى اكون افدتك .. و كل الاخوات !

كتبت رد طووويييييل وطاار ..!!!!
برجع احاول اعييده كنت كاتبه من قلب ..

عموما و بشكل عام التربيه صعبه ..
واني في بعض الاوقات احس روحي خلاص مو قادره اتحمل ..!!
و اني على وشك اني اصيح لاني احس مو قادره اضبط الامور و من كثر التعب ..

من شوي بس وان كنت اكتب الرد الاول الا طاار ..
ما شفته الا منثر احذيته على كبر الغرفه !!!
انصعقت بصرااحه .. وهذا يدل على انو ولدي عفااس وحركي الله يحفظه ويخليه ..!!
معنى احسه صغيروون على انه اشد عليه او حتى يتعاقب سنه وسبع شهور ..

مرات كثييره احس روحي خلالاص مو قادره اضبطه ..
معنى حليو واجتماعي وحبوب وحنون ويحب الكل بعد..!
والناس كل من يشوفه يحبه ..!!

بس عيبه شقااوته وانه لما يشوف اي شي في ايد اي طفل لازم ياخذه ياخده!!
يعني حتى لو كان شي ماله قيمه مثلا كلينكس ..
وهذا الطبع كلش ما احبه لانه الطرف الثاني راح يسوي مناحه..
اكيد ومحد يرضى على عياله !!

يعني مثلا في بيت ابوي في بنت اختي ولد اخو بنفس عمره ..
لو شاف اي شي في ايدهم لو ورقه ياخذها ياخذه باي شكل من الاشكاال ..
واني اروح له مرات اضربه على ايده والكل يقلون لي لا تضربينه ما يفهم ..!!!

معنى ما احب اسلوب الضرب ولا حابه اربيه عليه ..
بس ساعات ما اتحمل وامد ايديييي حتى اصابعي تطبع في جسمه !!
ويكسر خاطري بعدين وشوي واصيح عليه ..

اخر موقف مو من زمان انقهرت وضربته ..
كنت طالعه من بيت ابوي ومجودته من ايده وبفتح باب السياره..!
ما ادري شلون سحب ايده من عندي وراح يركض بنص الشااارع ..
وانا قلبي يرقع واركض وراها مثل الهبله والمجنوونه وهو يضحك عباله العب معااه ..

ومسكته وضربته عدل لانه مساافه على ما قدرت اصيده ..
وحمدت ربي انه ما صادف انو سياره جت ولا كان حدث ما لا يحمد .. بعد شر عنه ..!!

بس الله يهديني وما اضرربه ولا اصارخ عليه ..
والله يهدي يارب ما يتعبني ..!!

ومشكووره على المووضووع ..حطيت هواجسي بدل لا اعطيج حل ..
بس موضوعج هذا جه مضبووط ...
واحلى تقييم لعيونج ..!!

السلام عليكم
الله يعينج اختي ويعينا
عجبني رد اختي انثى وخلاني شوي اعيد حساباتي لاني مع ولدي وايد شديدة متغربل فيني مسكين توه امس يقول انا بودي بابا الجنة وبوديج النار لانج تصارخين علي ويقول بعد يبغيني اموت ويستانس انه ما عنده ام انا صج انقهرت لانه هالكلام صار جام اهلي بس ادري انه يحبني
والله صعبة تربية الاولاد العنيدين انا اذا احد عانده قام يقط كلام ويصارخ بس مو منه منهم هم يعاندونه بس انقهر عليه وافهمه ان عيب يصرخ على الكبار
حبيب امه مسكين تغربل فيني والله هو طفل فيه من الحركة الشي الكثير بس حبوب ولسانه عسل ويحفظ بعد الكلام مال الكبار وكأنه شايب حتى الناس تحب تسولف وياه بس علشان كلامه خخخخخخخ
وتصرفاته بعد والصلاة على النبي اكثر طفل محبوب في عائلة بيت جدي وانا حاطة عليه حطه ابغيه يصير مثالي وهو للحين طفل ما شبع من اللعب والشقاوة
الحين انا بعد قلت هواجسي ولا عطيتج حل للمشكلة

انا كمان ابني في سن عيالك .. وعنده نفس الحركات بس الحمد لله ما اشوفه شيطان مثل ما انتو تشوفو عيالكم .. انا اشوفه عادي .. وبل احسن من غيره .. والصراحة وسام بيسمع الكلام كثير .. وغير كدة

ابوه دايما يقولي خلي الولد على راحته خليه يلعب ويخرب ويعيش حياته كطفل مش كرجل كبير .. لا تكبتي من حرياته ..
اما في ما يخص اللسان وقلته الادب انا لا ايدها ابدا .. انا استخدم معاه هذي الايام اسلوب الحبس .. يعني الايام دي هو ماسك """ تفففففففف """ كل من زعله "تف" وطبعا ما يفرز .. "تففففف" علي وعلى جدتة وعلى خالته وعلى الكل .. باخذه غرفة لحاله واقفل عليه لما اخرجه افهمه ليش عملت معاه كدة واحيانا بهدده بالحبس فقط .. وهو يبطل ويجي يقولي " عفوا ماما ( لما اتعلم الكلام اتعلم عفوا يعني الولد مأدب خاااااااااااااااااااااااالص) .. انا بعمل اللي علي وانا عارفة هو بيعلق فيها فترة وبيخليها زي ما كان معلق في العض ..
يعني الصبر يا بنات .. وكل واحدة تحاول تجد الاسلوب المناسب للعقاب بعيدا عن الضرب .. انا ضد الضرب تماما ..

آآآآآآآآآآآآآآآه على الابن البكر
زينب بنتي على انها خيرة وما تعفس الا انها دليييييييييييييييييييييييعه واتأذى معاها على هالدلع لاني مالي خلق

سندس84;10434375:
آآآآآآآآآآآآآآآه على الابن البكر
زينب بنتي على انها خيرة وما تعفس الا انها دليييييييييييييييييييييييعه واتأذى معاها على هالدلع لاني مالي خلق

الغاليات .. أنا أبيكم تحطوا هواجسكم

لأنو من تجربة كل وحدة نستنتج الحلول .. وهم ننفس عن خواطرنا لا يزر عقلنا أو يصيدنا شي

أنا جي اذا اناقش همومي أول بأوول اشوفها صغيرة ومقدور عليها بس اذا أكتمها تصير كبيرة وما أقدر عليها ويا كلني الهم والضيق

مسز عادل;10432719:
ما شاء الله عليج يا جناح ما تخلص هواجيسج

واحنا نفتر وراج من مكان لمكان ههههههههه

ما شاء الله عليه ولدج سابق عمره وشكله لسانه طويل صح :tongue:

ولدج في سن ولدي ونفس الحركات

كان يضرب ويعض بعد دفاعاً عن نفسه و يا اللع أنواع الفشايل والزعل من القريب والبعيد لين الله فكنا من هالسالفه وصار أقل (عنفاً)

لسانه ما في أطول منه ويقول كلام كبار يمكن لأنهم يبتدون يحفظون بس ما يفهمون معنى الكلام

مالج إلا الصبر طولي بالج عليه بالنسبه للضرب لا تسكتين عنه لما يضرب أحد عاقبيه ازعلي منه ولا تكلمينه احرميه من شي صدقيني يفيد وياه ودايماً راقبيه وهو يلعب مع اليهال شلون يتصرف هل هو الي يعتدي ولا يدافع عن نفسه هل هو اناني او متعاون ودائماً كلميه في الأوقات الي تحسينه فيها رايق مثلي أنا أختار وقت النوم ابتدي أكلمه عن يومه شنو الشي الغلط الي سواه وشنو الصح و أحاوره على قده بعدين أقول له قصص يفهم منها الي يغلط شنو يصير فيه و الي ما يسمع الكلام أو عن الولد الشطور و هاذي يومياً سواء سوى شي أو لا


وبالنسبه للكلام خليه على راحته إذا استخدم كلمات كبار عادي تراه طفل ويتعلم و أصلاً حلو في لسانهم حتى إذا ما قال شكراً وجهيه بس لا تجبرينه وحتى السلام مثل الشي ولا تضغطين عليه وايد اعطيه شوية حريه


ومردهم يكبرون ويعقلون

هلاحبيبتي مسز عادل ... شسوي الغالية مالي غيركم أنفس لهىقبل لا أنبط

أنا أطمح للمثالية وأبي ولدي مثلي ..

حتى زوجي يقولي انتي معقدة الياهل .. اتفقت معاه انو اي تصرف اسويه مع ولدي مبالغ فيه يغمز لي عشان أتراجع .. وفاد معاي وايد .. مع ان في بعض المواقف عشان ما أعصب عليه نفسي تغلي داخل وىكل فروحي لدرجة دموعي تنزل من كثر الضغط الي بداخلي

(t)

أم ملاك;10432803:

الصلاة على النبي محمد, الله يخلي البطل و يحفظه
عندنا و عندش خير خيو جناح الروح
نصيحتي لش خيو و اللي اني شخصياً متبعتنها مع ولدي, إذا كان عندكم في العائلة ولد في نفس سن ولدش هادىء و خيّر على قولتنا خليه المثل الأعلى لولدش بما إنه في نفس السن, من يسوي ولدش شي مو زين ذكريه بالأشياء الزينة اللي يسويها ذاك (الولد) و إن هو شاطر و ما يسوي شطانة و لا يضرب و من هالحجي يعني بتلاقين الغيرة تشتعل عنده ويحاول يصير مثله و طبعاً في نفس الوقت تشجعينه و تقولين إليه مثلاً, انت شاطر مثله و ما تسوي جدي و جدي, و حاولي كلما سوه شي زين تكافئينه بشي يحبه (y)
و الله يهديه و يهدي ولدي :)

تحياتي, أم ملاك

أم ملاك حبيبتي ضربتي عالوترالحساس..

عنده في العائلة واحد في سنه شررررر

وولدي يموت عليه .. قمت أجيب الولد عندي يلعب معاه عشان أسيطر على تصرفات ولدي ويكون جدام عيني .. بس ما ارضى ولدي يروح له

قصوبة;10432861:
عليج باسلووووووووووووب المكافااااات اشتري له ستيكرات على الشخصياااااااااااات اللي يحبهم ووحطي له في لوحة ووكل ماسوووا شي صح خليه يجي يحط له الشخصبة اللي يحبها واذا سوووا شي يعصبح نادية علية خلية يشل الستيكر الشخصية اللي حطها هو حق نفسه وزعلى علية طنشة مدة ساعة واذا سوا شي صح خلي يرجع السيتكر وكافية بشي يحبة مثل قطعة بسكوتة اوعصير وثوولي لها اذا جمع عشرين مثل نجمة اخر الشهر كافية انج تودينة مثلا ملاهي يعني طلعة حلوة وياكل فيها ايس كريم او اكلة يحبهاااا اوتشترين له شي خاطرة فية

أنا مسوية له لوحة الوجه العابس والوجه المبتسم ... وكانت تحرك مشاعره بشكل رهيب وهذا كان سبب فشلها

اذا سوا خطأ .. وحطيت له وجه عابس يصيح من الصبح لليل لحد ما أشيله

أشيله يعني أشيله .. تصوري .. من غير ما يضبط سلوكه .. يقولي ما بسوي الخطأ بس ما يطبق

! أنثى !;10432909:
عزيزتي !

نتشابه مع بعضنا في هالشي .. بس شكلي سبقتك في ايجاد الحل !


من تقريبا شهرين كنت اتصفح كتاب رائع لرجل دين معروف جامع فيه كل آداب التربية للإمام الصادق عليه السلام .

و من ضمن الاحاديث اللي لفتتني هو "اتركه سبعاً، وأدبه سبعاً، وصاحبه سبعاً" !

و فيه تفصيل مطول .. إختصاره واضح من الكلمات .. الى عمر السبع سنوات نتعامل مع الطفل في التأديب بشكل معقول و معتدل .. طبعا بعيد عن التهاون او تهميش التنبيه للخطأ .. إنما في حدود توضيح الخطأ و منع الطفل عنه .


الحمدلله ،، بعد ما قرأت كلام الامام عليه السلام ارتحت نفسيا ، و تخلصت من حالة القلق اللي تلفني من أول ما يصحى ولدي ليما ينام .. و تشتد لما نطلع لبيت الوالد او لأي تجمع ثاني .. !

صح أواجه ضغوط من اللي حواليني لما يتعبون منه و من حركته ، لكن ما في يدي شي غير اني انبهه و امنعه ، اما الشدة و العصبية لا بد منها احيانا اذا كان يومه مليء بالمتاعب .. ! لكن بحدود طبعا !


مثلا .. من كم يوم خالته عصبت عليه لأول مرة و يمكن تفاجأ فقال لها الكلمات اللي يسمعني اوجهها له اذا عصبت ( يالنحيسة ، يالكريهة ) ! و مباشرة اختلط داخلي الاحباط و اليأس .. لكن رجعت قلت لنفسي ولدي قدوته أنا .. و الخطأ الاول هو مني .. يعني اترك الخطأ بدل من اني اصرخ في وجهه و ارعبه !

اكتفيت بإني بينت له من نظراتي اني زعلانة منه و بدأ يتلصق و كل شوي يطالعني ابتسم له او لا !

و لما رجعنا و صار وقت النوم قلت له بهدوء انه ما يرجع يقول هالكلمات و يرفع صوته على خالته او غيرها .. و ياقلبي قال انزين حتى ما تستحمقني .. يعني ما تستحمقين عليي بلغته خخخخ !


وجعت راسك .. بس ابي اوصل فكرة انه عمر اطفالنا ما تتحمل غير هالاسلوب في الأمر و النهي .. أما العكس كان تهاون او شدة بيفسد اخلاق الطفل و نفسيته !


ان شاء الله بيوصلون للسبع سنوات و ما بنحتاج الى مزيد من التعب .. و ان شاء الله كل ما يكبرون يركدون و نرتاح !


على فكرة ..

اسلوب تذكير الطفل بأخطائه في الليل وقت النوم اخذته من برنامج تربوي لدكتورة نفسية للأطفال في قناة BBC !

اتمنى اكون افدتك .. و كل الاخوات !

خيو انثى .. كلامج مرررررررة ريح قلبي ..

أولا ألحقيني باسم الكتاب والكاتب باسرع فرصة


ثانيا .. ولدي يحب عيال خالاته موت .. أمس يقول لخالته ابي أبيت معاكم ..

خالته من النوع اللي يمزح وتحبه بالعكس .. بس ردت عليه رد قاسي على طفولته

تقوله ححسن أخلاقك أول .. وأعقل عن الضرب بعدين ناخذك ههههههه

والله ولدي عور قلبي .. أهو يضرب مش كعنف لا .. كحب كدفاع عن نفسه .. وما يحب أحد يهينه بأي شي ..



اذا أقوله ماما حبيبي اذا أحد كبير كلمنا نسكت ... عشان ما يقولون هالولد مو مؤدب

صار له موقف مع أحد أعمامه ,, صارخ عليه شنو رد ولدي ..

اسكت اذا الكبير يتكلم " ولدي يقصد روحه " لازم تسكت خخخخخخخخخخخخخخخخخ

والله يوم وصلوا لي الموقف أنا أضحك انا أحزن .. يختلط عندي كل شي ..



والضغوط يا الغالية اهي أكبر شي يقلقني ...

يعني أهلي ما لي غنى عنهم .. بس ما يستحملون ولدي ..

ولو بقطعهم بيحطوا اللوم علي ...

ثانيا .. ولدي يحب عيال خالاته موت .. أمس يقول لخالته ابي أبيت معاكم ..

خالته من النوع اللي يمزح وتحبه بالعكس .. بس ردت عليه رد قاسي على طفولته

تقوله ححسن أخلاقك أول .. وأعقل عن الضرب بعدين ناخذك ههههههه

والله ولدي عور قلبي .. أهو يضرب مش كعنف لا .. كحب كدفاع عن نفسه .. وما يحب أحد يهينه بأي شي ..

شكلج مثلي بالضبط حساسه وما تحبين احد يهين ولدج من قبل عانيت من هالموضوع لما يسوي غلط يوجهون له كلام جارح أحس هو ما يفهمه بس أنا اللي أنجرح و أقعد بس أصيح وهم بعد ما يرضون لما أصيح يقولون لي إنتي بتخربين ولدج

اولاً هم ما يشوفون ليش هو ضرب ومن الي غلط أول يشوفون بس النتيجه و بعدين هو لما يغلط أأدبه بإسلوبي لأن الهدف هو التأديب مو الانتقام علشان نسمعه كلام يعور القلب


تخيلي مره صار موقف و احنا كنا بنسافر وما بوديه وياي الا تقول اشوه ما بيي ويانا انا هني تفطر قلبي وقمت اصيح اني مو بس اصيح على الكلام انا مو في خاطري ولدي يصير شيطان وتالي لما صحت الا تقول انتين ما تعرفين تربين


تخيلي


شتبين نفسيتي في ذيك اللحظة ؟؟ حتى لو كنت أفشل أم ما بقدر أسمع هاللكلام والحمد لله أنا راضيه عن تربيتي لأن ما ضل إسلوب ما استخدمته وياه بس شقاوة الطفل لابد منها


وغير مرت حماي اللي ياما وياما سمعتني كلام


بس الحمد لله صار له كم شهر متحسن في سلوكه و أقدر آخذ راحتي لما نروح مكان مو قاعده على أعصابي مثل قبل


والحين انعكست الآيه وصار هو الضحية وهم اللي يضربونه، اكيد يكسر خاطري اذا انضرب

بس يبات مظلوم ولا يبات ظالم ههههههه

لا عن جد بعد كل اللي سمعوني اياه من تعليقات وكلام الحين لما ينضرب اسكت ما اكبر السالفه مثلهم


والله يهديهم يا رب وبتلاحظين كل ما كبر شوي يتغير سلوكه يعني شهر يفرق عن اللي قبله


والله يخليهم لنا