بلييز ساعدوني ..

حبوبة لما قلتي له هذا الكلام (( انا ما ابيك مو مرتاحة معاك )) شو كان رده ترى رده مهم لنا نحن عشان نقدر نساعدج


بروح الجمعية اعدل نظارة بنتي ولي رجعه وياج على طول حبوبة ان شاء المولى


العتب

مشكورة العتب ع ردج


يوم اللي قلتله مابيك قالي ..

لا انا ابيك .. والعرس قريب ..

وانا ابيك ومابي غيرج الخ

الله ييسر لك امورك ويهديلك زوجك ويسعدك

اقول اذا تهتمين بكلام هلج وتروحين تحاجينه علشان ما يقولون انج مو مهتم هالحجي غلط،، لا تتصلين يبيج يتصل لج والريال مايحب اللي هي تجي وراه وتسال ترى صج هالوقت يحبون الثقيله والحبوبه اللي تسال ماتنعطى وجه خلاص خليه براحته اذا يبيج هو يتصل،، انا اسفه على اسلوبي بس دام مو مقصره المفروض هو ما يقصر فخلاص خليه..

الله يوفقج يارب:)

طيب كيف الغالية حكمتي عليه انه ما يهتم فيج يمكن مشغول وشغله ضغط ولما يرجع ينام ولما يقوم يطلع يرفه عن نفسة ... حاولي تشرحين له من الحين اللي يضايقج هل عرفتي شخصيته شو اللي يحبه شو اللي يضايقة ... الغالية احيانا كثيرة الرجل ترى والله ما يعرف يعبر عن مشاعره ... وينحرج كثير خاصة بداية الزواج ... بعض الرجال حبوبة عندهم فكرة ان الزواج سجن وضيقة خلق فإحتمال هو يكون مع ربعه فينحرج يرد عشان يتجنب احراج الشباب له (( سويين )) الله يهديهم ... فعشان كذا هذا يكون احد اساب عدم الرد ... وسبب عدم جيته كثير عندكم بعد معروفة في كثير من الاحيان يستحي جدام اهلج يبي يثقل ويصير رزين على الاقل جدامهم ... بس تدرين عجبني انه يحترم والدج شكله يعني لما تطلبين منه يجي وتقولين ابوي يباك هذا اعتبره نوع من الاحترام ... فيقول خلاص اجل رجال يباني لازم اروح ... ما اعرف الله اعلم الغالية تعرفي عليه اكثر وتقربي منه واعرفي شو اللي يحرجه او شو منظوره

جلسي معاه وإذا ما عنده وقت يقعد ويتكلم مسكي ورقة وقلم واكتبي اللي بخاطرج كله
راح يشل الرسالة وبعيد عن اعين الكل راح يقراها ويفكر بكل كلمة كتبتيها ويتسآل شو سويت انا ليش كتبت كذا وبينه وبين نفسه يمكن راح يراجع نفسة ويفهم احسيسج

تقبلي تقديري واحترامي الغالية والله يوفقج ويسر امرج

العتب

الله ييسر لك امورك ويهديلك زوجك ويسعدك

ماشاء الله البنات كفو ووفو...

اختي انا مافهمت شغله .. شلون يعني خذيته .. ( غصبا عني ) يعني الوالده الله يحفظها قالت لج لو ماخذيتيه لا انتي بنتي ولا اعرفج ,, ولا بتبرا منج .. ولا ضربتج .. ولا قالت لج .. يا هالولد ولا ماكو زواج طول عمرج ..

شلون غصبا عنج ابي افهم يعني .. شلون بنت تنغصب على الزواج ....

الريال بالعاده وخصوصا الي على خطبه .. نادرا ما يقدر يعبر عن مشاعره والدليل الريال قالج ان يباج وان ما يبي غيرج .. يا اختي الزواج يختلف عن الخطوبه

ياما ناس عاشو الخطوبه احسن ما يكون .. والزواج كله مشاكل وانتهى بالطلاق

انتي ما تقدرين تحكمين على زوجك الا لمن تكونين معاه تحت سقف واحد ... اعذريه واستمحي له الاعذار .. وبنفس الوقت حاولي تجذبينه باسلوبك الحلو .. واضيفي عليه بهار الغموض شوي والدلع...

وشوي شوي بتشوفينه الريال مشتاق لج .. وبعدين يمكن هو حاب يخلي كل شي لبعد الزواج ناس وايد جذي ..

كل المطلوب منج ان تكلمينه بصراحه .. وانا محتاجه اسمع رده وكلامه لمن صارحتيه بمشاعرج وشنو كان رايه

بانتظارك اختي

أصلاً الزواج و الخطوبة ما تنقاس بأن كلشي في داخل تفكيرج لازم يطبق فعلياً أمام عينج
لان اهو تركيبة عقليته غير عنج اهو ريال
اهو يملك الأشياء اللي تتمنينها من اهتمام و ميول و حب وغيره بس بطريقة ثانية

و الشي ما يجي بالصياح او بالاجبار ان لازم يسوي هالشي او اهو مو زواج

لو كل الدنيا مشيت على هالاساس ما بقى احد مزوج لا سمح الله

الزواج اهو اولشي تفاهم و تفهمين زوجج حتى تقدرين توصلين لمبتغاج عن طريق فهم عقلية زوجج

و الواضح انج كلش ما قاعدة تدخلين لشخصية زوجج او تحاولين حتى تفهمينه

و مخج رايح كل حوالين نفسج و هذي تتحول لشي اسمه أنانية في الحب


اذا انتي من صجج تبين توصلين للهشي و للاستقرار اللي تطمحين له


افهمي عقلية زوجج و عاطفته و هل هو يخجل او لا

و الواضح ان يبيج لما قالج مابي غيرج

معناه انتي وصلتي للهشي الا تبينه بس قاعدة تتغاضين لان مو عارفه اشلون تتعاملين مع شخصيته الخجولة او المتحفظة قبل الزواج او فترة الخطوبة

فلما قالج ابيج اعطي على قد اللي يريحه و حببيه فيج بللي يرتاح له اهو اكثر شي

تدريجياً راح يتكون عنده الجرأة غصبا عنه لانج قاعدة تشحنينه عاطفياً و بسهولة لان اهو على قولته ما يبي غيرج معناه يحبج

و هذا يسمونه اشلون تخلين شخصيته تتحرك و يطلع كل ما بقلبه على الواقع و بتلاقين الا يرضيج و أكثر


و هذا رايي و الله يوفقج

البنااات كفو حبيبتي..

الله يوفقج فديتج

ثانكس ع مروركم ..

انا تكلمت معاه وقلتله .. هو يتغير 3 ايام ويرجع باقي الايام مثل ما هو

ما احس باي تغير يصيير له ..

انا يوم خذته غصبا عني .. اماية اصرت علي .. واماية غالية علي .. وانا مابي اكسر خاطرها ..

انا كل المحاولات .. جربته معاه بس مااكوو فايدة ..

الله يصبرني عليه ..

حبيبتي..اخواتنا ما قصروا في الرد بس نصيحتي لج قعدي وياه وقولي له عندي كلام في خاطري ولازم تسمعه وفي هالقعده قولي كل الي في خاطرج من دون احراج ومن دون مقاطعه وقولي الي تحبيه والي تكرهيه و..و..وانشالله بتجاوب معاك ويرضيك مدام يحبك