معاونة زوج المستقبل ماديا

الغالية معاونة زوج ما فيها اي شيء ... بس إذا كان راح يأثر على دراستك فأحسن انك تصرفي النظر عنها وتركزي على دراستك ... لانها مستقبلج واللي منها راح تشتغلين ...

بس الغالية اشلون راح يدرس هو وهو رجال يدرس طالبات في الثانوية هذي بصراحة ما تدخل العقل ...
وصعبة كثير ... وراح تفتح لك ابواب انتي في غنى عنها ...


إذا لديك القدرة رائعتي على التدريس ولديك وقت فراغ في الاجازة الصيفية ... فلا مانع من العمل ومساندته لتوفير ما يبني مستقبلكم ...

رائعتي الله يعينكم هو ما يقدر يدور على شغلة ثانية او تقدري تحصلون له موظفات عشان يوصلهن ... او حتى يشتغل في احدى الورش او المحال التجارية شغلة دائمة ...

العتب

مافيهاش حاجه انك تشتغلى وتساعديه بس طبعا لاتهملى دراستك

عادي بالعكس الزوجة تساعد زوجها وتعاونه ترى الدنيا شراكة وتعاون والا ما بتمشي .

عزيزتي اهم شئ اولا تتفقوا على ان الشغل ما يأثر على دراستك يعني اشتغلي وقت الفراغ والاجازة اما وقت الدراسة لا .

هو بعد لازم يدور شغل وقت اجازة الصيف يعني ممكن يشوف له وظيفة مؤقتة وما يعتمد على وظيفتك وبس .

لازم تعرفي انك تساعدين زوجك عن طيب خاطر بس هذا ما معناه انك تعطين له المجال يإستغلالك واخذ فلوسك بالساهل . اعذريني انا ما اعرف طبع زوجك كيف بس بشكل عام بعض الرجال فعلا يعتمدون على الحرمة وفلوسها. فلازم يكون في اتفاق بينكم .

اختتتي بالعكككس يعني في الييوم اتدرسيين لج كذااا طالب في ساعتييييين ماراح ياخذ منج وقققت ..اببد يعني قولي كل حصصة فيها 4 اولااد وكل وللد 30 دينار وبببببجذيي واييد زيين وبتساعديين ريلج

ههههههههههههههه سوري اولا الموضوع ما ادري حطيته في مكان و صار في مكان ثاني:D
للي ما فهم علي بسبب سوء إصالي للفكرة :tongue:

انا ادرس
اهو يوصل طالبات للمدارس
في الصيف ما يقدر يصير معاه مبلغ للمصاريف
فاهو يقول لي تقدرين تسوين معاي دروس خصوصية للطالبات
و انا- اللي اهو زوجي - اقدر اوزع اعلان للبنات اللي اوصلهم فيجون عشان تدرسينهم (y)
و لكن انا اخاف يصير يعتمد علي في المصاريف
او انه مستواي ينزل في الدراسة
فشنو تنصوحني

بالنسبة للي نصحوني :cool:

سوف توتش شكرا و الله هذا اللي ودي فيه و انا جربت قبل ما انخطب اني ادرس طلاب و شوي مشى حالي (i)



ام سلمة حبيبتي انا ابيه يروح يَدرس الثانوية لانه اذا درس الثانوية رح يصير له فرصة يشتغل في شغل حكومي .... و انا رح أدرس طالبات عشان اساعده في الصرف المادي



مونة دلوعة و مريمتي حياتي تسلموووون




اختي

قلتي لي
بس الغالية اشلون راح يدرس هو وهو رجال يدرس طالبات في الثانوية هذي بصراحة ما تدخل العقل ...
وصعبة كثير ... وراح تفتح لك ابواب انتي في غنى عنها ...

انا اقول اهو يوصل طالبات للمدارس و رح ينشر منشورات بين الطالبات و انا اللي رح أدرِّسهم


و حيا الله الغالين(f)

شوفي انا بقولك وانتييييييييييي حرة
الرجل خُلق للكرف فقط لاغير

الله خلق الشقاء والبقاء له هو

انت تجلسين في بيتك مكرمة منعمة

ممكن اشتغل لنفسي وبس

لكن اشتغل له لالالالالالالالالالالالالاوالف لا
وبكرة يقول ابي واحدة متفرغة لي مو مشغولة مرتزة في البيت تستقبلني وووو

أختي الزوج يحب يصرف على زوجته يحب يفرض قوامته عليها ويحب يصرف عليها

لكن تجيبي له المال وحضرته ايش يسوي

نصيحة لك لاتسويها تحبيه خليه يكمل دراسته افضل من شغل النقل عشان يستقر ولايتهجووول

بس هذي وجهة نظري

لا توافقين

انتي تعرفين طبع زوجك اكثر من النوع اللي ما تهمه الماديات ولا يقط مسؤوليه نفسه على غيره ساعديه اما اذا قصده شيلي نفسج بنفسج هاذي صعبه بكره وراكم بيت وعيال..

الله يوفقج يارب

أم سلمة كلامك صحيح 100% و أحسه منطقي لكن هو جرّب إنه يشتغل براتب قدره 1200 و في مكان غربة
و لكن انا عن نفسي اقول ما رح يفيده هالشي لانه ان راح هناك رح يضطر يدفع للشقة و مصرف أكله
يعني يا قلبي شنو يشيل و شنو يخلي

النقطة الثانية ترا اهو كدووح جدا و مخططه المادي يعتبر جيد لانه أخذ دينه مبلغ 40,000 و سددها من شغلة الباص

و جمع فوق ال 45,000 مرةثانية من شغلة الباص و لكن هالكلام كان وقت العزوبية

يعني اكله و شربه وسداد الفواتير مو عليه وحده! ابوه و اخوانه يساعدونه

فالوضع يختلف بعد الزواج


قلت له يكمل الدراسة و اللي فهمته انه مو سهل عليه اكمال الدراسة يعني ما رح يعديها بالساهل

و شكرا على نصيحتك فادتني كثيييير و لكن الان شرحت لك عنه شوي أكثر


اسيل أولا شكرا على تواجدك في الموضوع
ثانيا أنا في إعتقادي و على حس اللي أسمع من التجارب انه الزوج اذاعاونتيه في شي رح تنحسب نقطةفي صفك !!! يعني مثلا اختي كانت صابرة على انها تغسل ملابسها مع اهل زوجها في غسالة وحده و لما طلعت في شقة اشترى غسالة مستعملة و لما طلع مرة ثانية لاااا شاف صبرها و شرى لها اتوماتيك و هالشي في مناطقنا يعتبر شي طيب

فأنا أقول دام إنه طلب مني الشغل اوافق عشان يعرف اني معاه في اشياء من دون أشياء
يعني اوافقه في اني اشتغل بس ما اوافقه يظل على هالحال في فترة الصيف:wink:




عذاب الله يسلمك يالغالية :) انتي قلتي لي لا توافقين و بس يعني اكيد تعرفين تجارب شي من هالقبيل ليت تفيديني


اختي الكريمة الله يخلي لج زوجك يااا رب
بس اعتقد من تصرفاته و اهو اعزب انه يحب يشيل مسؤوليته بنفسه

1- كان رح يتزوج مع واحد من عائلته و قال ذاك رح أأتأخر في الزواج قال لا خلاص بتزوج بروحي و حجز و كل شي يقول الزود عندي في الصالة و غيرها :cool:

2- نفس الكلام اللي قلت من قبل في ردي ع الاخت ام سلمة

و رح افكر الليلة و رح أتخذ قراري و اقول لكم :wink:

خليه يشتغل في الصيف يعني يستمر بعملية توصيل مثلا وحده بتروح مستشفى وحده بتزور اهلها وحده تبي تروح السوق

بس هو قصده اعتقد مو بس في الصيف قصده تساعدينه بمصاريف المنزل يعني يكون لكم مدخول ثاني غير التوصيل والسواقه ... فاشوف انا ان مايكتفي بشغلة التوصيل بس مثلا بلنهار يوصل الطالبات وبالعصر والليل مثلا يشتغل بمحل

وانتي قرري اذا تبين تعطين دروس خصوصيه او لا وذاا قررت تعطين

اشوف انها من حقك بس ... لانه هو مسؤول عن النفقه
او انك مثلا تاخذين 90 بالمئه لج و 10 بالمئه مساعده منج لمصاريف البيت

تبين تساعدينه بكيفك بس انتي مو ملزومه

تدفعين له

وانتي تدرسين انتي تقولين يوصل مشاوير وطلبات

يعني يقدر يوفر الفلوس وحتى لو مابتكفي اقتصدو شوي

انتي براحتك تبين تضغطين على نفسك وبتتعبين

وهو راح يتعود بعدين على انك تعطينه ويقعد ياخذ منك


بالتوفيق

[GRADE="000000 FF0000 FF1493 4B0082 000000"]
شكرا ع النصائح و كل كلامكم في مكانه و خذت خيرة طلعت مو زينة و من الله التوفيق لكل خير و التوفيق للجميع ياا رب

شكرا يا اختي ده من نصايحك في مكانها يختي ام سلمة>>>شعندها قلبت مصري كاك
[/GRADE]

اسيل!;10426911:
شوفي انا بقولك وانتييييييييييي حرة
الرجل خُلق للكرف فقط لاغير

الله خلق الشقاء والبقاء له هو

انت تجلسين في بيتك مكرمة منعمة

ممكن اشتغل لنفسي وبس

لكن اشتغل له لالالالالالالالالالالالالاوالف لا
وبكرة يقول ابي واحدة متفرغة لي مو مشغولة مرتزة في البيت تستقبلني وووو

أختي الزوج يحب يصرف على زوجته يحب يفرض قوامته عليها ويحب يصرف عليها

لكن تجيبي له المال وحضرته ايش يسوي

نصيحة لك لاتسويها تحبيه خليه يكمل دراسته افضل من شغل النقل عشان يستقر ولايتهجووول

بس هذي وجهة نظري

انا مع الاخت بكل كلمه خليه يكرف هذول مايستاهلون ان الوحده تتعب على شانهم