~ْ~ ألذ بيتزا من مطبخي ~ْ~

اهلا بالعرايس
ازيكم ؟؟ ان شاء الله تكونوا بخير
من فترة شفت موضوع كانت نقلته عندنا الأخت رفى
بعنوان البيتزا الملكية ..
وهي فعلا ملكية وشكلها خطييييير وطعمها لذيييييذ
وقلت لازم اجربها ونشوف ..
اول مرة جربتها عملت الكرات بتاعته وسط ..
كبرت في الصينية ووصلت لنص البيتزا هههههههه :o
وبعدين عملتها تاني .. بس ظبطت الكرات .. وخليتها صغيرة ..(a)
وكانت يمييييييي :wink:

يلا نشوف المقادير والطريقة ..

العجينة المستخدمة .. عجينة العشر دقائق ..
وهي معروفة طبعا ...

2 كوب دقيق + 2 كوب ماء دافئ + 4 م ك حليب بودرة + م ك خميرة + م ص ملح + م ك سكر







وتعجنيهم مع بعض وتسيبيها تتخمر 10 دقائق .. بعدين تضيفي 3 كوب دقيق + نصف كوب زيت
وهنا بعد ماخلصت ..







تاخدي جزء من العجينة وتفرديه في الصينية







ويكون سمكه وسط لا رقيق اوي فتنشف وتقرمش ولا سميك فتكون البيتزا مكلبظة ههههه :D
ونبتدي نشكل كرات صغيرة من العجينة ونحشيها زي مانحب ..انا حشيتها مكعبات جبن شيدر وكيري .. ونرصها على اطراف الصينية بالشكل ده ...







وحشو البيتزا ( لحم مفروم عصجته مع البصل والثوم والبهارات واضفت عليه الصلصة وقلبته كويس )







ونضيف الخضار ( الفلفل والطماطم ) والزيتون ..







ندهن الكرات بالبيض ونرش عليها سمسم او حبة سوداء







وندخلها الفرن من تحت لحد ماتنضج وبعدين نحمرها من فوق ..
ونرجع نطلعها من الفرن ونضيف الجبن الموتزاريلا







وندخلها الفرن تاني ع الشواية بس لحد ماتسيح الجبنة ..

وهنا شكلها النهائي ..























والقطعة دي لأول رد هههههههه .. :wink:











والجزء المتبقي من العجين عملته كرات محشية بالشيكولاتة ..
















بسسسسس
ايه رأيكم ؟؟
شكلها خطييييييييير صووووووح
والكرات لما تاكليها لذيذة واحلى من العيش الفينو ( الصمولي )

يلا سلاااااااااام
[BLINK]


يرجى عند النقل ذكر المصدررر
[/BLINK]