السلام عليكم ورحمه الله وبركاته
اخواتى انا هدخل فى الموضوع علشان الموضوع يطول شرحه وعشان تقدروا تفهموا المشكله كويسه وتفيدونى اعمل ايه ...
انا اتعرفت على زوجى من خلال العمل وتقدم لخطبتى وفضلنا مخطوبين سنتين ونص وحبينا بعض جدا بعد الخطوبه على اساس انى ما كونتش اعرفه قبل الخطوبه المهم بعد مرور سنتين زوجى ده اتبدل بقى واحد تانى خالص يعنى كان اهلى واهله بيضربوا بينا المثل فى علاقتنا مع بعض وان مفيش حد بيدخل بينا فى الفتره اللى قبل الزواج بقى انسان غريب وبدأت احس انه بقى بيبخل عليا وبقى كثير المشاكل معايا ومشاكل تافهه ويكبرها وألقى الناس كلها داخله فى المشكله اهلى واهله جينا ساعه كتابه القايمه قبل الفرح بأسبوع وحسيت انى مع واحد تانى خالص حتى اهله مش هما دول اللى دخلوا بيتنا الكلام كله اتغير واللى قالوا هنعمله بيتعمل عكسه غير ان ماما حسيت انهم طمعانيين فينا وعاوزيين انى انا افرش الشقه كلها مع العلم انى جايبه حاجات كتير هو مش متحمل حاجه غير غرفه النوم والصالون وطبعا هو جايب شقه تمليك عشان كده ماما قالت احنا بنشترى راجل ومفيش مشكله لما نساعد العريس وباقى العفش كله انا جبته بأضافه ان ثمن غرفه النوم مكفاش مع العريس ماما كملت من معاها حوالى ربع ثمن الغرفه .. وكل ده وقولنا مش مشكله بيحصل مشاكل كتير قبل الزواج على طول بسبب شده الاعصاب والضغوط وقولنا انه هيروح كل الكلام ده بعد الزواج ..
وتم الزواج من ثلاث شهور من اول اسبوع انا بعانى مشاكل معاه اول مشكله انه بيطلب منى انه يدينى مبلغ كل شهر وانا اشترى طلبات البيت فا انا رفضت وقولتله لازم نتشارك فى الحاجه دى وكمان عشان تشيل معايا خصوصا وانا ساكنه فى الدور التاسع ومفيش اسانسير يعنى صعب عليا اشيل طلبات الشهر واطلع بيهم لوحدى وكمان عشان انت تعرف البيت بيصرف كام والدنيا ماشيه اذاى دى حياه جديده عليك وعليا ولازم نتشارك فيها عشان تكون حياتنا سعيده رد فعله يكون انه يقولى انا مش مرتاح معاكى انا مش عاوزك وكلام كتير فيه غلط واتصل بأهلى وأهلى سمعوا منه سبب المشكله وغلطوه وفهوه انى مش غلطانه وبدأوا يفهموه الحياه تمشى اذاى وايه هو معنى الحياه الزوجيه وكل ده بهدوء مش بخناق وزعيئ .مع العلم انا الحمد لله جميله شكلا ونظيفه جدا فى بيتى ومنظمه جدا والكل بيشهد بكده وهو شكله مش حلو خالص وكل اللى حضر الفرح بقى يقول دى اتجوزت ده اذاى بس انا كنت بقول مش بالشكل هو كويس وطيب . بس للأسف الناس كان عندها حق انه انا مكنش ينفع اتجوزه لان مفيش حد طيب اليومين دول ...
تانى مشكله عاوزنى اروح ابات فى بيت اهله كل يوم خميس وجمعه وسبت اجبارى وبيت اهله صغير جدا وكمان انا بشتغل يعنى عاوزه اروح يوم الاجازه عشان انظف بيتى وكمان انا عروسه لسه فى الاسبوع الثالث ليا عاوزه اكون على راحتى فى لبسى حصلت مشاكل كتير والدنيا اتقلبت عليا ابوه وامه اتقلبوا عليا وانا كمان فى اول الزواج مكنش عندى مياه بتطلع كنت بنزل املاء مياه من الدور السادس واحولها لعدنى فى التاسع والغسيل كنت باخده عند ماما اغسله واروح بيه البيت ومن تانى يوم بطبخ عمل اجتماع عندنا فى الشقه وجاب ابوه وامه وخالى وامى بيقول انه مش مرتاح معايا وانه مش طايقنى ليه ايه السبب دى مش بتغسل دى مش بتطبخ دى مش بتسمع الكلام غير انه اتكلم مع ماما بقالت ادب واهنها فى البيت واهله حتى مش قالولوا عيب ولا ميصحش انك تتكلم مع ست كبيره كده غير انه قبل ما هما يجوا كان شاتمنى ومبهدلنى انا وماما وانا مردتش عليه ..انتهت المشكله وحصل صلح وننسا اللى فات ونبدأصفحه جديده
بعدها بأسبوعين تقريبا او 3 اسابيع مشكله جديده اتكلمت معاه وسألته انت ايه اللى مش مريحك معايا واتكلمت معاها بهدوء عشان محدش يدخل بينا لقيت منه رد فعل غريب مش عاوز يتكلم ولما اتكم بيقولى انى مشغلاه خدام عندى عشان بيوصلنى الشغل بالعربيه وانى مش بشاركه فى حاجه طيب ايه نوع المشاركه دى عشان انا معرفش علمنى يقولى مفيش مش عاوزك تشاركينى فى حاجه . زوجى بيفتعل معايا المشكل بيجى من بره مقلوب عليا وبيتلكك على اى شئ انا بتقى شره وبسكت مش برد عليه لحد ما يهدى وبيقول انى بعمل معاه مشاكل . غير حاجات تانيه كتير زى مثلا انا تعبانه ونايمه فى السرير من شده التعب يقولى قومى اعمليلى شاى . اقوله هاتلى الدواء يقولى لما ارجع بالليل اصلى مش معايا فلوس لما اطلع الفلوس من معايا يقولى انتى عاوزه تتعبينى وخلاص قومى اعمليلى سندوتشات عقبال ما اجيبلك الدواء . اقوله انزل هات مياه من تحت عشان انا تعبانه وعشان اعمل الغداء يقوم يلبس ويسبنى ويروح ياكل عند امه ومش يجبلى المياه وكل شويه يقولى انا مش طايقك انا بكرهك وانا ومش عاوزه انتى معندكيش رجاله وشتايم بقى كتير قدام والده ولما اشتكيت لأهلى وواجهه بالكلام اللى قاله انكر ووالده انكر واول عيد يعدى عليا بعد الزواج كان اسوء عيد كنت غضبانه فى بيت اهلى لمده 3 اسابيع وهو ما فكر يتصل ولا يسأل ولما جيه عشان يصلح اهله غلطوا فيا وبيقولوا كلام عنى انا مش بعمله واخر مشكله حصلت بعد ما رجعت البت واتصلحنا بيومين مش عاوزنى اروح عند امى ولا ازورها خالص اتكلمت مع خاله هو وطبعا معجبوش الكلام والوضع اتكلم معاه وحلينا المشكله انه قالى روحى بعدها بيوم يسبنى لوحدى فى الشقه وعماره مفيهاش سكان غير 4 او 5 شقق بس اللى ساكنيين من حوالى 30 شقه ويروح يبات عند امه بدون ما يكون بنا زعلى او مشكله غير كده جاى تانى يوم وجايب معاه صاحبه وابن عمه وهيدخل ابن عمه وصاحبه غرفه النوم فا انا قولتله ثوانى ودخلت اشيل هدومى اللى متعلقه على الشماعه هو يكون رد فعله انه داخل ورايا يشتمنى ويهنى وصلنى لمرحله انا عمرى ما كنت احب انى اوصلها انى ارد عليه الكلمه بكلمتها والشتيمه بنفس الشتيمه وابوه جيه البيت وسألنى على اللى حصل حكيتله وغلطه وقولتله شوف ابنك عاوز ايه وريحه ابنه قالى هو عاوز يطلق وانا قولته براحتك اللى يريحك . للأسف هو مش عارف يعنى ايه زواج مش عارف يعنى ايه بيت وحرمه بيت لازوم يحترمها مش عارف يعنى ايه مسئوليه هو طمعان فى مرتبى وعاوزنى اصرف فى البيت وهو يروح يصرف مرتبه فى القهوه والخروج مع اصحابه من ساعه ما اتجوزنا وانا لسه لحد دلوقتى المفروض انى عروسه مخرجنيش بلاش دى وما احترمنيش ولا احترم اهلى غير انه بيسمع كلام امه وامه بتقوموا عليا ولما بيجيب حاجه فى البيت امه بتقولوا كتير اللى انت جايبه ده ما تجبش كده تانى والده مرضيش يبات عندنا يوم وكان تعبان ومش قادر يروح ولما سألته ايه السبب قالى اصل الحاجه لوحدها فى البيت ومش هينفع اسيبها تبات لوحدها طيب انت مش قادر تقول لأبنك كده لما راح بات عندكم وسابنى لوحدى قالى دى حريه شخصيه هو اصله متعود يبات عند والدته .............. خلاص تعبت من الاهانه وتعبت من المشاكل وتعبت من انى لوحدى بحاول اصلح من الغلط وهو لأ وكل ما احل مشكله يطلع بمشكله جديده وانا لسه عروسه بقالى 3 شهور جواز ....
ساعدونى اعمل ايه اطلق منه مايهمنيش كلام الناس ... ولا اخاف من كلام الناس وارضى اعيش فى الاهانه والذل وخصوصا انه عمره ما هيتصلح حاله ولا هيكون كويس معايا بالعكس الامور هتزداد سوء ممكن المره اللى جايه تتطور للضرب ...... قولوا رأيكم ايه فى الكلام ده وهل كده انا بفترى عليه لو سبته قولولى اعمل ايه ؟؟؟؟؟
أخواتي...التطورات الأخيره للموضوع تجدوها هنا
http://forums.3roos.com/showpost.php?p=10451708&postcount=41
اخواتى انا هدخل فى الموضوع علشان الموضوع يطول شرحه وعشان تقدروا تفهموا المشكله كويسه وتفيدونى اعمل ايه ...
انا اتعرفت على زوجى من خلال العمل وتقدم لخطبتى وفضلنا مخطوبين سنتين ونص وحبينا بعض جدا بعد الخطوبه على اساس انى ما كونتش اعرفه قبل الخطوبه المهم بعد مرور سنتين زوجى ده اتبدل بقى واحد تانى خالص يعنى كان اهلى واهله بيضربوا بينا المثل فى علاقتنا مع بعض وان مفيش حد بيدخل بينا فى الفتره اللى قبل الزواج بقى انسان غريب وبدأت احس انه بقى بيبخل عليا وبقى كثير المشاكل معايا ومشاكل تافهه ويكبرها وألقى الناس كلها داخله فى المشكله اهلى واهله جينا ساعه كتابه القايمه قبل الفرح بأسبوع وحسيت انى مع واحد تانى خالص حتى اهله مش هما دول اللى دخلوا بيتنا الكلام كله اتغير واللى قالوا هنعمله بيتعمل عكسه غير ان ماما حسيت انهم طمعانيين فينا وعاوزيين انى انا افرش الشقه كلها مع العلم انى جايبه حاجات كتير هو مش متحمل حاجه غير غرفه النوم والصالون وطبعا هو جايب شقه تمليك عشان كده ماما قالت احنا بنشترى راجل ومفيش مشكله لما نساعد العريس وباقى العفش كله انا جبته بأضافه ان ثمن غرفه النوم مكفاش مع العريس ماما كملت من معاها حوالى ربع ثمن الغرفه .. وكل ده وقولنا مش مشكله بيحصل مشاكل كتير قبل الزواج على طول بسبب شده الاعصاب والضغوط وقولنا انه هيروح كل الكلام ده بعد الزواج ..
وتم الزواج من ثلاث شهور من اول اسبوع انا بعانى مشاكل معاه اول مشكله انه بيطلب منى انه يدينى مبلغ كل شهر وانا اشترى طلبات البيت فا انا رفضت وقولتله لازم نتشارك فى الحاجه دى وكمان عشان تشيل معايا خصوصا وانا ساكنه فى الدور التاسع ومفيش اسانسير يعنى صعب عليا اشيل طلبات الشهر واطلع بيهم لوحدى وكمان عشان انت تعرف البيت بيصرف كام والدنيا ماشيه اذاى دى حياه جديده عليك وعليا ولازم نتشارك فيها عشان تكون حياتنا سعيده رد فعله يكون انه يقولى انا مش مرتاح معاكى انا مش عاوزك وكلام كتير فيه غلط واتصل بأهلى وأهلى سمعوا منه سبب المشكله وغلطوه وفهوه انى مش غلطانه وبدأوا يفهموه الحياه تمشى اذاى وايه هو معنى الحياه الزوجيه وكل ده بهدوء مش بخناق وزعيئ .مع العلم انا الحمد لله جميله شكلا ونظيفه جدا فى بيتى ومنظمه جدا والكل بيشهد بكده وهو شكله مش حلو خالص وكل اللى حضر الفرح بقى يقول دى اتجوزت ده اذاى بس انا كنت بقول مش بالشكل هو كويس وطيب . بس للأسف الناس كان عندها حق انه انا مكنش ينفع اتجوزه لان مفيش حد طيب اليومين دول ...
تانى مشكله عاوزنى اروح ابات فى بيت اهله كل يوم خميس وجمعه وسبت اجبارى وبيت اهله صغير جدا وكمان انا بشتغل يعنى عاوزه اروح يوم الاجازه عشان انظف بيتى وكمان انا عروسه لسه فى الاسبوع الثالث ليا عاوزه اكون على راحتى فى لبسى حصلت مشاكل كتير والدنيا اتقلبت عليا ابوه وامه اتقلبوا عليا وانا كمان فى اول الزواج مكنش عندى مياه بتطلع كنت بنزل املاء مياه من الدور السادس واحولها لعدنى فى التاسع والغسيل كنت باخده عند ماما اغسله واروح بيه البيت ومن تانى يوم بطبخ عمل اجتماع عندنا فى الشقه وجاب ابوه وامه وخالى وامى بيقول انه مش مرتاح معايا وانه مش طايقنى ليه ايه السبب دى مش بتغسل دى مش بتطبخ دى مش بتسمع الكلام غير انه اتكلم مع ماما بقالت ادب واهنها فى البيت واهله حتى مش قالولوا عيب ولا ميصحش انك تتكلم مع ست كبيره كده غير انه قبل ما هما يجوا كان شاتمنى ومبهدلنى انا وماما وانا مردتش عليه ..انتهت المشكله وحصل صلح وننسا اللى فات ونبدأصفحه جديده
بعدها بأسبوعين تقريبا او 3 اسابيع مشكله جديده اتكلمت معاه وسألته انت ايه اللى مش مريحك معايا واتكلمت معاها بهدوء عشان محدش يدخل بينا لقيت منه رد فعل غريب مش عاوز يتكلم ولما اتكم بيقولى انى مشغلاه خدام عندى عشان بيوصلنى الشغل بالعربيه وانى مش بشاركه فى حاجه طيب ايه نوع المشاركه دى عشان انا معرفش علمنى يقولى مفيش مش عاوزك تشاركينى فى حاجه . زوجى بيفتعل معايا المشكل بيجى من بره مقلوب عليا وبيتلكك على اى شئ انا بتقى شره وبسكت مش برد عليه لحد ما يهدى وبيقول انى بعمل معاه مشاكل . غير حاجات تانيه كتير زى مثلا انا تعبانه ونايمه فى السرير من شده التعب يقولى قومى اعمليلى شاى . اقوله هاتلى الدواء يقولى لما ارجع بالليل اصلى مش معايا فلوس لما اطلع الفلوس من معايا يقولى انتى عاوزه تتعبينى وخلاص قومى اعمليلى سندوتشات عقبال ما اجيبلك الدواء . اقوله انزل هات مياه من تحت عشان انا تعبانه وعشان اعمل الغداء يقوم يلبس ويسبنى ويروح ياكل عند امه ومش يجبلى المياه وكل شويه يقولى انا مش طايقك انا بكرهك وانا ومش عاوزه انتى معندكيش رجاله وشتايم بقى كتير قدام والده ولما اشتكيت لأهلى وواجهه بالكلام اللى قاله انكر ووالده انكر واول عيد يعدى عليا بعد الزواج كان اسوء عيد كنت غضبانه فى بيت اهلى لمده 3 اسابيع وهو ما فكر يتصل ولا يسأل ولما جيه عشان يصلح اهله غلطوا فيا وبيقولوا كلام عنى انا مش بعمله واخر مشكله حصلت بعد ما رجعت البت واتصلحنا بيومين مش عاوزنى اروح عند امى ولا ازورها خالص اتكلمت مع خاله هو وطبعا معجبوش الكلام والوضع اتكلم معاه وحلينا المشكله انه قالى روحى بعدها بيوم يسبنى لوحدى فى الشقه وعماره مفيهاش سكان غير 4 او 5 شقق بس اللى ساكنيين من حوالى 30 شقه ويروح يبات عند امه بدون ما يكون بنا زعلى او مشكله غير كده جاى تانى يوم وجايب معاه صاحبه وابن عمه وهيدخل ابن عمه وصاحبه غرفه النوم فا انا قولتله ثوانى ودخلت اشيل هدومى اللى متعلقه على الشماعه هو يكون رد فعله انه داخل ورايا يشتمنى ويهنى وصلنى لمرحله انا عمرى ما كنت احب انى اوصلها انى ارد عليه الكلمه بكلمتها والشتيمه بنفس الشتيمه وابوه جيه البيت وسألنى على اللى حصل حكيتله وغلطه وقولتله شوف ابنك عاوز ايه وريحه ابنه قالى هو عاوز يطلق وانا قولته براحتك اللى يريحك . للأسف هو مش عارف يعنى ايه زواج مش عارف يعنى ايه بيت وحرمه بيت لازوم يحترمها مش عارف يعنى ايه مسئوليه هو طمعان فى مرتبى وعاوزنى اصرف فى البيت وهو يروح يصرف مرتبه فى القهوه والخروج مع اصحابه من ساعه ما اتجوزنا وانا لسه لحد دلوقتى المفروض انى عروسه مخرجنيش بلاش دى وما احترمنيش ولا احترم اهلى غير انه بيسمع كلام امه وامه بتقوموا عليا ولما بيجيب حاجه فى البيت امه بتقولوا كتير اللى انت جايبه ده ما تجبش كده تانى والده مرضيش يبات عندنا يوم وكان تعبان ومش قادر يروح ولما سألته ايه السبب قالى اصل الحاجه لوحدها فى البيت ومش هينفع اسيبها تبات لوحدها طيب انت مش قادر تقول لأبنك كده لما راح بات عندكم وسابنى لوحدى قالى دى حريه شخصيه هو اصله متعود يبات عند والدته .............. خلاص تعبت من الاهانه وتعبت من المشاكل وتعبت من انى لوحدى بحاول اصلح من الغلط وهو لأ وكل ما احل مشكله يطلع بمشكله جديده وانا لسه عروسه بقالى 3 شهور جواز ....
ساعدونى اعمل ايه اطلق منه مايهمنيش كلام الناس ... ولا اخاف من كلام الناس وارضى اعيش فى الاهانه والذل وخصوصا انه عمره ما هيتصلح حاله ولا هيكون كويس معايا بالعكس الامور هتزداد سوء ممكن المره اللى جايه تتطور للضرب ...... قولوا رأيكم ايه فى الكلام ده وهل كده انا بفترى عليه لو سبته قولولى اعمل ايه ؟؟؟؟؟
أخواتي...التطورات الأخيره للموضوع تجدوها هنا
http://forums.3roos.com/showpost.php?p=10451708&postcount=41