زوجي والبنات في تلفونه

مرحبا عرايس

شحالكم

ان شاء الله يكون حالكم احسن من حالي ولا يراوي حد الي شفته

انا من فتره 14 يوما تقريبا صار بيني وبين زوجي خلاف بسيط بس هو زعل مع انه ما يستاهل هالزعل كله ......المهم البارحه انا واجهته وقلت له ليش انته زعلان هالكثر وليش مكبر الموضوع قلتله اته اكيد في وحده في حياتك ولا ما بتزعل بدون سبب وترقد برع الغرفه


في بداية الموضوع انا حاولت اراضيه بس ما عطاني ويه قلت برايه يمكن بيحس من نفسه بس والا اهتم

عاد البارحه تناقشنا وكبر الموضوع اكثر وكلمه مني وكلمه منه لين قالي انه في وحده كانت تدق له وتقوله تعال شلني سالته منو هاذي قال ما اعرف بس جي دقت وقالتي تعال شلني وانا سبيتها وقالي لو هو تفكيره تفكير بنات جان راح وشلها............


ما طاع يقولي من هاذي وشو السالفه ولا طاع يعطيني رقمها

رقد عندي في الغرفه ويوم رقد شليت تلفونه وفتشته لقيت انه ماااااااسح سجل الكالمات كله رحت المسجات لقيت مسج من وحده تباركله على العيد هاذي السباله انا ريلي من كم شهر قالي عنها انه تطرش له مسجات وانا تسابيت وياها بالمسجات وهددتها بالشرطه قالتي انها مغلطه ويوم واجهت ريلي وهو في الدوام عصب وقالي ما عندي مسجات من عندها وانا متاكده انها مطرشتله المسج يوم وصل البيت يقولي طلعي المسج

تصدقون يا بنات انه حذف المسج ولا كانه مسوي شي ا

اريد اعرف ليش تطرش مسجات لريلي وليش ريلي ما قالي مع انه قبل كم شهر قالي عنها؟؟؟

ولقيت في مخابي الكندوره تلفونين غير تلفونه الي فالغرفه المهم انا شكيت في رقم وشليه ويم دقيت ردت على وحده وتميت اقولها كيف رقمج عند ريلي وامي تقولها انتي تعرفينه قالت لا يمكن مغلطه ويوم واجهت ريلي دقلها من تلفونه ورمسها بس ما حط تلفونه سبيك علشان اسمه وسكر وقالي هاذي ربيعت ربيعي

طيب ليش يعطي ربيعه تلفونه يكلم هالخايسات على اي اساس وقالت لامي انا وحده متزوجه وعندي عيال وانا ما اعرفه


بنات اعرف اني كثرت عليكم بس والله انا في دوامه ما يعرفها غير الله يمكن محد فهم السالفه صح بس اريد اعرف ليش حذف مسجه وقالي ما فيه مسجات عندي منها وليش الخايسه الثانيه تقولي كلام وريلي يقولي كلام وليش حذف السجل كامل ويستهبل علي ويقولي كلام غير الي صار ويلف ويدور علي



ساعدوني انا خبرت اخواني بس تعرفون الريايل يغطون على بعض ويتسترون
ابوي قالي روحي المحكمه