بنتي عمرها ثمانية اشهر ومحتارة بتغذيتها

توقعت بدخل وراح اشوف ردود

احبطوتني

:( بس للفشار جاهزين للمساعدة ماكو ولا رد

الله كريم

ولا يهمك غلاتي انا راح اساعدك بس خليني اقرا كل موضوعك

وبوسي لي بنوتك

انا ولدي بعمر بنتج وبديت اعطيه روب او زبادي بنكهات المشمش او الفراوله بالاضافه الى الخضار او الشوفان او المعكرونه بس ما عطيته ارز لان جاب له حساسيه فوقفته وبس واعطيه اشوي من اكلنا للتذوق واذا تبين اتمتنينه عطيها روب لوجبه العشاء

ماتعطينها فواكه مثل الموز وتفاح وعصير برتقال

السمسم يسمن والزبادي والحليب سويه لها بماي الارز

في كتاب من مجموعة الفراشه روعه يعلمج طريقة اعداد الطعام وشو احتياجات كل مرحله و حتى طريقة التجميد في حال سويتي كميه كبيره راح تلاقينه في مكتبة جرير

مرحبا اختي اول شي لاتزعلي علينا انا اول مرة اشوف موضوعك يمكن نزلتيه وقت العيد والناس مشغولة

عموما / انا ام جديدة زيك ولكني اتعلمت كثير..

اول سوال راح اسالك انتي ترضعي بنتك طبيعي او صناعي؟

اذا طبيعي ابي اسالك انتي شلون تغذيتك لنفسك واكلك انتي كأم مرضعة كيف؟

واذا صناعي ؟ اي حليب تعطينها وكم رضعه باليوم ؟

هذا بالنسبة للرضاعة لان الطفل من من الولادة لين عمر سنتين اسمه طفل رضيع يعني الرضاعة هي العنصر الاساسي في غذاءه واي شي غيره يعتبر تمهيد للاكل وزيادة في التغذية ،،

/

اما بالنسبة للأكل على نوعين في عمر 8 شهور

1- الاكل المهروس بحكم ان بنتك ماسننت ،، خضار مهروسة بطاطا كوسا بازلاء جزر
شوربة خضار مثلا مع شوية ملح ،، شوربة شعيرية بالقشطة من غير ماجي ومن غير دهون
فواكهه مهرووسة تفاح وموز وبرتقال وكيوي

واذا جاها امساك اعصري لها برتقالة وخليها ترضعها على مرتين مرة بعد الاكل ومرة اول ماتصحا من النوم بس انتبهي مايكون بارد عشان مايألم معدتها ولا يسبب لها حموضة واذا عطيتها عصير لا تعطينها حليب الا بعد ساعة ونص على الاقل بتلاحظين برزاها يصير اوكي مافيه امساك باذن الله

ايضا الشوفان مفيد فيه كمية الياف ،، وعطيها شابورة مع شاهي وبسكويت مع شاي من غير سكر او ذوبيه بحليب دافي وايضا كورنفلكس مع حليب دافي ذوبيه..


2- اكليها من اكلك ،، مثلا في الفطور عسل وقشطة بطرف الملعقة ،،
الغداء رز مع مرق على كميات قليلة في كل مرة
مثلا مع القهوة الشوكولا شوية او قطع كيك باصبعك اقطعي صغير ولقميها
او قطعي لها البطاطا المقلية صغار وخليها تمد يدها وتاخذ حبة حبة او انتي ناوليها

ولكن لاحظي انه التاكيل مع اكلك لا يعتبر وجبة رئيسية تشبعها لانه غالبا اكلنا فيه دسم كثير ومشاوي
ولحوم حمراء لاتصلح للاطفال الرضع

/


نصائح عشان بنتك جسمها يكبر..

-سوي لها مريس وهي انك تذوبي تمره في موية دافية وتاخذي الموية بعد ماتشخليها
تحطيها في رضاعة زجاج لها وخليها وجبة يوم ورا يوم في الصباح مفيدة جدا للطفل.

- اشتري لها زبادي بالفواكهة وعطيها مثلا مرتين بالاسبوع او 3 مرات

- لاتنسي فيتامين دال اعطيها نقاط هذا الفيتامين لانه يساعد العظام على امتصاص الكالسيوم عند الاطفال ويساعدها على النمو باذن الله شوفي هذا الرابط

http://forums.3roos.com/t461376.html
- عرضيها للشمس يوميا على الاقل نص ساعة اذا كنتي في شقة من الشباط او البلكونه واذا كنتي في بيت اطلعي معها للحوش مهم انها تشم هواء نقي وطبيعي مع اشعة الشمس

- لاتبالغي في النظافة والحرص على التعقيم عشان ماتقل المناعة عندها وتصير هزيلة وفريسة سهلة للجراثيم ونقل العدوى وتصير تتعب من هبة الهواء

-ممم بس هذا الي عندي حاليا واذا تذكرت شي برجع لك عزيزتي

وان شالله تشوفيها احلا قمر وعرووس يارب وتجي تنزلي موضوع هنا تقولين بنتي راح تتزوج ابغا لها فستان حلو هههههه

:)

هلا سويتي قيرل ..

الحين ابدأي عوديها على الأكل غير المهروس يعني قطع صغيرة أو على شكل أصابع وخليها تمسكه بروحها وحاسبي لها لا تغص الله لايقوله..
اعطيها كبدة دجاج بدون توابل ..صفار البيض المسلوق مفيد جداً لزيادة نسبة الدم !
كذلك المعكرونة والأرز والسمك والدجاج والروب إذا ماتقلبته اخلطي معاه بعض الفواكه المهروسة ..
في كتيب أخضر يعطونش اياه المركز في تطعيمها بيفيدش في تغذيتها..
وماعليش من الي يقول لش ضعيفة أهم شي وزنها مناسب لعمرها وخلاص !
ولاتخافين ترى بنتي بعد للحين ماسننت للعلم إنها كملت 9 أشهر..الأطفال يختلفون عن بعض!

مرحبا حبيت أساعدج شفت هذا الموضوع في أحد المنتديات و ايد عجبني
و هذا الرابط

جدول طعام الاطفال من 6الى 12 شهر بالصور -

اعطية زبادى تفاح مهروس موز تمر

حبيبتي الله يخليها لج واتشوفينها عروس..

اولا ياقمر الاكل حاولي ماتهرسينه وايد يعني نفس الماي .. حاولي يكون فيه كتل صغيره وثاني شي عطيها فاكهه مهروسه اشوي مثل تفاح موز اي نوع فاكهه.. وممكن تطعمينها من اكل البيت يعني الرز اذا مافيه فلفل ممكن تخلطينه برووب وتعطينها عادي و ممكن روتي سلايس مع جبن وحليب مع بعض تخلينه شبه مهروس.. المفروض كل شي تاكله باسم الله عليها ..

بس مايكون جامد وايد ..

اتمنى اكون افدتج

مشكوورات حبيابتي افتدوني والله بأشياء كثيرة

وشجعتوني وانا ما ازعل على الطيبين امثالكن. :)


اختي *وريف* مشكوورة يالغلا وماقصرتي وفيتي وكفيتي وجزاج الله خير..
بالنسبة عن رضاعتها ارضعها طبيعي وصناعي والطبيعي الآن فقط 3 مرات باليوم وبشكل قليل جداً وتغذيتي حدث بلا حرج :o حلويات خرابيط شيبس ..والصناعي على حسب مرة في اليوم او مرتين او ثلاث ماعندي جدول محدد لرضاعتها, وكنت استخدم لها حليب بليميل بلس ولما انتقلت لرقم 2 استخدم لها الآن نان2 احسه افضل من بليميل بلس 2 جربته وحسيته فاشل ومن هاللحظة بدت تضعف بنتي, واذا عندكم فكرة عن اي حليب افضل من نان 2 وثقيل شوي يعني يسمن ومغذي اهم شيء خبروني عنه..

وبالنسبة عن شوربة شعيرية بالقشطة ما اعرف طريقتها وهل تعتقدين ان القشطة تصلح لهذا السن مو دسمة وثقيلة على معدتها؟

وبالنسبة عن فيتامين "د" افدتيني , بنتي احسها شووووي تأخرت في الحركة والجلوس والحين توها تزحف لأنها مسكينة ما اطلعها في الشمس ولا تشوف الشمس ومن الصبح ان شاء الله ببدأ اطلعها مع شروق الشمس. وعن هالنقاط بسأل عنها الصيدليات وان شاء الله زوجي يرضى لأنها يكره الدواء بشكل كبير حتى لو فيتامين فيمكن يعارض اني اشتري لبنتي اياه خخخ,, المهم
والله يسمع منج ياارب وانتي ان شاء الله بعد تزوجي عيالج وبنتج وتبشرينا بالخبرية هههههه

ومشكووورة مرة ثانية

~sweety girl~;10392441:
مشكوورات حبيابتي افتدوني والله بأشياء كثيرة

وشجعتوني وانا ما ازعل على الطيبين امثالكن. :)


اختي *وريف* مشكوورة يالغلا وماقصرتي وفيتي وكفيتي وجزاج الله خير..
بالنسبة عن رضاعتها ارضعها طبيعي وصناعي والطبيعي الآن فقط 3 مرات باليوم وبشكل قليل جداً وتغذيتي حدث بلا حرج :o حلويات خرابيط شيبس ..والصناعي على حسب مرة في اليوم او مرتين او ثلاث ماعندي جدول محدد لرضاعتها, وكنت استخدم لها حليب بليميل بلس ولما انتقلت لرقم 2 استخدم لها الآن نان2 احسه افضل من بليميل بلس 2 جربته وحسيته فاشل ومن هاللحظة بدت تضعف بنتي, واذا عندكم فكرة عن اي حليب افضل من نان 2 وثقيل شوي يعني يسمن ومغذي اهم شيء خبروني عنه..

وبالنسبة عن شوربة شعيرية بالقشطة ما اعرف طريقتها وهل تعتقدين ان القشطة تصلح لهذا السن مو دسمة وثقيلة على معدتها؟

وبالنسبة عن فيتامين "د" افدتيني , بنتي احسها شووووي تأخرت في الحركة والجلوس والحين توها تزحف لأنها مسكينة ما اطلعها في الشمس ولا تشوف الشمس ومن الصبح ان شاء الله ببدأ اطلعها مع شروق الشمس. وعن هالنقاط بسأل عنها الصيدليات وان شاء الله زوجي يرضى لأنها يكره الدواء بشكل كبير حتى لو فيتامين فيمكن يعارض اني اشتري لبنتي اياه خخخ,, المهم
والله يسمع منج ياارب وانتي ان شاء الله بعد تزوجي عيالج وبنتج وتبشرينا بالخبرية هههههه

ومشكووورة مرة ثانية

لي بااك ان شالله بعد ما افطرر صايمة :)

مشكورة اختي "الغالية 22" على النصيحة انا جربت اعطيتها الزبادي وماعجبها فعطيتها بنكهة الفراولة والتوت بعد يالله اكلت منه.. ووقفته مدة الحين برد اجرب اعطيها اياه مشكورة وبالتوفيق..

..

اختي ام عباد مشكوورة على الفكرة وان شاء الله اذا مريت على احد المكتبات القى عندهم هذا الكتاب وانا بالبحرين ما ادري القاه او لأ او اذا الله كتب ومريت السعودية اشتريه...

...

مشكورة حبيبتي عروس دلمون على الافادة استفدت من خبرتج وبجرب لها الكبدة ان شاء الله , بالنسبة عن وزنها قالت لي الدكتورة ان وزنها قاصر لكنها في الوزن الطبيعي بالنسبة لعمرها..

...
uaegirl22 مشكورة حبيبتي على الرد والمساعدة اخذت فكرة عن الموضوع..

...
خبيرةخطيرة مشكورة حبيبتي على الإفادة وبسوي لها تمر لازم اليوم
...

العج مدام مي مشكورة يالغلا على النصيحة وانا بالفعل بديت اسوي لها مثل ماقلت لما اسوي الخضار ما اهرسها كثير لاحظتها تبلعه مرة وحدة احيانا تمضغه فهذا خلاني اخاف انها تغص فرديت اسوي لها ناعم جداً ومشكورة على النصيحة وراح ابدأ اعطيها من اكلنا وبتشجع انا خوافة جداً, ببدأ اعطيها سلايس مغمس بالحليب ..

شكراً لكن جميعاً بدون استثناء وافتدوني

* وريف *;10392620:
لي بااك ان شالله بعد ما افطرر صايمة :)

مشكورة عمري تعبناج معانا

وتقبل الله منا ومنكم ان شاء الله انا بعد صايمة :D
وسويت هريس اليوم وعطيت منه بنتي للغذاء اشوفها تقبلته.

انا باااك تسلمين ياقلبي وشدعوة احنا خوات :)

انا اشوفك ترضعيها من صدرك اكثر من الصناعي وتقولي ان غذاءك مو قوي وشلون تبينها تكبر وانتي غذاءك مو صحي ،، هذا اكبر خطأ

صحيح طبعا الرضاعة الطبعيية اهم شي في بناء الطفل ولكن اذا ماكانت الام تتغذى كويس حرام تظلم طفلها معاها
انا رأيي تكثري من رضعات الصناعي وتستبدلي الحليب لو شفتي انه ماكبرها

عندك حليب سميلاك وحليب رونالاك مرررة الي اعرفهم يستخدمونهم اطفالهم يمشون بدري ويسننون كويس ،، واستشيري طبيبتك كمان وراح تقولك نفس الكلام ..


اما شعيرية القشطة يعني على خفيف شيلي منها الدهون والماجي ،،
عادي القشطة مفيدة بشرط ماتكثري منها والجبن مفيد ايضا


اما فيتامين دي ترا مرررة مرررة مهم انتبهي تغلطي غلطة اختي بنتها عمرها سبع شهور وتوها تتقلب وماتجلس مسكينه عظامها لينه وتحسي انها رخوه لما تشيليها ماترز نفسها بنفسها

ولما راحت للطبيب هاوشها قال لها انا عطيتك فيتامين دي من ايام الاربعين وماعطيتها حرام عليكي

زوجك خليه يقرأ موضوعي ان شالله ربي بيهديه ويجيبه لك لاتتهاونو في اطفالكم عشان فلسفات احنا مقنعين انفسنا فيها ،،

وبرضو حلوة الشمس وحلو البحر لو عندكم بحر اليووم مهم ايضا في بناء الطفل ..

والله يقويك يارب وتشوفينها دوبا وحلووة وخدودها موردة

شكراً لج اختي وريف على المتابعة ماقصرتي

جزاج الله كل خير

بنتي فعلاً احسها متأخرة شوي في الحركة وبوديها فحص بعد اسبوعين واشوف شنو يقولون