اتمنى تكون كل العرايس بخير وصحة (f)
بعد ما شجعتوني بموضوعي السابق التايجر مانيكير
http://forums.3roos.com/t486991.html
قلت اطبق ديزاين جديد وهو Pinky Dots واتمنى ينال اعجابكم
للأمانة : الديزاين دا انا طبقته بناء على تطبيق حبيبتي ساره افندي ولانه عجبني انا اخدته منها هههههههه وهو بالرابط التالي
منتديات عروس - مشاهدة المشاركة منفردة - فينكم يا بنات مصر الجزء(18)للاستفسارت عن الميك اب
الموضوع جهد شخصيييييي ولا أحلل اي حد يقوم بنقله الا بذكر اسمي واسم الموقع
دا شكل ديزاين ال pinky dots
نبدأ بسم الله
الادوات اللي هنستخدمها
1- بيس كوت اذا متوفر واللي عندي من اوريفليم
2- مانيكير ابيض جيري او مط واللي بالصورة من ludanmei ورقمة 37
3-مانيكير فوشيا وبتاعي من mooving ومش عليه رقم :D
4- مانيكير ابيض كريستالي واللي عندي من اماندا ورقمه 467
5- خلات اسنان - اعواد اسنان حسب النطق ( نسيت حطهم بالصورة :o )
الخطوات
اول خطوة هنحط البيس كوت اذا متوفر ونسيبه ينشف
بعد ما البيس كوت بينشف بنحط طبقة من الابيض الكريستالي ونخليها تنشف
على ما المانيكير ينشف هنجيب خلات الاسنان وهنقص 3 ب 3 اطوال مختلفة بحيث نوصل ل 3 درجات من سمك العود زي الصورة
هنجيب ورقه ونحط عليها شوية من المانيكير الفوشيا ونغمس العود رقم 1 ( السميك ) بالمانيكير الفوشيا زي الشكل
هنمسك العود بشكل عمودي ونعمل نقط كبيرة بس مش كتير يعني 3 او 4 حسب طول الضفر زي الشكل
هنسيب النقط تنشف وبعدين بالعود رقم 3 الرفيع هنغمسه باللون الفوشيا ونبدأ نعمل نقط عشوائيه حول النقط الكبيرة اللي سبق وعملناها بالشكل دا
هنسيب المانيكير ينشف تمامااا لان انا اتسرعت و عملت الخطوة الجاية فاالالوان اندمجت مع بعض ولو حصل واندمجت سيبوه ينشف بعدين عيدو الخطوة الجايه مره كمان:)
هنحط شويه من المانيكير الابيض الجيري او المط عالورقة ونغمس العود رقم 2 في المانيكير بالشكل دا
ونمسك العود بشكل عمودي ونثبت كف الايد على سطح ثابت ونحاول نعمل نقط بالابيض في وسط النقط الفوشيا الكبيرة بحيث يبان الديزاين اكنه داوئر فوشيا مفرغه من الوسط ونسيبه ينشف ودا بيكون شكل الديزاين النهائي
ان شالله يكون الديزاين نال رضاكم وانتظروني في تطبيقات تانية جديدة :wink:
وانبه مره تانيه موضوعي مجهووووود شخصييييي لا احلل بنقله لاي موقع او منتدى بدون ذكر اسمي واسم الموقع
لو عجبكم موضوعي المتواضع ادعولي ربنا ييسر حالي ويرزقني بالزوج الصالح عاجل غير اجل
ودمتم بخير (f)(f):15:(f)(f)