يا بنوتات المحلة الكبرى .. أحسن كوافير بسررررعة

س

سحر الغموض

عروس نشيطة

02-10-2009 | 05:54 AM

السلام عليكم ورحمة الله وبركاته

عاوزة أسألكم يابنوتات المحلة عن أحسن كوافير عندكم ..
أنا سمعت عن كوافير الملكة وشوفت صورة عروسة عملت عنده في الخطوبة كانت ماشاء الله زي القمر بس للأسف مش عندي عنوانه عشان أروح وأسأل..
أنا من طنطا بش بصراحة مش عاجبني حد عندنا وفرحي قرب ولسة ما حجزتش
يريت يا بنوتات اللي عندها أي معلومة تفيدني ..

وربنا يبارك فيكم و يملا أيامكم كلها حب وسعادة:8875:

t

tota_fota

عروس جديدة

03-10-2009 | 12:17 AM

بصى انا من المحله وعمرى ما اقتنعت بأى كوافير عندنا عموما الملكه لفات الطرح بتاعته مش اد كده وباقى الكوافيرات مش حلوين انا اسمع ان فى كوافير فى طنطا اسمه الموناليزا اسمع انه حلو كمان اصحابى اللى من هنا راحو عندو فى افراحهم لو عايزه تيجى برده تشوفى عند الملكه هو مكانه فى الشون مش بعيد اركبى اى تاكسى هيودهولك وفى كوافير تانى مشهور برده اسمه فايف ستارز فى شارع شكرى القوتلى جنب استديو قشقوش

س

سحر الغموض

عروس نشيطة

03-10-2009 | 06:13 AM

موناليزا اللي في طنطا دايما سمعته إنه شغله حلو .. بس مشكلته إنه مش مناسب للمحجبات لإن فيه رجالة شغالة فيه كتير .. وعيبه التاني عليه زحمة جامدة قوي فالمعاملة بتبقى غير إنسانية وما يحسسكيش إنك عروسة.. العيب التالت بقى إنه بياخد 800 ماينقصش عن كدا حتى لو كنتي مأجرة الفستان من عندهم..

بالنسبة لكوافير الملكة .. طرحه مش قد كدا والميكب حلو ولا يعني بردو..؟

عموما متشكرة قوي حبيبتي توتا فوتا على إهتمامك وردك على..ربنا يكرمك ويباركلك ويسعدلك أيامك كلها

t

tota_fota

عروس جديدة

04-10-2009 | 05:55 PM

كوافير الملكه الميكب بتاعه حلو وبتهيالى برده سعره حلو اقل من الموناليزا ع العموم ربنا معاكى وتبقى عروسه زى القمر وتنورى المحله

س

سحر الغموض

عروس نشيطة

05-10-2009 | 12:56 AM

حبيبتي توتا فوتا..بجد بجد ربنا يباركلي فيكي على رقتك وذوقك وإهتمامك بالرد على..
أنا النهاردة نزلت بنفسي وسألت عند الموناليزا وشوفت شغلهم..
أولا هم لسة فاتحين فرع جديد في أول شارع معاوية طبعا سنتر ماشاء الله في منتهى الشياكة..
لقيت عندهم قسم محترم للمحجبات غير الفرع القديم..
المهم إن العروسة المحجبة في الزفاف بياخدو 550 مش 800 زي ما إتقاللي وإحتمال إن الأسعار بتتغير حسب الموسم والضغط عندهم..
للأسف العروسة بتجهز بالكامل عندهم وبعدين تروح للفرع القديم تلبس الفستان وتحط الميكب والطرحة يعني هتخرج من الفرع القديم بردو..
إتفرجت على الشغل بتاعهم بالنسبة للمحجبات بصراحة لقيت فرق كبير مابين العروسة المحجبة والغير محجبة يعني حسيت إن الغير محجبة أحلى بكتييييييير قوي وواضح إن شغل الرجالة عندهم أحسن بمراحل من البنات خصوصا في لفات الطرح ماكانتش مميزة خالص من وجهة نظري..
فيه محل قبلهم في شارع معاوية إسمه تويست بصراحة حسيت إن الميكب عنده مع الطرحة حلو قوي ومميز وبياخد 450 على العروسة .. وكنت سامعة أصلا إنه بيعمل صبعة حلوة قوي ب 150 ..
بصراحة أنا إرتاحتله الحمد لله وحاسة إنه هيبقى كويس ..
بس أختي بتقلقني منه وتقوللي إنها حاسة إن الماكياج بتاعه مش ماركة ودي الحاجة الوحيدة اللي قلقتني..
المهم ربنا يعمل اللي فيه الخير وربنا يكرمك ويباركلك ويجازيكي كل الخير حبوبتي..

ا

ام مدحت

عروس مشاركة

11-10-2009 | 10:00 PM

بصى ياجميل انا كنت فيه هو كوافير حلو بس زحمه انا كنت فيه من ثلاث سنين كان ب250 دلوقتى 500 مكياج ولفة الطرحه جميل هو مكانه فى شارع البحر بعد ميدان الشون بشويه

ن

نرمينا..

عروس مشرقة

12-10-2009 | 11:58 PM

[FRAME="11 70"]
انشالله البنات بيكونوا فادوكى (f)ياقلبي وتقبلي مرورى
[/FRAME]

س

سحر الغموض

عروس نشيطة

13-10-2009 | 01:45 PM

حبيبتي أم مدحت و نرمينا متشكرة ليكم قوي على سرعة الرد والإهتمام بارك الله فيكم..

h

hekaya_wa

عروس نشيطة

13-10-2009 | 02:49 PM

بصي ياجميل في كوافير في المحلة هو شغله حلو اوي
و3 من اصحابي طالعين من عنده ما شاء الله زي القمر
والمعاملة هناك كويسة جدا وكمان مش غالي
بس بصراحة المكان هناك مش قد كده لانه صاله واحدة مفتوحة وفيها بروفة وحمام بس
يعني مش اوض منفصلة زي الكوافيرات التانية
اسمه كوافير روز قريب من المشحمة في الشارع اللي جمب استوديو موناليزا
ممكن تبقي تشوفيه
يارب اكون افدتك بحاجة

س

سحر الغموض

عروس نشيطة

13-10-2009 | 04:15 PM

متشكرة قوي حبيبتي hekaya_wa ربنا يجازيكي كل الخير

ه

هناء وشرين

عروس جديدة

07-12-2010 | 11:43 PM

بص انا اعرف كوافير جميل جدا وشيك جداااااااا واسعاره حلوه جدااااااااااااااااااا وانا مجرباه انا واصحابى كلهم واختى خرجت من عنده وهى عروسه وكانت زى القمر وقريبى كمان بيروح عنده هو كوافير بوسى فى شارع شكرى القوتلى خلف بنك باركليز بجوار حزب الجيل انا متأكدة انه هيعجبك وجميع العاملات فيه بنات

ه

هناء وشرين

عروس جديدة

07-12-2010 | 11:51 PM

بصوا يابنات انا جربت كوافير جميل قوى والناس اللى فيه شطار جدااااااااااااااا والديكورات شيك جدااااااااااا وكل اللى فيه سيدات ياريت تجربوا هو مكانه فى شارع شكرى القوتلى خلف بنك باركليز بجوار حزب الجيل

ه

هناء وشرين

عروس جديدة

08-12-2010 | 11:47 PM

:L::L:بصى ياجميل فى كوافير جميل قوى وشيك جدا وكل اللى شغالين فيه بنات وشطار جداااااااااااااااااا واسعارة معقوله اسمه :L::L:كوافير بوسى:L: :L:عنوانه شكرى القوتلى خلف بنك باركليز بجوار حزب الجيل انا لسه مجربه وكل اصحابى وقريبى معجبين به جدااااااااااااااااF:F:F:F:F:F:F:F:F:F:

ه

هناء وشرين

عروس جديدة

09-12-2010 | 12:58 AM

نصيحه لكل البنات فى كوافير بوسى ممتاز جدااااااااا وعنوانه شكرى القوتلى خلف بنك باركليز بجوار حزب الجيل

م

ملكة الطناش

عروس مشاركة

09-12-2010 | 07:58 PM

السلام عليكم الاول
فيه كوافير الملكة في شارع البحر والمحجبة في شكر ومركز ايه في طلعت حرب وستارز في اخر شارع البحر دول بالترتيب
بس انا فعلا اسمع عن موناليزا ده وربنا يتمملك بخير يا حبيبتي يارب