مطلقة مخطوبة تريد مساندتكم

خلي يقرا عليها شيخ ومافي شي ماله علاج بالقران ..
وربي يجازي اللي كان السبب ويوفقها فنصيب يريحها ويهنيها

مرحبا بك اختي وبقريبتك ..

عزيزتي .. بقولك شي للامانه انا لا أؤمن ان كل حالات الطلاق .. الي حدثت ويقول اصحابها انهم تطلقو بفعل عمل ... بل أوعز انها من اسباب اخرى ..

وثاني شي من الشخص الي قالها .. انتي مسوين لك عمل ... من وين جاب هالمعلومه .. فج الفال ولا ايش.. ؟

انا اقولك رأيي ان الي راحو والي صارو لها .. تجارب مرت في حياتها .. تتعلم منها وتاخذ العبره..ويا اختي بدل ما تخلي هالتجربه تحطمها نفسيا ...
تعتبر نفسها في تحدي ,, وتحمدالله على ابتلاءه .. ولا اقول انها عمليه سهله فالطلاق مرتين امر مو سهل ..

ولكن تشوف الجانب الايجابي تحمدالله انها بكر .. وتحمد الله انها لم تنتهي بالحالات الكثيره وهي ان تكون معلقه ... وتحمدالله انها لم تنجب وتحمدالله انها عايشه وانها بصحتها .. وكثير من نعمو عليها..

يا اختي تحسن الظن بالله وتخلي نفسها قويه .. واي احد يسألها يا اختي .. تقول ما الله كتب نصيب .. وخلاص وتبتعد عن التفاصيل .. حتى عن خطيبها تحتفظ بالتفاصيل لنفسها ولا تتكلم فيها ... هي لو نست الناس ما بتنسى .. فالكتمان افضل..

تحط برنامج صحي لها .. وبالعكس تعيش الدور ولها كل الحق بالطلب كل شي كإنها عروس جديده.. وهي بالفعل عروس جديده .. تحصل على كل شي مثل البكر..

تخلي ايمانها بالله قوي وتحمدالله ان رزقها بخطيب من بعد تجربتها السابقه والله يوفقها ان شا ءالله ويبارك لها عزيزتي

ام جنى

خليها تداوم ع سماع الرقية الشرعية بشكل يومي
وخليها تروح لعند شيخ مثبت وأمين يقري عليها
وخليها تكثر من الإستغفار وتصدق بنية التوفيق من الله
الله يساعدها يارب العالمين

فديتها الله يعينها ويسامح ابوها ... الغالية أولا قبل كل شيء تعالج نفسها من الاسحار عنبوه كم سحر سوو لها حسبي الله عليهم ونعم الوكيل ... خليها تداوم على قيام الليل وتقرأ البقرة لين الله ما يوفقها حبيبتي حتى بعد ما تتوفق وتتزوج تستمر في القرآة لان النفوس الضعيفة موجودة

الغالية هذا بالفعل موجود قال الله تعالى ((فَيَتَعَلَّمُون َمِنْهُمَا مَا يُفَرِّقُونَ بِهِ بَيْنَ الْمَرْءِ وَزَوْجِهِ ۚوَمَا هُمْ بِضَارِّينَ بِهِ مِنْ أَحَدٍ إِلَّا بِإِذْنِ اللَّهِ ۚوَيَتَعَلَّمُونَ مَا يَضُرُّهُمْ وَلَا يَنْفَعُهُمْ ۚ وَلَقَدْ عَلِمُوا لَمَنِ اشْتَرَاهُ مَا لَهُ فِي الْآخِرَةِ مِنْ خَلَاقٍ ۚ وَلَبِئْسَ مَا شَرَوْا بِهِ أَنْفُسَهُمْ ۚ لَوْ كَانُوا يَعْلَمُونَ)) [البقرة:102]

وكل شيء وارد بإذن الله يمكن هي كانت بعيدة عن الله عشان كذا ربي يحذرها وينذرها بس للأسف هي ما انتبهت من الزواج الأول وتكررت معاها في الزواج الثاني ... الغالية خليها تقوي ايمانها بالله وتبدأ بالبقرة من اليوم وهالحظة لان كل شيء وارد والاية الكريمة تؤكد ان سحر التفريق موجود ولكن لن يضروها الا بإذن الله وطالما هي بعيدة عن ربها ... لان السحر ما يصيب الانسان القارئ واللي يحصن نفسة الغالية عن تجربة شخصية ....


بسب المشاكل زاد وزني 20 كيلوا

الوزن اللي زاد تقدري تنقصية الا هم 20 كيلوا شدي حيلج وفي اسبوعين ثلاثة بيروحوا

اهملت نفسي كثيرا وحتى لو حاولت العناية بنفسي مجرد يوم واحد

هذا بيدج الغالية تقدري ترجعي مثل أول خلي ايمانك بالله قوي وادعي الله بالتوفيق والتيسير وراح تقدرين

احس انه ماعندي حماس ماعندي طاقة ماني عارفه ابدا من جديد
ليش انتي حياتج أحسن من غيرج بمليون مرة فليج هذ الاحباط وتذكري إن الله جميل يحب الجمال فتجملي وارفعي معنوياتج وقولي انا استطيع أن .....


ايش يقول عني خطيبي الجديد مع انه زمان كنت اشطر وحدة في العناية بنفسها
بالعكس راح تهتمين في نفسج من جديد وراح تكون في عينه ملاك الغالية وراح تكوني اشطر وحدة بس الغالية أهم شيء انك تبيني جدامه ملاك بالسانج وكلامج وشكلج وأدبج وأخلاقج واحترامج


كيف اتعامل مع اهل الزوج والزوج كمان لو فتحوا معي موضعي السابقة
كلمة قدر الله ما شاء فعل تغنيك عن كل جواب ... وعامليهم بالطي والاخلاق الطيبة واكسبيهم على اساس أنهم أهلج وغيري نظرة المجتمع على المطلقة

كل شئ فيني تعبان شعر بشرة شكل لبس بسب التحطيم
الغالية ادخلي منتديات الجمال وشوفي خلطات البنات اللي تعيد نضارة الوجة وراح تستفيدين وجربيها على كيفك وبراحتك منتي مستعجله على شيء

هل اعمل عرس هل البس فستان عرس لانه هذه حياه جديدة ما ابغى احرم نفسي بسب تجربه أليمه
عادي ما فيها شيء انتِ عروس وسوي اللي نفسك فيه بس أهم شيء قدري ميزانية زوجج وأعملي بأصلك حبيبتي وبلا ديون خرابيط عشان ترتاحوا في العيشة وما يكون في مدخل للشيطان ينقص عليكم حياتكم

احس اني فاقدة الامان متردده قلبي ميت بخصوص العناية بنفسي
شيء طبيعي ترى اللي مريتي فيه مب شوية بصراحة زين انك تقدري تقومي بس خلي ليمانج بالله قوي وثقي فيه وغمضي عينج



نفسي ألقى تشجيع من عائلتي بس الالم ما يحس فيه الا صاحب التجربه
الغالية نحن بعد عائلتج ونشجعج (y)(y):D:D وأكيد محد يقدر يعيش دور غيره... الغالية وحتى نحن ما نقدر نحس بمعاناتج لان اللي ايده بالنار مب مثل اللي ايدة بالماي واللي شو رايج حبيبتي

احس اني عجزت في عز شبابي حتى الشيب طلع في رأسي وانا عمري 25سنه
الغالية لا لا لا تقولين جذية لان العقل الباطني راح يصدق عادي صبغي شعرج حبوبة وردي شباب غصبن عن اللي ما يبي انتي اصلا شباب وصغيرة ... شو بعد هالكلام الحين بتخلينا صج نزعل والله 25 وكبيرة تقصين على منو حبيبتي ....

هل اطلب مهر هل قاعة هل اطلب ملابس هل اطلب ذهب احس انه مالي حق في اي شئ لانه في التجارب السابقة غصبني ابوي ارد الذهب اتنازل عن المهر
الغالية وللمرة الاولى قولي اللي بخاطرج .... شو اللي تبينه اكيد لازم مهر عشان يصح الزواج حبيبتي ما اعرف كيف عاداتكم طلبي اللي بخاطرج فيه بس بعتدال حبيبتي بعيد عن الديون والاعراس السفيهه اللي ما لها داعي وكوني حبيبتي مبروكة فقد قال عليه السلام (( ابركهن أقلهن مهرا )) وخلي كل شيء بعتدال وهذا راح يزيد قدرك عند الخطيب إن شاء المولى


ما احد في البيت يحن علي ولا يحس فيني انام وانا ابكي واقوم من النوم مفزوعه
الله ييسر عليك ويحفظك ويهون عليكِ وإن شاء الله تطمنينا عليكِ

محتاجه نصايحكم حاسة اني ضايعه وقلبي محطم

النصية انج تخلين كل اللي صار ورى ظهرج وتتفائلين بالمستقبل والححياة الجديدة اللي مقبلة عليج وتذكري تفائلوا بالخير تجدوه وان شاء الله تبشرينا ... بس أهم شيء انك تداومي على سورة البقرة نصيحة لوجه الله

العتب

الله يكون في عونك
عزيزتي يمكن هذا اختبار من الله

انصحك بقراءة القران وبالخص سورة البقرة اقرئيها كل يوم والله يفرج كربك امين يارب

وبالنسبة لاهمالك لنفسك حبيبتي اكيد اللي مريتي فيه موسهل لكن لازم تتماسكي وتكوني واثقة في نفسك وماتخلي التجارب هده تحطمك الا بالعكس تقويكي وتعلمك واغصبي نفسك على انك تهتمي بشكلك وشعرك وساعدي نفسك وحبيها صدقيني محد يقدر يساعدك اذا انتي ماساعدتي نفسك

وبالنسبة للمهر اكيد لك الحق ونص اطلبي اللي تبيه مثلك مثل اي وحدة ثانية

الله يسهل عليك ويكتبلك السعادة في الدنيا والاخرة

ادعيلي الله يسهل ويعجل ملكتي

شوفي حبيبتي البنات ما قصروا بس بقولك شي لا تخلي شي في نفسك

اطلبي اللي تبغبه مهر وفستان وقاعه انتي لسه صغيره حاولي تنسي اللي راح

وابدي حياه جديده أدري انه صعب بس حاول اختي تخيلي نفسك عروس لأول مره والله يعينك ويوفقك

ويسعدك في حياتك الجديده ويعوضك عن كل اللي راح يارب

المثل يقول (( الثالثه ثاابته )) ان شااااء الله


خليها تتوكل على الله وتحسن الظن فيه

خلي تفكيرها يكون (( هاذي حياتي ملكي لا تهتم لغيرها ))


بسب المشاكل زاد وزني 20 كيلوا

مثل مازاد بينقص بأذن الله لازم تهتم بنفسها لنفسها مو عشان تتزوج

اهملت نفسي كثيرا وحتى لو حاولت العناية بنفسي مجرد يوم واحد

تسويلها جدول تنظم فيه وقتها وطرف العنايه
مثلا الاحد الثلاثاء الخميس زيت للشعر

الاثنين الاربعاء الجمعه سنفرة وحمام مغربي للجسم وهكذا


احس انه ماعندي حماس ماعندي طاقة ماني عارفه ابدا من جديد

توكلي على الله فكري على ان هاذي نعمه من الله وان حياتج بتبدي من يديد
خليج متفائله

ايش يقول عني خطيبي الجديد مع انه زمان كنت اشطر وحدة في العناية بنفسها

بيقول ماشاء الله شهالبنت السنعه المرتبه , لا تتكاسلين ابدي بالعنايه من الحين
كيف اتعامل مع اهل الزوج والزوج كمان لو فتحوا معي موضعي السابقة

قولي الحمدلله على كل حال الله مو كاتبنا لبعض وبني آدم مايدري نصيبه وين , لا تزعلين وتعصبين خليج رسميه بأجابتج وواثقه من نفسج ان الغلط ماكان منج

كل شئ فيني تعبان شعر بشرة شكل لبس بسب التحطيم

مثل ماقلنا لج ابدي من يديد كل شي موجود هني بالمنتدى خلطات الشغر والبشره

وانا مستعده اساعدج بأي شي تبينه


هل اعمل عرس هل البس فستان عرس لانه هذه حياه جديدة ما ابغى احرم نفسي بسب تجربه أليمه


عشان تكونين مرتاحه نقسيا سوي حفله بسيطه بينكم بس الفستان لازم ولا بشنو تبين تتصورين

خلي زوجج يحس انج عروووس


احس اني فاقدة الامان متردده قلبي ميت بخصوص العناية بنفسي

حبيبتي لازم تعتنين بنفسج حتى لو ماتزوجتي انتي بنت انثى دلعي عمرج

اعتني بنفسج
نفسي ألقى تشجيع من عائلتي بس الالم ما يحس فيه الا صاحب التجربه

انتي العروس مو هم هم بيفرحون بليله العرس انتي من الحين قوووو اهيد وابدي بالتسنع

احس اني عجزت في عز شبابي حتى الشيب طلع في رأسي وانا عمري 25سنه

عادي اصبغي بس لاااا تقولين له حتى بعد الزواج
هل اطلب مهر هل قاعة هل اطلب ملابس هل اطلب ذهب احس انه مالي حق في اي شئ لانه في التجارب السابقة غصبني ابوي ارد الذهب اتنازل عن المهر

لا تطلبين وايد خليج قنوعه وبتكبرين بعينه

ما احد في البيت يحن علي ولا يحس فيني انام وانا ابكي واقوم من النوم مفزوعه

الله يدري عنج اذكريه دايم وتقربي منه

محتاجه نصايحكم حاسة اني ضايعه وقلبي محطم

خليج معانا وتشجعي شوفي تجارب البنات وجربي الخلطات والعنايه



عيشي حياتج وقولي لن يصيبنا الا ماكتب الله لنا

توكلي على الله وقوي شخصيتج خليج واثقه وقويه ومتفائله

عيشي حياااااااتج



الله يوفقج ان شاء الله ويسخره لج

الله يعطيها على قد نيتها ودي اقول شي جديد لكن البنات ماشاء الله كفو ووفو
واذا مافي حماس وتحطيم مافي كثر التحطيم الي ياني لكن وقفت الحمدالله ولا همني شي طبعا جدام الناس لكن من داخل كنت اتقطع والحمدالله على كل حال ماسويت الا خطوبه بسيطه وسافرت شهر العسل عندي احسن من العرس وابتعد عن عيون الناس

اشكر جميع اللي ردوا وياب ياكريم تيسر لكل وحة ردت اوراح ترد كل خير
عموما انا طبعت الردود وعملتها لها على شكل دفتر علشان تستفيد وطلبت منها تدعي لكل وحدة واذا في ردود جاية برضوة راح اطبعها لها .................اشكركم من كل قلبي

صار ت تقول قريبتي المطلقة المخطوبة ولو تزوجت وصار لي عيال ايش يقولو ا عن امهم مطلقة قبل ابونا مرتين جننتني بس لفتت بالي لشئ مخطر لي وقلت لها هذا ابليس منت احسن من السيدة خديجة رضي الله عنها تزوجت مرتين قبل الرسول يعني في شئ مشترك بينك وبين ظروف ام المؤمنين وربنا اكرمها برسول الامه صلى الله عليه وسلم