محتاره ياخواتي ساعدوني

السلام عليكم
انا وصلت المشاكل بيني وبين زوجي حدها والحين سكت وصرت اعطيه على عقله بس ماتوقعت ان زوجي لئيم وقلبه اسود لهدرجه.
انا من مجلس التعاون وزوجي اماراتي وخلصت ثلاث سنوات وكان مقدم اوراقي علشان استلم الجواز .
من عقب اخر مشكله صرف نظر وقالي مابعطيج الجواز برغم كان روحه يسوي كل شي بدون ماكلمه, وانا كنت ناويه اشتغل واكمل دراستي عشان عنده ظروف صعبه وحبيت اساعده , انصدمت بقراره بس ماحاولت احايله او افتح الموضوع مره ثانيه, على باله بأخذ الجواز نفس مطلقته وزوجة اخوه وبطلب الطلاق .
بس انا مب في نيتي هالشي والله يشهد اني مب مبيته النيه على شر بالعكس , وانا انسانه ازعل الحين وارضى عقب نص ساعه .
مادري ليش زوجي قرر انه يعاقبني على اخطاء غيري .
بس انا شاكه في اخته لانها سبب المشاكل بيني وبين زوجي , وبعد انا سامعتها تقول لاخو زوجي ليش ماتسحب الجواز من مطلقتك , بس ماحط في ذمتي واذا هي السبب الله المستعان.
مب حاسه بالامان صارت قرارات زوجي غير متوقعه وخايفه يقدم على خطوه ضدي وضد اولادي .
كرامتي ماتسمح لي اني افتح الموضوع معاه مره ثانيه , بس اسمع كلام اهله على الي سواه لمطلقته برغم انه كان يعرف بالسلوك الغلط الي كانت متخذته بس سوالها كل شي .
ابغي ادرس وابغي اشتغل , وابغي اساعده علشان مايسمعني كلامه انتي ماتحسين بقيمة الفلوس لانج مب تعبانه عليها ساعدوني بنات وشورو علي والله يكرمكم ولا يهنيكم يارب.