تحبي يكون زوجك معك غرفة الولاده؟

اتمنى يدخل معي من اول الولادة لاخرها بس عندنا ما بيسمحوا لاحد يدخل معك لغرفة الولادة للاسف الا بالمستشفيات الخاصة يمكن بس المشكلة ان سمعتها زفت يعني يقولوا انهم ما بيصبروا على الوحدة و على طول قيصري فالواحد يخاف

بصراحة انا وحده اخاف من رده فعل زوجي اذا دخل معاي الغرفه

اصلا عندنا في قطر ممنوع الزوج يدخل الغرفه ... بس مرة تناقشنا انا وخواتي فالموضوع وحسيت اني مابدخل زوجي ... لاني اكون في وظع لا يعلم فيه الاالله سبحانه ... فمابيه يجوفني جذي وعقب يعوفني

بس مادري يمكن اكسر خاطره والله ماعرف

اناا قعد معااي زوجي قببل ما اروح غرفة الولاده ..

الى لين وصلت 4 سم ..

ووبعدين قاالوو له لازم ترجع البيت لان قسم نسائي والساعه صارت متأخره ..

وقاام راح البيت ..

وقعدت معاي امي الى لين ودوني الولاده بس بعد ممنوع تدخل وانا أولد ..

لكن زوجي كان يقول ان بس قعدت معاج في البدايه عوررتي قلبيي .

ولوو يصير ادخل غرفة الولاده مستحيييل اواافق لان مااا اقدددر اشوفج تتألمين ..

اذا اقول له اكاا رجاال وااااجد يدشون مع نسواانهم ..

يقول حقي يمكن عااادي عندهم يشوفون نسوانهم يتألمون ..

بس انا مااااا ااقدددر اشوفج تتألمين قلبي يعووورني ..

انا وقت الطلق كان زوجي معاي

وقام ينكت ومدري وشو

قمت عصبت قلت اذا ماسكت بناديهم يطلعونك

قام خاف على نفسه وسكت

وامي جات بعد وقت الطلق والحمدلله

اللي تقول لما يطلع الراس هين يمكن يتحمس ويقعد خخخخ :)

انا استغرب فكرة انه الرجل اذا جافني اتالم بيحس فيني
انزين و اذا طلع رجل ما عنده قلب و جافني اتوجع من الموت و ما حس فيني
رائي انه الرجل اللي يحس بيحس في زوجته سواء كان معاها بالولادة او ما كان معاها


و انا ضد انه يكون وياي اي احد حزة الولادة
الطلق ما فيه مشكلة بس لما يصير الموضوع جد ما ابي احد معاي

انا مع دخول الزوج وبشده

مافي احد خفف عني كثره

حتى وقت طلوع الراس خخخخخخخخخخ

حبيب قلبي

---عبير---;10362015:

هلا حبوبه

يسرني اني اكون اول وحده ترد عليكي

بحكي لك تجربتي
اول بيبي مادخل مع اني كنت ابيه يدخل بس على ماوصل العمل واستأذن ومسك الخط يجي له 3 ساعات كان وقت الولاده طلعت الراس يعني ماينفع يجلس
قال لي انتي ماتتعبين في الولاده زي خواتي وماشكلك متألمه لأنه يشوفني فرحانه اني خلصت وبشوفة اول بيبي اللي هو بكري واللي ماجبته الا بعد ابر وعلاج طويل عريش وسنين معاناه

بالثاني اللي هي بنتي دخلته لحد ماقالو خلاص ولاده وبدأو يقولون لي اذا حسيتي بالطلق ادفعي
قلت برا خلاص مابيه يجلس
تدرين وانااتألم وهو يبكي
وبعدها طلع من الغرفه ودخل غرفة المعدات وجلس يبكي بقووه ويدعي ويدعي لأمه ويقول ربي يرحمك يايمه مابريتك قد ماتستاهلين
وانااتشهد وهو يحسبني بموت

لازم يحس ويشوفك ميته من الألم عشان يحس بالتعب وبقدرك وكيف تعبتي عالحمل والبيبي ويحس بقدرك وقدر معاناتك بهالبيبي

المهم حبيبتي
نصيحتي ومن قلب
انك تدخلينه لحد مايجي وقت الولاده يعني طلعت الراس انتي بتعرفي متى تحسين بدفع ووقتها قولي له برا خلاص بولد اوقولي للطبيبه هالحكي

والف سلامه عليكي يارب

رايي من رايها

انا مع ان يدخل زوجي

بس اذا بيطلع البيبي يطلع طبعا

وشكرا على الموضوع

انا زوجي كان معاي من الطلق الى لحظه ولادة بنتي وبالعكس وجودة ريحني وحلووو انا ماراحت عليه لحظه خروج بنتي الى الدنيا

يكون وياي في المستشفي هي

لكن حزة الولاده لا سوري...ماله معني وياي

السلام عليكم انا اول ولاده فلت له ولامي اطلعه خلاص هكون بخير رفضو وجلسو معي لاخر لحظه يمكن لان زوجي اجنبي وعندهم ان يدخل مع زوجته عشان يهون عليها كان واقف جنب راسي وربنا يهونها علي فهذي الولاده قربت ولادتي ادعولي

انا دخل هو وامي الين ولدت
حتى وهم يخيطوني كان موجود ..........
امي تفشلت وقالت له اطلع بس انا صرت ابكي وقلت خليه معي :)

والحمدلله على كل حال
ولو احمل مره ثانيه بدخله لوحده بدون امي
لاانه امي روعتني وانا اولد صارت تبكي وتدعي وازمتني اكثر حسيت اني بموت :(

اتمني طبعا يدخل معايا لان في الوقت ده هبقي محتاجاه يكون جمبي

حبيت اشاركم بتجربتي ..
زوجي كان معاي من اول مابدى الطلق لييين ماانتهى كل شي وودوني الغرفة ... وحتى وقت الولادة وطلوع البيبي كان ويايي بس كان واقف يم راسي يعني مايشوف شي .. وابد ماتغير ولاحس باي شي بالعكس كان حاب انه يعيش هالتجربه عشان يحس شلون الامهات يعانون..
بس مسكين يقول لو ادري اني بحصل ضرب جان مادخلت !! .. سحبته وضربته من زود الالم

ماشاء الله عليك نور السعوديه حسيتك جريئه مره كيف سمحتي له انه يصورك


بس كمان حلو تسجل في ذكريات


اما انا ماأأيد مره لان بعض الازواج ينفر من زوجته اذا شاف الدم والشغلات اللي تتبعها
وكثير نسمع بقصص مشابهه

[GRADE="FF1493 FF6347 32CD32 808080"]
اني ابيه يدخل معي بس هو رافض يقول مايقدر يشوفني اتألم

بس انشاءالله راح يدخل مو بكيفه على الاقل يواسيني ماحد حولي غيره

وابي اشوف فرحته بعيوني بطلعة النونو متشوقة لهذي اللحظه بقوووة
[/GRADE]

انه بعدي بنوته
بس الافضل ان يكون معاها طول الفتره بس وقت الولاده الحقيقه يطلع برى اصلا فشله

ممم
بصراحه لا
اعرف وحده دخل معاها زوجها الولاده
وبعدين صار مايحب يقربها ويقرف منها
وفي النهايه تزوج عليها