آيس كريم ** وعمايل اديا وبالصور كمان

السلام عليكم ورحمة الله وبركاته

جايبة لكم ايس كريم عملته وطلع تحففففففففة جميل قوي
كنت قريته من فترة طويلة قوي في مدونة اسمها مدام سلاموني وبصراحة جربته وطلع جميل قوووووي تسلم اديها

وعملت كمية كتيرة بصراحة لاننا بنحبو الايس كريم جدااا فقولت فرصة كان عندي مانجا كتيرة خزنت منها للعصائر وقولت استعمل شوية للايس كريم تجديد :21_213:

طولت قوي ادخل في الموضوع


:::المقادير:::
كيلو الا ربع (3/4) كيلو مانجو (أو اي نوع فاكهة عايزاها فراولة خوخ مشمش جوافة .....)
ولو شيكولاتة هتستعملي نص كيلو شيكولاتة خام وتسيحيها على حمام بخار مائي

علبة حليب مركز نستلة العلبة الصغيرة
(أنا مش باشتري بصراحة اي حليب نستلة مركز خالص باعمله في البيت وهقوله في اخر الموضوع)

علبة جيلي من نفس نوع الفاكهة ( انا استعملت جيلي الاناناس علشان مفيش ملقيتش مانجو خااالص) أو ممكن الجيلاتين الشفاف لو مش متوفر نوع الجيلي مع نوع الفاكهة ويمكن اضافة لون

:::الطريقة:::

1/ حضري الجيلي زي ما مكتوب على العبوة ونتركها حتى تبرد قليللا.
2/ تحضري الفاكهة وتقطعيها مكعبات وتضربيها في الخلاط مع الجيلي لحد ما تندمج كويس.
3/ ضيفي الحليب النستلة المركز واخلطي كويس وفرغيه في علبة بلاستيك وحطيها في الفريز.
4/ كل ما يجمد الايس كريم طلعيه واضربيه بالمضرب اليدوي او الشوكة والمعلقة ودخليه الفريز تاني كرري العملية 3 مرات.

ويمكن بعد الضرب في الخلاط وقبل ما تدخلي الفريز تحطي قطع فاكهة مقطعة،، ومع الشيكولاتة حطي بندق بيطلع خطيييييير او قطع شيكولاتة

ودي الصور

ده الحليب المركز









ودي طريقته
[COLOR=Sienna]المقادير:(طبعا على قد علبة واحدة فقط بس الحجم الصغير)

نصف كوب حليب بودرة

كوب إلا ربع سكر عادي ونطحنه

حوالي 1/8 كوب ماء (نصف الربع يعني تقريبا 3 ملاعق كبيرة) ورشة فانيليا بسيط


(مقادير علبة كبيرة) تضاعفي الكمية على طول

1 كوب حليب بودرة

كوب ونص سكر عادي ،، أو كوب سكر مطحون

(ربع) كوب ماء + ورشة فانيليا بسيطة

الطريقة:

حطي المية في الخلاط + الفانيليا + وبعدين السكر وبعدين الحليب معاه

وأضربيهم في الخلاط العادي، وإن شاء الله حتحصلي على حليب نستلة مركز فعلاااا











وده بعد ما وضعت منهم في الكاسات :D



يارب الموضوع إن شاء الله يعجبكم ... وهنيا مقدما
ولو استحق التقييم قيموني
ولو عكس ذلك اشكروني بس علشان اتشجع :wink:
[/COLOR]