الرضاعة والدورة... - منتديات عروس

م

مناهل78

مشرفة سابقة

30-09-2009 | 09:05 PM

بنات حبيت اسألكم حد منكم صاده هالشي أولا..

أنا في ولادتي بولدي وبنتي لما أولد ماتنزل الدورة الا بعد خمس شهور عشان الرضاعة,, وهالمرة نفس الشي نزلت في 6/8 بس كلش خفيفة يومين وبني بس وأنا بالعادة دورتي كل 26 يوم وفعلا في 1/9 يعني بعد 26 يوم نزلت الدورة مرة ثانية بغزارة.. والحين أنتظرت في 26 من هالشهر تنزل بس مانزلت ومن الخوف لا كون حامل حللت بس الحمدلله ماطلع في حمل.. بس ليش صار جذي يصير هالشي تنزل وبعدين ترجع توقف؟؟؟ حد منكم صاده هالشي؟؟؟

N

NiceMoOon

عروس نشيطة

30-09-2009 | 09:46 PM

هلا حبيبتى

انا لما اكون ارضع ماتنزل معي ابداً الا لما اوقف الرضاعه

الا حملتى الاخيره صادف انى ارضع برمضان وتعرفين رمضان يقل الحليب عشان الصيام

ونزلت علي خفيف وايام متفرقه بس بعد رمضان عاد فطمته ونزلت على الدوره عادي

يمكن انتى خف حليبك او صرتى ماترضعين مثل أول بكثره

وان شاء الله المرضعات يفيدونك :)

م

مناهل78

مشرفة سابقة

30-09-2009 | 10:08 PM

مشكورة أختي ماقصرتي.. بس غريبة نزلت مرتين وبعدين وقفت؟؟؟

ن

نغم الحب2007

عروس مبدعة

30-09-2009 | 10:45 PM

عاااااااااادى جدا حبيبتى الرضاعة بتلخبط الدورة وغالبا بتاخرها

ادعيلى ربى يرزقنى بالحمل القريب

ت

ترنيمة الطفولة

عروس جديدة

01-10-2009 | 07:23 AM

اختي ام عبدالله ...

اني بعد عندي مشكلة بسب الرضاعة اني ولدي عمره سنة ونص ومن بعد الولادة مانزلت علي الدورة لكن الحظ اول يوم في رمضان جتني الدورة اللي هو 21/8 واليوم 1/10وووونزلت بشكل غزير عدل ...حتى اني اشك اقول يمكن كان في حمل ضعيف ونزل ....واني ماكنت ادري وسويت تحليل مرتين طلع سلبي واني لحين انتظر تنزل بس مانزلت ....

ع

عبق الورد 22

عروس برونزية

01-10-2009 | 11:07 AM

اختي كمية الحليب هي تحدد ان الدوره تنزل عليك

مثلا انا بنت خالتي تسع شهور ما جاتها

وبس بدت الداوم في الجامعه وجاتها

لانها قلت رضاعتها لولدها

وان شاء الله مافي الا كل خير

!

! أنــثــى !

عروس ماسية

01-10-2009 | 12:56 PM

انا نزلت علي مرتين بعد الولادة و بعدها خلاص ما شفتها !

الحمدلله صمت شهر رمضان كله !

طبيعي مع الرضاعه ..

*

*فاتي*

عروس رائعة

01-10-2009 | 04:50 PM

نفس الحالة خيوو اني ولدت ولدي بشهر ابريل 15/4 وتأخرت عليي ما نزلت الا بتاريخ 10/9 بشهر رمضان قهر بصراحة بالعناد هي بعد وقت اللي تبينها تنزل ماتنزل والعكس ههه

أ

أبلة نورة

عروس جديدة

03-10-2009 | 02:35 AM

أنا ولدت بتاريخ 14-4
أنا أول ماطلعت من لربعين يوم ثاني بالضبط نزلت وكانت غزيره بتاريخ 25-5
و هيه بالعاده تجي بعد 28 يوم مر 28 و ما شرفت تأخرت 55 يوم وجتني بتاريخ 18-7
نزلت قليلة حدها يعني تنزل وقت معين في اليوم و عقب أخرتني تقريباً 41 نزلت 27-8
بشهر رمضان و هالشهر تأخرت بعد 35 يوم 30-9 لحد لأن مخربطه
يعني هذا شي طبيعي من الرضاعه تنحبس

م

مناهل78

مشرفة سابقة

03-10-2009 | 06:38 AM

نغم الحب.. ربي يرزقج يارب من أوسع أبوابه .. يعطيج ولد وبنت إن شاء الله....

ترنيمة الطفولة... أختي ممكن يصير حمل ضعيف ونزل.... ووتعرفين خالة زوجي ترضع سنتين ولما توقف تنزل عليها الدورة مرة وخلاص من بعدها تحمل ماشاء الله بالثاني عيالها كلهم جذ وكاهم ماشاء الله عرسوا... يمكن عندج هرمون الحليب مرتفع...

أنثى.. مشكورة أختي ماقصرتي.. يعني نفس حالتي.. آنه آقول لو مو نازلة باقول عادي لكن تنزل شهرين وترد توقف شوي الأمر غريب.. في عبدالله بعد خمس شهور نزلت وبعدها خلاص أنتظمت مع إني رضعته سنة ونص ماشاء الله...

حياتي ورود... فعلا الكمية هي اللي تحدد بس مادري من بعد ماتنزل ترد تختفي؟؟؟

فاتي .... صدقتي هي بعناد في رمضان.. يعني أنا دورتي بالكثير ست أيام هالمرة عند غزيرة لليوم الخامس ومانظفت الا بنهاية اليوم السابع بعد...

أبلة نورة... مسكينة الله يعينج انتي بعد متلخبطة عندج بالزود.. بس جوابج ريحني شخصيا إن دورتي مخبوصة عادي ومو حمل.. آنه حللت ومافي شي لأن الصراحة ماتخيل بنتي الحين تنحرم من الرضاعة وأحمل عليها...

°

°• أم السآإدة •°

عروس ماسية

03-10-2009 | 10:26 AM

مع الرضاعه أعتقد طبيعي

هي الي أسمعه

بس ماجربت أبدا

م

مناهل78

مشرفة سابقة

03-10-2009 | 04:15 PM

شكرا أم السادة. .ربي يسهل لج..

كاهي خلاص نزلت ههه عيشتني بخوف..