شاركوني هواجسي...

ههههه ..ّ!
ضحكني موضوعك شووي ..!
لانه سبحان الله مثل الافكاار ..

افكر اذا لو قررت اجيب الثاني وطبعا مو الحين لانه ولدي للحين صغيروون ..!
و افكر شلون راح يكون حجم المسواليه مع طفلين ..!!

وخصوصا نساتي كانت غريبه ومتعبه واايد ..
وكنت اغلب فترة حملي اعاني الحمد لله ..!

غير انه ولادتي كانت كاابوس يومين طلق وبعدها طلق صناعي وانواع الالم
واخرتها عمليه قيصريه وفلم رعب ..

وبعدها الم العمليه اي لا يطاق و بعدها التربيه صدق شي حلو ..
بس متعب الى ابعد الحدود ..

الله يقدرني واربي ولدي .. واذا جه وقت التفكير في الطفل الثاني يصير خير..
وما بكثر حدي ثنين والله يقدرنا على تربيتهم ..
هههههههههههه الله يعيين

بس اكيد هذي سنة الحياه ..
وكل الناس جذي .. تسلمين على الموضوع ..!

سلام اختى

اي والله هذا هاجس كل ام جربت الم الحمل والولادة على اصوله

وانا بعد نساتي مو نساهاغلب فترة حملي قضيتها في بيت اهلي تعبانه هذا غير الولادة والمها وظليت اعاني كم يوم على ما ولدت الحمدلله
تعبتني هالسيدة وااايد
وانا بعد بيني وبينك افكر شلون راح اقرر خلاص لازم يجي الثاني

الالم والمعاناة تحبطني وضرورة السن بين الاثنين مايكون واييد بعد تقلقني

وهذا احنه

الي يجي من رب العالمين زين

تحياتي

انا اموت رعبة لو فكرت بالثالث عندي طفلين مااشيل هم التربية ولا الولادة مع ان ولادتي طلق صناعي وقيصرية بالأول اقول في الولادة كلها يوم يومين وانافي المستشفى بيتحملوا اولادي لكن 9 شهور نساة وحساسية حمل والبيت فوضى وأكره ريحة زوجي
وأظل ال9 شهور مااحب البيت ولاالزوج ولا العيال شئوون البيت مهملة والعيال مشردين والزوج يعبر
نفسه باي شئ ..


احس جنون أفكر في ثالث !
زوجي بالاول تحمل نساتي العجبية وتعبي والحساسية اللي قطعت بدني لانه الاول
المرة الثانية مشاها وبدأ يتكلم امي ماتنست امي ماسوت !


الثالث ماادري شبيصير !



الله يعيني والله

ياللللللللللللللله خواتي أم علاوي , ترانيم السيد, أم المعالي


أنا بعد الله يهديني حملي مو حمل ... بس حملي بطفلي الأول مر مثل الخيال ... وما قاعدة أتصور أنو التجربة تتكرر!!!!!!!!!!


جد الموضوع مرعب ... الحمد لله زوجي من النوع المتفهم جدا ... عاد هالأيام يقولي هيئي نفسيتج خاطرنا في بنوتة... خخخخخخخخخخخخخ

من يجيب الطاري تخنقني الدمعة ... يااااااااااااااااارب الطف وترحم ...


مشكورين الغاليات ... نورتوا الموضوع

ما كنت افكر في الثاني ابد
بس الحمدلله على نعمته صار وشرف سيدنا الصغير
صراحه من قبل الزواج ابدا ما كنت افكر في الجهال
يعني كنت افكر ان الناس لازم تجيب واحد الا طلعت السالفه عند الناس ان المراه دامها في سن الانجاب لازم تحمل كل سنتين
وما توصل الاربعين الا هي متهرهرة من الولادات المتكررة !

وييييييييييييييي سندوسة صلي على النبي ...


أنا أحب اليهال موووووووووووووووووووت .. بس مو انا أجيبهم .... حلوة دي خخخخخخخخخخخخخ


وأحب يكون عدد العائلة من 3 الى 5 حتى ... اذا كبروا يعطون جو رااااااائع ... خصوصا بنكون أحنا عجايز !!!

بس من وين نجيب هالأعداد ,, وأنا الرقم 2 مخرررررررررررررررررررررررعني موت


يسلموا عالمشاركة حبيبتي

ههههههه حلوة جناح الروح مو انتي الي تجيبينهم
سبحان الله من يومي ما احب الجهال يعني لما كنت ارفض المولود الثاني كان يستغرب زوجي بس بعدين فهم ليش لانه مزاجي ما يستحمل صيحة الجهال
ادري كل الامهات اعاصابهم فلتانه
الله يخلي عيالنا وعيال الجميع ان شاء الله ويبعد عنهم المرض والسوء!

هلا حبيبتي
الصراحة أنا ما كنت متخوفة إلا من الطلق عذااااااااااااااااااااااااااااب والله، ببنتي قعدت 12 ساعة في العمليات وآخرتها عملية قيصرية، وبعدين في ولدي قالت لي الدكتورة حجمه صغنون وبتيبينه طبيعي إن شاء الله قلت لا ثم لالالالا أبي قيصرية صج عذاب بعد العملية لكن أهون لي من الطلق الصراحة ما أعرف اطلق تعذيب والدكاترة أستغربوا أني حابة العملية بس ما أعبر على الطلق والحمدلله يبته نتفه . ومن أتذكر الولادة أتيني العبرة الله يحفظهم لي بس تعبت الحمدلله أجر وعافية.

سلام

موضوعج حلو لأني مريت بهالتجربة

أنا ولدي عمره 3 سنين

لما كان أصغر شوي بس من فترة بسيطة كان إذا تخطر الفكرة في بالي يصيدني مثل الإحساس الي تحسونه ما أتخيل إن يصير عندي ولد غيره شلون لالا

بس عقب شوي لا تغيرت نفسيتي وصرت بالعكس خاطري في ولد ثاني وصايره كأني ما حملت من قبل من أشوف ثياب بيبيات أو حوامل أ وحدة حامل أو حتى تجهيزات ولادة أستانس عليهم كأني منزهقة


و بالعكس هاذي نعمه غيرنا مو محصلها انتو بس صلوا على النبي و استهدوا بالله ولا تفكرون في هالشي إلا إذا كبروا أولادكم لأن إذا حملتون حليهم وهم صغار صدق بيصير فلم رعب ههههههه

انا كنت مثلكم قبل
بس ولدي قال ماما ابي اخوا
فحبيت اجيب له مع اني وايد اتعب واقعد عند امي شهور
بس الله ما كتب وطرحت وقعدت ابكي على الي نزل لما كنت اجوف التحليل حمل شلون باين انه في بطني يرزق
وحمد الله وبعد فتره تقريبا سنه حملت وصادتني مشاكل اكثر بس الحمد لله على كل حال اذا فكرنا كل مره شنو صادنا ماراح نجيب شي
بس فكري شلون تظلمين طفل صغير عمره 3 ونصف يبي يفرح مع ياهل عنده في البيت حقه هو
لاتقولين عنده عيال خواله او اعمامه لا الخليص غير الخليص عضيت يا قلبي

وترى كلام الوالده الله يخليها كل نساه عن نساه تفرق
وكل بطن عن بطن يفرق
يعني تنسيتي اول مره جايز ماتتنسين ثاني مره
تتنسين بالاولاد جايز بالبنات لا او العكس
والمكتوب مامنه مهروب والله هو سبحانه الي يقدر لنا وبيده كل خير
فكري بس في فرحة ولدج وهو يحسب ويلمس بطنج كل يوم عن يوم
كتن اطير من الفرح وانا في اوج تعبي والمي وكله تعبانه وسيلانات وبلاوي مابي اذكره
بس اجوف عيون فرحانه تترقب شي انسى همي
تذكري كلامي لما الله يعطيج وتحملين
دمتم بعافيه

[FRAME="14 70"]
اني بعد نساتي شهرين بيت اهلي و عقب الولادددددددددددددددددددددددة اللي ما طلعت بنوتتي إلا اني كلش بعد اربعة ايام تعبت ما توقعت بشوفها في حضني ولا صدقت اني ولدت إلا يوم عطوني اياها


بس بعد قدرة من الله نعمة النسيان لازم الواحد ينسى تعب الحمل والولادة الحمد لله لو ما النسيان لكان لكل ام ابن واحد ههههههههه

عزيزتي جناح الروح وقت الحمل مناسب لسن ولدج وعلى فكرة موكل حمل يشابه الحمل الثاني يمكن الحمل الثاني يريحش من ناحية النساة و لا تخافين
[/FRAME]

حبيبتي

تجربة الحمل الثاني ممتعه رغم صعوبتها .. !

اني طبعي احب البيبيات ، و الحمدلله اللي رزقني .. صار عندي ولدين برغبتي و إصراري .. رغم معرفتي بالألم و التعب و مثل ما يقولون توي 22 سنة لازم استغل شبابي في اشياء ثانية غير الاولاد .. لكن حبي للأمومة خلاني استثني كل هالاشياء و اهمشها و اصير ام مثالية .. و الله يرزق الجميع !

ماعليه قلت قصة حياتي .. بس ابي اوضح لك انه الشي لما يكون برغبتك تتقبله النفسية بشكل ايجابي بعكس لو صار فجأة ، راح يظل الشي سلبي ببالك !

من تجربتي انصحك بالحمل الثاني .. فترة الوحام راح تعدي و انتي بصحة و عافية ان شاء الله ، بعدها بيكبر البيبي و بتتابعين حركته و نموه ، و بتوعدين طفلك بأخ او اخت .. و لأنها تجربة ثانية بتكونين عارفة بكل شي في الحمل و ما بتقلقين لأقل الاشياء مثل التجربة ال 1 .. فيكون المزاج على طول مرتاح بدون قلق !

اما عن الولادة هي مجرد ألم ساعات و يجي مولود جديد يغير جو الاسرة كلها و يعيشكم حياة مختلفة يتغير فيها روتينكم اللي ان شاء الله ما يكون ممل !

اني عني تعبت في ولادتي .. لكن لو تذكرتها الحين اشتاق للحظاتها و اتمنى لو تنعاد الكرة و اعيش اجواء الولادة و اسمع اولى صيحات الولد اللي ربيته برحمي .. !



بإختصار .. الحمل و الولادة تجربة رائعه .. لا تحرمين نفسك منها !

حبيبتي الوردة الغالية ... ريحتي قلبي ....






الله يريحج دنيا وآخرة

خيتو ياريت ,,,

لأن وقت الحمل مناسب زايد علي الحال ألحين هههههههههههه

أحس روحي هبلة خخخخخ

شرفتي موضوعي يا الغلا

صج والله,,,, انه احس و افكر بنفس الشي

انثى ... حركتي فيني الحس شوي ... بس احس احساسج أوفر

يعني أنثى بحق وحقيقي ... ووصفج لتجربة الحمل والولادة بالمتعة ... شي عجيب

أنا الصراحة أحلى شي بتجربتي حركة جنيني ببطني ...

وصيحته أول ما طلع للدنيا .. وما بينهما خط أحمر

هههههههههههه


اتصدقين يالغلا اذا الله وفق لي وحملت وحانت اللحظة الحاسمة ما بنساج ...

كلامج يعطي حافز وتخدير للأعصاب وقت الألم ...


الله يسعدج دنيا وآخره ويرزقج كل أمانيج ياااااااااارب

حبيبتي أم نوراء .... احساس يعور موووووووو؟؟؟؟؟

مسز عادل .... طمنتيني عمري ...


يعني في امل يتحسن شعوري للأفضل

مراااااااااااااحب أريج المحرق ...

أنا عاد احس لو اموت من الطلق ما بطلب عملية بكيفي ...


على ما سمعت لها آثار بعد الولادة ما تنسى


غير الطلق ... فترة الولادة وبعدي