~{...
يالبى قلبه [COLOR=deepskyblue]عليه عيون
من شآفها ضاعت علومه[/COLOR]
من شاف رمشها [COLOR=deepskyblue]غدى مجنون
يصبح صويبن[COLOR=#ff0000] من سهومه[/COLOR][/COLOR]
هلا حبااايب قلبي
حياااااااكم ،،،، تو مانور المكااااان
احس لي دهررررررر عن مواضيع المكياج
اليوم عاد قلت بنزل لكم لوك حلووووو انا امووووت فيه هاللوك
لانه بالواني المفضلة
البني والتركواااز
بس هالمرة دامجه معاه شوية اورانج بس طلع اللوك خطييييييييييييييير
ولو فاكرين هذي الصورة اللي شاركت بها في مسابقة المكياج
كان ودي اسوي لكم الدرس على ورق
بس للاسف مالقيت دفتر رسم في البيت خخخخخخخخخخ
ان شاء الله الايام الجاية اشتري واحد عشان ارسم لكم عليه احسن
لاني حسيت الاغلبية يفضلون الرسم على الفوتوشوب
مع ان الفوتوشوب اريح واسهل لي :o
بس كله يهووون لعيوونكم ،،، اهم شي تستفيدووون من الدروس
همسة:
(i)[BLINK]الموضوع مجهووود شخصي ولا احلل نقله بأي شكل من الاشكال[/BLINK](i)
اللي تبي تحط مواضيع في المنتديات تتعب على روحها وتخلي عندها شخصية
مو تروح تسرق جهد غيرها وتنسبه لنفسها
ادري لا حياة لمن تنادي خخخخخخخخخخ بكرة بشوفه بمنتدى ثاني
المهم ما علينا ،،، نبدا باسم الله
طبعا كل وحدة تجهز بشرتها مثل ما تبي
بس انا افضل ان اول شي نحط خافي العيوب (الكونسيلر)
بعده كريم الاساس (الفاونديشن) وآخر شي البودرة المضغوطة (الكومباكت باورد)
واهم شي نحط شوية كونسيلر فوق الجفن وحوالي العين عشان يثبت الشدو
ونحط شوية بودرة حرة تحت العين
والحين نبدا في الشدووو
اول شي ناخذ الشدو التركواز ونحطه على الجفن المتحرك
بعدها ناخذ الشدو السكري على بيج شوي
ونحطه على باقي الجفن الثابت وتحت الحواجب بهالشكل
ونحاول ندمجهم على خفييييييييييييييف
ندمج الاطراف بس
بعدها ناخذ الشدو الاورانج ونوزعه بهالشكل
ونحاول ندمجه لبرى مع الشدو السكري
الحين ناخذ شدو بني
ونحطه عند ثنية العين لنص القووس بس
مثل ما موضح بالصووورة
ونحاول ندمجه مع الاورانج وشوي مع التركواز عند ثنية العين
نحط خط من الشدو التركواز اسفل العين
نرسم العين بالكحل الاسود السائل من فوق وتحت
نخلي رسمة العين مفتووحة شوي من عند المدامع
الحين ناخذ شوية شدو بيج او سكري عشان نستخدمه كإضاءة
ونحطه تحت الحاجب
ونبدا ندمجه شوي مع الشدو اللي تحت
ونفس الشدو اللي استخدمناه للاضاءة
نحط منه شوية في الفتحه اللي سويناها بالكحل عند مدامع العين
نرسم الحواجب بقلم تحديد الحواجب ونرتبهم
ونحط الماسكرا
نوزع البلاشر البني المايل للاورانج
ونحدد الشفايف ونحط الروج البني المايل للاورانج
وهذا بيكون الشكل النهائي
ولبست معاه هالفستان البسييط
وهالاكسسوارات
وحبيت اكسر اللون البني شوي
لبست شنطة بيج فيها خطوط خفيفة بني
وصندل بني (وانتوا بكرامة)
وسلاااامتكم ياحلووووووين
في انتظار ردوودكم وتعليقاتكم واستفساراتكم
ان شاء الله القادم يكوون اجمل
...}~
مثل القمر نسخه بالكربون
يرمي برمشين مسهومه
هيمان قلبي و انا مفتون
لحدن يجي القلب و يلومه