ساعدوني يالخبيرات

مبارك عليج البيت والله يجعله بيت السعاده لعايلتج ويكفيج شر العين

اول شي اذا قدرتي تجيبين داعيه تقول درس وتقولين للمعازيم ان في مفاجئه

اذا كانت صاتج كبيره تقدرين توزعين صحون وعليها مكسرات بصحن والصحن الثاني يكون فيه ملبس ملون

وتبتدين توزعين الشاي ويكون بالاستكانه بسكوته صغيره مالحه

وبعدها القهوه وتكون ورا الصبابه وحده شايله صينية الحلو او يكون صحن من هالفناتق مثلا يكون مثل الجره

وتشيله على جنب ايدها وحاولي بقدر المستطاع يكون حجم الحلو صغار لان وراهم عشا صح

واذا عندكم في غراش الزعفران واللقاح الصغار تحطينهم بصحن الشاي وتعلقين قطعة السكر الملفوفه

بورق السولفان بقفشة الحوس

واذا قدرتي تزيدين من المشروبات الساخنه ويكونون بأكواب صغيره مثل كبتشينو او كوفي ميت

ومع استكانات الشاي تزيدين شاي نعناع او اليانسون او وعندج بالجمعيات اشكال من الشاي مثل الليمون

وشاي الفواكهه وغيره

وبعدين عندج العصير وتفنني بالخلطات مثلا دخلي العصير مع الايس كريم وخلط العصاير المتجانسه بالالوان


بعدين عندج البوفيه

وعند اخر البوفيه حطي علوج علك وحلاو صغار وسكر نبات صغار ملفوف بورق ملون

وسلاتمج وان شاء الله قدرت افيدج بسي واذا تامرين اي شي انا حاضره

رشة مطر ما قصرت وأنا بس حبيت اهنيج بالبيت الجديد والله يجعله منزل مبارك وعامر بأهله يارب

والله حبيبتي العادات تختلف بيننا ...

يعني انتي الافضل انك تسالين احد من اهلك والا اخواتك ..

يعني حتى مانعرف انتي من وين لو انك من السعوديه ..

احنا بالبدايه نقدم القهوه .. مع حلاها طبعا او شوكولا حسب المناسبه وحجمها

ثم بعدها الشاي .. وطبعا مع الموالح من فطائر وبسكوت وخلافه

ثم العصير اذا حابه .. مع كيك او تارتات ..

انا طبعا ماعطيتك بالتفصيل عطيتك بالعام الين نشوف انتي من وين ؟؟