مرحبا مليووووون لاحلى عرايس بالكووون
كيفكم وشخبااركم ،،، عسآكم بألف خير ان شاء الله
من كم يوم نزلت موضوع عن عقدي وسفرتي في ركن العروس
واغلب البنات طلبوا مني اني اخبرهم شلون سويت كذا شغله
عشان كذا قلت خل اوريكم شلون سويت السفرة من الالف الى الياء
بس تحملوووني شوي ترى الموضوع بيصير طوووويل شوي
في شرح واااجد وخطوااات ما تنعد
عشان كذا بحاول اني انزله لكم على اجزاء
طبعا بعد ما اشوف تشجيعكم خخخخخخخخخخخ
وراح اشرح لكم بالتفصيل شسويت في سفرتي من تزيين للسلال او بعض الاضافات
وشلون سويت التوزيعات
وبعد طريقة تزييني للكاسات وطاسة العسل
وفي النهاية ترتيبي للسفرة بشكل عااااام
بس قبل ما ابدا لازم اذكر
(i)[BLINK]الموضوع مجهود شخصي ولا احلل نقله بذكر المصدر او بدوونه[/BLINK](i)
وبعد شغله ثانية
لا تنسوا تذكروا الله وتقولوا ما شاء الله،، حتى لو ما عجبكم الشغل
والحين نبدا باسم الله
اليوم في اول جزء راح اشرح لكم بالتفصيل الممل
واوريكم بالخطوات المفصلة شلون زينت السلال،،، وان شاء الله يعجبكم شغلي
سفرتي كانت باللونين ،،،، الاحمر العنابي والذهبي
اول ما حددت اللون قلت خل اروح السوق اشتري قماش لتزيين السلال
رحت محلات ديفيا اللي في سوق واقف ولقيت قماش عجبني
اخذت منهم قماش تور احمر عنابي وفيه ورد مخمل كان حده عجييييب
واحلى شي فيه انه كان المتر ب 300 فلس (3 ريال) :eek:
بصراحه كان يستاهل اكثر من هالسعر بوااااااااااااااااااااااااااجد
فلقيتها فرصة وشريت لي منه يمكن 20 متر
وهذي صورة له
وبعد شريت معاه قماش اورجانزا ذهبي كان المتر ب 500 فلس (5 ريال)
بس ما اتذكر كم متر اخذت خخخخخخخخ
وهذي صورة له
بعدها اشتريت لي ورد للتزيين
والورد اللي اخذته كان كله باللون البيج والاصفر والعنابي الاحمر والابيض
وكلهم شاريتهم من الانوار وخمس دوائر
وبعد شريت شوية حركات للتزيين
بعد من محلات الانوار وخمس دوائر
طبعا السلال بعضهم شريتهم من رامز وبعضهم من الانوار وبعضهم كانوا عندي من قبل
والحين نجي نشوف اول سلة وشلوووون زينتها
هذي السلة قبل ما ازينها
اخذت قطعة تور مستطيلة
وربطت بدايتها في مسكة السلة
وبديت الفها على المسكة وثبتت نهايتها في الطرف الثاني للمسكة
وحاولت اقص اذا كان في شوية تور زايد في الطرف
بعدها اخذت قطعة تور مربعة وباستخدام مسدس الصمغ بديت الصقها في قاع السلة
ولصقت باقي التور على السلة وطلعته لبرى شوي وثبتته بشكل عشوائي
وزينت السلة بالورد واكيد زينت المسكة بعد
وصارت لي بهالشكل
وهذا شكلها النهائي
[BLINK]
تابعوووني ،،، وفالكم طيب (f)
[/BLINK]
