تجمع أمهات الوطن العربي .. شهر شوال 1430 - 2009 م

زين تسوين
الله يخليه لك ان شاء الله

اماراتيه كيوت;10485817:
صباح الورد...شحالكم
جوود فديتتج مبروك عليج الحمل وادري واايد متأخره والله يثبته لج ان شالله ويتمم لج على خير

فراشه..
الحمدلله انا بخير من صوبج ^ ^

بنات بنتي الحين كملت 6 شهور بس لين الحين ما تيلس بروحها ابا اعرف متا الياهل يبدا ييلس ارووحه !

صباح النور
بخير الحمدلله ومن صوبج!
الله يبارك فيج يا قلبي لا عادي (f) اهم شي دعواتج لي
وآمين يا رب

كيف يعني تيلس بروحها!! يعني تتعود انوو محد ييلس معاها ولا تيلس تيلس زي اليلسه يعني :tongue:

قصدي تيلس زي اليلسه لووووول ^^

صباح الخير يا حلوات..

بعده توها بتتعلم اماراتية .. اصبري عليها شوي وعوديها تساندينها سويلها مكان تروم تيلس فيه وشي يسندها وعقب على السابع ان شالله بتتعود .. لا تحاتين


شي يهال فديتهم لين السادس ما يجلبون .. احس كل بيبي يستعيل في شي و يتأخر في شي.. سبحان الله .. وكله طبيعي

جود ..

الله يا وقتٍ مضى وايام مرت وين .. هههههههه ايام السهر والطفح لين الصبح ما نخلي شي فالثلاجة ..


==

فراشة ..

نظامج حلو ماشالله بس انا احاول استغنى نهائيا عن السيريلاك .. احاول ادور بدائل طبيعية .. بس مثل ما قلتي ان شالله من السادس ببدا اخلي نظامها فيه اكثر من وجبة .. حاليا بستمر عالحليب ووجبة وحده فواكة او خضرة في نص اليوم..

بسألج.. تسوين له رز؟ وكيف؟ هل تسوينه عادي فالماي لين ما يستوي وايد لين وبعدين تخلطينه فالخلاط؟ ولا في رز خاص بالاطفال؟؟

ترى مشكلتي انا واايد احاتي ...

اليوم الساعه 10 الصبح انتبهت من النوم على صوت طيارة

يا الله كيف صوتها كان قريييييييب وايد كانت نازله مع انه بيتنا مب قريب المطار.. مب متعودين على صوت الطيارات في فريجنا فاستغربت.. قلت يا ساتر مادري شو صاير..

فطبعا قمت من النوم مع اني راقدة الصبح من تحت راس بنتي الحلوة.. عاد يوم قمت شربت حليب وعدلت المزاج .. وسرت اوعيها .. قلت اليوم يا أنا يا انتي ههههههه

طبعا ماشالله نشت ولعبت ... والحين ردت رقدت شوي.. بخليها نص ساعه وبرجع اوعيها

اصلا خليتها ترقد فالازعاج هني فالصالة عشان ما تطول فالنوم.. وفالليل من 1 بنكون عالسرير ومسكرين الليت ان شالله

لا بالعكس لا تحاتين.. وان حد قال لج شي طنشي

بالعكس بنتج مب متأخره اصلا بعدها .. اليهال فالسادس يبدون يتعلمون وتقدرين تيلسينهم فالميلسه

بس انه روحهم اييلسون بعدها شوي ..

مفتون;10486741:
لا بالعكس لا تحاتين.. وان حد قال لج شي طنشي

بالعكس بنتج مب متأخره اصلا بعدها .. اليهال فالسادس يبدون يتعلمون وتقدرين تيلسينهم فالميلسه

بس انه روحهم اييلسون بعدها شوي ..

هيه فديتها انا احطها فاليلاسه واتم تلعب وتمط الالعاب ^^
واحيانا اسدحها عظهرها عسب تتجلب ..
والحين متعلمه تمص صبوع ريولها لوووول اقول ودرتي ايدج وييتي عند ريلج

هههههههههههههههههههه

فدييتها ماشالله عليها .. اموت على هالحركة .. لازم تصورينها فيديو لأنها من تتعلم تيلس وتكتشف حركات يديدة بتنسى هالحركة


بنتي انا الحين تيود جدمها وتوصلها قريب من ويهها بس بعدها ما تحطها في حلجها

هيييه انا قبل جي كانت وكنت ميييته اباها تسوي هالحركه والحين ماشالله عليها ماتقصر ^__^
بديتي تأكلينها ؟؟

بسألج ..

اي قاري خذتي لبنتج

انا تصدقين ما خذت لها شي على ذوقي

كل اللي كنت اباه ما حصلته

ويوم كنت فالاربعين قلت حق بو الشباب خذلي اي شي امشي حالي فيه.. فالحين قلت يوم بتكمل بنتي 6 شهور باخذ لها شي حلو.. والحين استوا عندي خبره فالقواري ههههه اعرف شو ادور

هيه من اخر اسبوع فالرابع بديت..

بديت اول شي بسكوتة فارليز .. اذوبها فالماي عشان تتعود عالاكل ومب الحليب .. وعقب قمت اذوب الفارليز فالحليب بعد يومين ثلاثة على اساس يكون اثقل ..

و الحين من اسبوع تقريبا بديت بالفواكة .. التفاح ماحبته مووووووووول .. الموز حبته بس حسيت سيّر لها بطنها .. الكمثرى ماشالله حبته ..

وانتي؟

مفتون;10486851:
بسألج ..

اي قاري خذتي لبنتج

انا تصدقين ما خذت لها شي على ذوقي

كل اللي كنت اباه ما حصلته

ويوم كنت فالاربعين قلت حق بو الشباب خذلي اي شي امشي حالي فيه.. فالحين قلت يوم بتكمل بنتي 6 شهور باخذ لها شي حلو.. والحين استوا عندي خبره فالقواري ههههه اعرف شو ادور

حتى انا ماخذت لها اللي كنت اباها !! ابوها خذالها من ماماز اند باباز وماعيبتي وايد لونها كئيب
بس عمليه و بتنفعها وايد ..

مفتون;10486871:
هيه من اخر اسبوع فالرابع بديت..

بديت اول شي بسكوتة فارليز .. اذوبها فالماي عشان تتعود عالاكل ومب الحليب .. وعقب قمت اذوب الفارليز فالحليب بعد يومين ثلاثة على اساس يكون اثقل ..

و الحين من اسبوع تقريبا بديت بالفواكة .. التفاح ماحبته مووووووووول .. الموز حبته بس حسيت سيّر لها بطنها .. الكمثرى ماشالله حبته ..

وانتي؟

انا بديت اعطيها بعد فنهاية الرابع بديت بعيش خالي والحين احط وياه بطاط ويزر

وبنتج الا شرات اللي عندي مووول ما حبت التفاااح ولا الموز والكمثرى يعني مب لهناك
وهاك اليوم كنت يالسه اكل فراوله قلت بطعمها ووايد عيبها بس خفت انه يسوي لها حساسيه

والحين بعد اعطيها شوي سيريلاك ومب وايد يعيبها انا اكله عنها لوووول

الكمثرى كيف عطيتيها اياه؟

انا بشرته باللي تبشر الجبن وعطيتها اياه سيده


==

قواري ماماز اند باباز عليين بس حسيتهم بهم كبااار .. ماعرفتلهم صراحة.. احب القاري الخفيف خصوصا انه انا اللي اشل واحط بما اني اسوق..

انا حسيت يوم فورت التفاحة اخترب طعمها .. يالسه افكر ابشرها المره اليايه وبشوف اذا بتكون مناسبة حق اكل البيبي ولا

هن من ناحية كبار كبار وثجيله بعد
الكمثرى انا عطيته اياها باالخاشوقه
ومره حطيته في الخلاط ويا ماي اخبص انا اي شي وهي تاكل لووول ..~



تعالي ماخبرتيني كيف كانت ولادتج ان شالله سهله ؟؟..~

والله ولادتي ما كانت سهله والحمدلله على كل حال .. فاللحظة الاخيرة قررولي قيصرية وقدر الله وماشاء فعل..

الدكتورة سوت لي حركات وقالت البيبي خلاص راسها ورم وهلكتني من الخووف لدرجة اني ما حسيت بأي شي لين ما شفت بنتي بخير وعقبها رقدتتتتتتت ههههههه من شد الاعصاب .. الف الحمدلله والله اخس شي يوم الحرمه تكون بتربي وفي حاله ما يعلم بها الا رب العالمين والدكاترة يلعبون باعصابج..