آه من الهم اللي بقلبي

السلاام عليكم

شلونكم خواتي ، انا عمري 30 سنه ومطلقه ،، وما عندي اولاد ،، مو عارفه شقول لكم ،، لما تطلقت محد وقف معاي ، محد من هلي ،، رديت البيت ولا حد خذ بخاطري ، مع ان طليقي ضلمني وطلقني بدون سبب وتزوج وحده يديده،، انا الحمدلله اشتغل ،، مع العلم ان راتبي ما يكفي لأني ماخذه سياره بالأقساط توديني واتييبني الشغل ، واللي يبقه من راتبي ما يكفي لآخر الشهر ، بس والله لو تطلع روحي من الحاجه ما طلبت من هلي او من اي احد ،، امي وابوي لو يبون اوديهم اي مكان ما اقول لا ،، احاول اني ارضيهم ،، لو اضغط على روحي حته لو كنت ميته من التعب ،، وخواني كلهم اللهم نفسي ،، احيانا تمر ايام ما اشوفهم ،، كل واحد كأن عايش بروحه ،، حته اختي فاضيه لصديقاتها ،، خواتي حاسه بهم بقلبي وحاسه بضغط مو طبيعي ،، حاسه بضيق ،، ابي اصرخ بأعلى صوتي من اللي بقلبي ،، احساسي الحين والله مو قادره اوصفه ،، ابي اضل طول الوقت ساكته ما ابي اتكلم ،، لأني اخاف الضيق اللي فيني يسبب لي مشاكل مع هلي ،، مو عارفه شسوي ،، ما عندي اخت تكون يمي ولا اخ اقدر اعتمد عليه بشي ولا صديقه تحبني وتخاف علي .. تعبانه نفسيتي وايد .. ابي اصيح خلاص مو قارده استحمل اكثر ،، شسوي ساعدوني الله يجزيكم الف خير