اخباركم يا عرايس
ويا امهات
ويا حوامل
ويا عزابيات
.
.
.
قبل العيد في تلفزيون ابوظبي كانوا مطلعين برنامج منال العالم
منال العالم ذي انا ما احبها ههههههههههه دايما اقول ان اطباقي وطبخي احسن منها .. << مصدقة نفسي :D
مع انها مسكينة وااجد حبوبة ومشتغلة عدل علشان تطلع لنا اطباق حلوة ايام رمضان .. :D
...المهم ...
وكانت تنفذ طريقة وردات السبرينغ رولز ..
اعتقد الطريقة كان اسمها وردات البقلاوة بس بعجينة السبريغ رولز ..
تقريبا شفت ذي الحلقة ثلاث مرات في نفس اليوم هههههه
يعني شفت الاعادات كلها علشان اقدر اطبق الوردات .. :tongue:
والحمدلله ضبطت معاي ..
بس المشكلة ان طبق الكب كيك اللي استخدمته انا كان كبير كثير ..
فلو استخدمت نفس منال العالم كب كيك صغير بيطلع احلى واشيك وقت التقديم ..
نجي لتنفيذ ...
وشوي الموضوع محتاج منكم شوي وقت وطولة بال وشغل سريع ..
يعني لازم يكون احد جنبكم يساعدكم..
وراح اخبركم عن اخطائي علشان لا تكرروها انتم ..
راح نحتاج إلى عجينة السبرينغ رولز ..
هذا العجينة معاي .. شوف نشفت لان خليتها كثير برع ..
هذه صينية الكب كيك مالي ,,
نفس اللي في بيت عمتي بالضبط .. :D مشترية لها ولي
لو عندكم اصغر بيكون احلى صدقوني ..
راح نحتاج إلى حشوة البقلاوة او الوردات ..
مكسرات مفرومة اي نوع تحبي .. بس لو فستق ولوز نفس منال بيكون حلو ..
انا استخدمت كل المكسرات اللي عندي لان كان عندي كثير
فما حبيت اخليهم اخاف الحشرات تلتم عليهم ..
نصف فنجان سكر ناعم يكفي لا تزيدون اكثر من كذا ..
ماء ورد .. وماء زهر .. لاسف ما كان عندي الا ماء ورد ذاك الوقت ..
نخلط مع السكر نصف ملعقة من الهيل والزعفران ..
بياض بيضتين ..
نخلطهم كلهم مع بعض ..
حتى تتكون عندك عجينة متماسكة وريحتها راح تكون روعة وفايحة
نجي لتطبيق العجينة وكيف نشكل الوردات ..
لو عندكم كب كيك صغير شوفوا كيف تطبقوا الوردات ..
ورقة السبرينغ رولز ..
نسقيمها بمقص المطبخ لقسمين بالطول ..
معلي العجينة نشفت عندي فتتفتت :ss:
القسمين اللي فوق نقصهم اربعة اقسام .. << اتمنى انكم فهمتوا ..
نجمعهم الاربعة في اليد بذي الطريقة
ونطويهم طيتين ..
ذي طية اولى
وهذه طية ثانية
ونقسهم بالمقص من الاطراف بشكل دائري ..
هذه الوردات اللي عندها كب كيك صغير ..
ملاحظة هنا راح تتكون عندك اربع دوائرة من ورقة كبيرة << يالله فهموني ارجوكم :confused:
بس اذا عندك كب كيك كبير مثل حالاتي .. شوفي وش تسوين ..
العجينة المربعة .. تطويها طيتين .. ((نفس اخر صورة من الكب كيك الصغير))
هذه طية ..
وهذه الثانية
ونقصها بالمقص من الاطراف بشكل دائري
ملاحظة . هنا راح تكون عندك دائرة واحدة فراح نحتاج إلى اربع دوائر اخرى .
المهم ..
نصف العجينة الدائرة اللي قطعناها .. وندهنها بالسمن العماني << احلى شيء في الطبق ان لمساتي العمانية موجودة :tongue:
بعدها اخذي ملعقة من الحشوة اللي عملناها بالمكسرات والبيض
ووزعيها ع ثلاث ورقات فقط وخلي الرابعة بدون حشوة ..
ناخذ الورقة الاولى اللي فيها الحشوة ونلفها بيدنا كذا
والورقة الثانية نفس الشيء .. بس نظل ماسكين الاولى ما نخليها ..
والثالثة نفس الشيء ..
خلصنا ؟؟؟ :D
بقت عندنا الورقة الرابعة ..
نجمع الورقات الثالث ونخليهم ع الورقة الرابعة .. بذي الطريقة .. يعني نخيلي الورقات الثلاث فوق الرابعة .. بحيث ان الورقة الرابعة هي اللي تلمهم ..
وبعدها نصفها بصينية الكب كيك..
هذه الصينية بعد ما خلصت من الشغل .. طبعا انا سويت ذي الطريقة يمكن 5 مرات علشان تصير عندنا كمية وفيرة من الوردات .. ولتقديمها للضيوف .. :confused:
ادخلها الفرن لمدة 15-20 دقيقة .. من فوق وتحت ..
وهذه بعد ما طلعت من الفرن شوفو شكلها اللذيذ اممممم يمي يمي ..
ع طول اضفت لها شيرة ساخنة وهي الوردات بعد ساخنة ..
اقرب ..
للغاليات بنات عروس
جد جد انا تعبت في الطبخ والتنزيل والتحميل .. والكتابة .. وعاد ابي ردود سنعة وتقييم عدل ..
ولاول مرة في تاريخ الوان سحرية ..
[BLINK]
ما احلل اللي ينقل بدون مصدر هههههههههههههههههه << :tongue:
[/BLINK]
