افكار اتخذيها....واخطاء تجنبيها((لعرسك))

صبآآآآحوووو///مساؤؤؤؤ
الخير

كيفكم يا عرايس ان شاء الله بخير.....؟؟

مثل ماهو واضح بالعنوان حابه اننا نذكر الاشياء السلبيه والخاطئه
والافكار والاشياء الحلوه الي شفناها بالاعراس...

طبعا حابه اشوف همتكم بالموضوع....عشان نفيد ونستفيد
قولي حركتك فكرتك واذكري الاشياء الي صارت بزواجك او لزواج حظرتيه او فكره ببالك او حركه سمعتي عنها

نفيد ونستفيد....

بس بالبدايه حابه اقولكم شي

((سوي الي تشوفينه حلووو بالنسبه لك والي ترتاحين له للان سويتي وماسويتي الانتقاد جايك جايك اهم شي راحتك النفسيه للشي واعجابك له ))









في البداية خلينا نعرف انه التوتر و العصبية يخرب كل شيء ..!




فنعرف ناخذ احتياطاتنا قبل ما نبدأ الحفل , نحاول نخلص كل شيء ونتأكد من حجز مواعيدنا ..!
مو اي احد تروحين وتحجزين عنده اتاكدي من الي يشتغلون يعني اتخيلي مابقى على زواجك الا 4 ايام تتصل الكوفيره تقول ماني جايه او ما اقدر اجي حصل كذا وكذا شوفي غير انتي وش بتسوين هذيك الساعه....؟؟


حاولي تخلصين كل شيء قبل بأسبوعين اذا مرة ما تقدرين خليها قبل بأسبوع حتى ترتاحين أسبوع وتسترخين من التوتر شوي ..













وانا ببدا اولا بذكر الاشياء الخاطئه بالاعراس والسلبيات

وبقولها بشكل نقاط









1- الخدمة السيئة :<


للأسف العروسين يدفعون مبلغ وقدره ع الخدمة في الزواج وأخر شيء يفشلون الواحد بطريقتهم , بمعنى يتأخر تقديم المشروبات وفي معازيم على الطاولة ينتظرون مثلا لوقت معين وبعدين يحطون المشروبات طيب المفروض يكون في احترام للمعازيم اللي موجودين من بدري انو ع الأقل يحطون لهم مشروبات لحالهم وينتظرون البقية وكل ما جا أحد خدموه نقول ع الأقل في 5 قهوجيات و 4 عاملات وينهم ؟!




حلو يحترمون المعازيم ويحطون لهم شيء على الطاولة ويمرون حولين الطاولات لو أحد محتاج شيء , زي بعض الحفلات يكون عندهم نقص شديد في الموية , ولا بالشحدة يشربون موية =) انو عيب يعني نخلي الواحد يشحد حتى يحصل الحاجة اللي يبغاها .. عشان كذا جودة الخدمة ضرورية ..






حتى المفروض ينبهونهم ع الإبتسامة



.. وبالنسبة لإيش يقدمون في فكرة حلوة انه يهتمون بالعصائر يحطونها بكاسات جذابة و عليها زينة حلوة بطريقة المكان هذا لأنه الناس تنتبه أكثر للتفاصيل الصغيرة برأيي في حاجاتين مهمة في الزواجات (الطاولات + المأكولات والمشروبات) هذه المفروض نعطيها إكسترا اهتمام ونركز عليها ..


وفي الحاجات العملاقة هذه اللي تنحط ع الطاولة برأيي تحجب النظر و قديمة بصراحة اللي هي فيها زي الصحون المتفرعة وينحط فوقها الحلى



,, نبغى اللي ع الطاولة يناظرون بعض و يتكلمون مع بعض ويشوفون الطاولات الثانية .. حاجات تقليدية زي كذا لو غيرناها حنسوي حاجة جديدة وفريدة ..

























2- ألو ..1 ..2 ..3 :


يا كرهي لما الطقاقات يبغون يجربون المايك ويجلسون ساعة كاملة يجربون



!! وبطريقة مزعجة .. ولا يجربون الدف حقهم بس بحركة تنرفز مافيها أي نغمة بس إزعاج ..
يعني ياليت يجون شوي مبكرين عشان يجربون ويضبطون كل شيء او يضبطون كل حاجة قبل ما يجون المعازيم وبعدها يشوفون لهم أي شغلة قبل ما يطقون لو كانوا متفقين ع عدد ساعات معينة ..ونوعية الأغاني اللي يغنونها لازم يكون فيها تدقيق قبل ما احد يغنيها


الشيء الثاني لما يكون صوت السماعات قوي لدرجة يغطي ع أي محادثات في الطاولة



..تضطر الوحدة تصرخ عشان تتكلم مع اللي جنبها ويلا يلا تسمع ..
تصير تتكلم في الفواصل بين اغنية واغنية ويمكن ما تكمل سالفتها عشان السماعات إشتغل صوتها مرة ثانية وحجبت الصوت ..
حلو نسمع الأغنية وكمان نقدر نتكلم ..

















3-التصوير للذكرى أم للإزعاج :
الحين مو نصور للذكرى طيب الذكرى مو مفروض تكون من الواقع....
الحين اشوف التصوير نفسه حق قبل عشره سنين العروسه تميل وتحط الباقه....الخ
ليه مايكون فيه فكره تصوير عفوي ليه ماتصور المصوره الام تضم بنتها وتبكي صوره حلوه وماثره مو الام واقفه جنب العروس كانهم مجسمات ويصورونهم لازم تبان اللحظات
او صوره العروسوهي وقت الزفه ويعدلونها بالتاثيرات....؟؟
ما احس فيها شي صور الطبيعه بالعكس لها طعم حلوووو

























4-تأخير الزفة والعشاء :

تتخيلوا انه في ناس تأخر العشاء لحدت الساعة 3 ؟! فعلا حصلت ..
اولا النساء هنا تحديدا ملتزمين بأزواجهم والله متى ما دق عمي وطفش وقال لها مشينا تمشي وهي ما تشوف الدرب ولا أزعجها وفشلها قدام الناس ..!


احيانا بعضهم ما يقدرون يطولون في زواج أختهم عشان نوعية الازواج هذه , وتراهم كثيرين نوعا ما .. نقدر نقول انانية =)




او ناس ما تقدر تتأخر برى البيت عشان كذا نحاول نخلي الوضع وسط … الزفة خليها شوي بدري عشان انتي تجلسين مع حبايبك وتنبسطين معاهم وسوي اللي يجي ع بالك وإرقصي وفليها يا شيخة , خلي الناس تجي تبارك لك وتشوفك ع كشختك و جمالك … والعشاء نقول 11 ونص مناسب ممكن 12 =) يصير ع الساعة 1 يبقى الناس القرايب منك وتبدأ فلة ثانية تشوفين الناس إندمجت مع بعض أكثر و تجرؤا اكثر ..!!









5 _ الكروت والقاعه
سالفه الكروت والقاعه طويله يا اننا نطبع كروت كثيره ويطلعالناس قليلين او العكس ونتفشل اننا ما اعطينا ناسكروت ويزعلون...
او اننا نجيب قاعه صغيره ونعزم ناس كثيرين وهاتك يا الزحمه لدرجه يبدون يطلبون كراسي عشان بعضالحريم يقعدون
او العكس نجيب قاعه كبيره وناس شوي لدرجه الكل يحس ان العرس فاااااضي وممل وهادي

















6-آآآي ياني تعورت وتعبت:
اللاقي كثيييير من البنات تجيب تاج او اكسسوار او طرحه تكون ثقيله عليها وتخليها منزعجه وثقلانه طوال الوقت....طيب ليه وش حادك على الشقا مو حراااام
والا تجيب جزمه ضيقه وتقعد لا تقدر تمشي ولا تتحرك وماتصدق تلقى وقت تفصخها
او الفستان ضيق ضيقضيق لدرجه ماتقدر تتنفس وودها لو ينتهي العرس
لا جيبي اشياء تناسبك ترتاحين لها وتكون متناسقه معك



هاذااااااااااا بالنسبه للسلبيات وان ذكرت ثاني بجيب وانتو زيدوووو

والافكار والحركات بالرد الثاني ان شاء الله

انتظر التفاعل