كيفكم ياحلووووين
عساكم بألف خير ،،،،،،،،،
عاد تدرون فيني اموووووت في الطبخ ،،، ولي فترة غاايبه عن المنتدى
قلت اليوم خل انزل لكم وصفة خفيفة وسهله
وبعدين شوي شوي نبدا الشغل العدل <<<< عدال ياشيف رمزي خخخخخخ
المهم ما اطول عليكم هذرة
هالكيكة اللي بسويها لكم اليوم سهله حيييييييل وخفيفة
تصلح للفطور او حتى مع القهوة يمي يمي
وانا دوووم اسويها اذا كان عندنا في البيت موز قرب ينتهي
مو يعني ينتهي ههههههههههههه لا بس يعني اذا صار الموز قشره اسود
ترى كل ما كان الموز ناضج اكثر كل ما كانت احلى
يعني لو سويتيها بموز جديد توه فررريش ما بتطلع حلوة
اسألوا مجرب خخخخخخخخخخ
المهم ما اطول كلام نبدا مع الوصفة
ونبدا باسم الله
المقادير:
كوبين ونصف طحين جميع الاستعمالات
كوب ونصف سكر
4 ملاعق باكينغ باودر
ثلاثة ارباع كوب زيت
رشة فانيليا
رشة ملح
3 موزات مقطعه
4 بيضات
[BLINK]همسة:[/BLINK]
الكوب المستخدم للقياس كوب جبن صغير
الملعقة المقصود فيها ملعقة الاكل العادية
الطريقة:
نجهز الفرن ليسخن على درجة 180
نبدأ بعد ذلك في تحضير الخليط
نخلط اول شي المقادير الجافة مع بعض
وبعدها نضيف لها باقي المقادير
ونخلطها بالمضرب الكهربائي الى ان يذوب الموز جيدا
والحين بكذا صار الخليط جاهز
ندهن القالب بالزيت ونرش قليل من الطحين
نصب الخليط في القالب وندخله الفرن
ونتركه لين يستوي وبعدها نحمر الوجه
وبياخذ تقريبا ثلث الى نصف ساعه
او ممكن نحطه في قوالب صغيرة وهذا بيكون شكلها
اللي يحب يقدر يزينها بكريمة وقطعة موز او فراولة
بيطلع شكلها حلووو
<<<<< الاخت ما تحب تزين الكيك بالاحرى ما تعرف خخخخخخخخخخخ
وبس هذا بيكون شكلها النهائي
شوفوها من داخل يطلع فيها خيوط صغيرة لونها اسوود
عشان كذا قلت لكم كل ما كان الموز ناضج اكثر كل ما طلعت الكيكة احلى
احلى في الشكل والطعم
وبالهنا والعااافية
جربوها وعطوني رااايكم
[GLINT]همسة:[/GLINT]
اللي تبي تنقل رجاءا تذكر المصدر
خخخ 