روحة مكه

عزيزتي .,

ليش مضايقة نفسج ؟!.

أبي أفهم وين الخلل والغلط في الموضوع كله ؟!.

ليش هالدموع والزعل والضيق ؟!.

وأساساً ليش كل هالرفض !.

*

إنتين قلتيها مجموعة حريم ودهم يروحون بيت الله

وما عندهم بهالدنيا محرم غير .. ولدهم

ويمكن تلاقينهم يجمعون المبلغ من فترة طويلة من الزمن علشان خاطر هالروحة

ويا دوب قدروا يجمعون مبلغ إضافي لأخوهم إلي هو محرم لهم !.

*

وهو ما يقدر يوديج معاهم لأن الميزانية ضعيفة!.

*

بس خلاص يا حبيبتي .,

خليهم يتيسرون

ويروح يودي أهله ويرجعون يا ربي بالسلامة

هم ما بيروحون هجرة أو للأبد هناك

[MARK="666666"]كلها كم يوم وراجعين!., [/MARK]

+

إنتي بعد مقطوعة من شجرة يعني ؟!.

عندج أهلج , أقاربج , الجيران , الصديقات .. تسلي علما يرجع معاهم

أو لزمي بيتج وأصبري

*

يا عزيزتي !.

والله ماكو مشكلة في السالفة أبد

وإنتي المفترض ما تزعلين بالعكس تفرحين لزوجج وأهله وتشجعينه على الروحة + تسلمين عليهم وتوصينهم على نفسهم

*

لأن الحين وفي هالزمن .,

محد ملزوم بأحد

وزوجج ولي امرج وملزوم فيج .. دام ما عنده يوديج خلاص!.

[MARK="666666"]لا تطولينها وهي قصيرة [/MARK]

وتزعلين وتبكين وتتضايقين

*

يمكن المسكين متحمس للروحة مع أهله ومستانس من داخله بيروح بيت الله

بس من يشوف ضيقج وزعلج .. أهو يكره هالسفرة!. (n)

ولا تكرهينه فيها أو تحسسينه إنه ملزوم يروح ويخليج وحدانية

تراه بيروح بيت ربه , ويا محلها روحة

*

لازم تفرحين , مب تتكدرين!.

موفقة