مشكلتنا من ابونا ونبي حل الله يجزيكم الجنه

وبعد ما تاكدت صارحت اخوي الكبير لان اختي كانت تدرس فالخارج وماكنت ابي شي يضيع مستقبلها
اخوي اجتمع مع ابوي ومره ثانيه انكر هالشي

طبعا الوالد كان في مرتبه كبيره فالدوله وكان ممنوع انه يتزوج اجنبيه بالنسبه لبلده
اقل من سنه اكتشفت الدوله بزواجه!!!
وصار التحقيق واعترف انه متزوج
وهو جاء لامي وصارحها بزواجه وامي انسانه قويه ورضت بالواقع وخبوا عن اخواني الموضوع كم شهر بس لما احس ان الموضوع انفضح جمعنا كلنا انا واخواني واخبرنا والله ما ابي اقولكم كيف نفسيه الكل تعباااااااااااااااانه وحالات الاكتئاب والمرض النفسي اللي مازال نعاني منه لان لو احنا مقصرين في حقه كان رضينا
بعد فتره احسسنا انه مو طبيعي ورحنا لشيخ وقال ان مسوين له عمل في بلد وصعب الفك وهالبلد مشهوره بالسحر والشعوذه
حاولنا بكل قدراتنا نفك العمل وما قدرنا



والحين 4 سنوات على هالسالفه
يابنات والله والله والله اني صرت اشك انه هو ابوي
صار لا يجي معنا الا كم ساعه واليوم اللي يكون فيه معنا ينام بدري وصار غير غير


اجوا عدم الرد

طبعا امي حنونه جدا قالت لازم نرضى بالواقع ونصير عائله وحده
عزمتها فالبيت وطبعا احنا رافضين بس احتراما لكلام امي سكتنا واستقبلناها للاسف الشديد
مع السنوات بدينا نتأقلم وندوس على انفسنا ونقول عشان راحته هو لازم نبينله ان احنا صرنا عائله وحده

وطبعا هي انسانه من الطبقات الضعيفه جدا ماديا ومن تزوجت ابوي صارت من اغنى بنات البلد!!!
كل مره تسوي مشاكل وتقول ان احنا السبب وطبعا ابوي يصدقها لان العمل ضارب مخه ضرب
وحنا ننقهر ونجعد اسابيع نبكي ومقهووووووووووووورين

وكل مره تسوي نفسها المظلومه
وفالعيد تجي معنا البيت كم يوم وتخيلوا يابنات ان احنا نكون جالسين مع بعض يقوموا ويطلعوا يتفسحوا وتخيلوا ولا واحد يقول احنا طالعين وطبعا ما ابيكم تقولوا غيره!لان لو كان فيه عدل ماكان كل يوم يطلع معها واحنا لا!طبعا احنا كبار ولكن اخواني الصغار كثير يتحسسوا من المواقف
ثاني ايام العيد اخواني الصغار انفجروا بكي وامي ماقدردت تستحمل وفاتحته بالموضوع وجمعنا معه وقال ماراح اطلع معكم ولا راح اجي عندكم وانا بأدبكم ومن هذا الكلام

اليومرابع يوم وهو ما اجى البيت!وانا اللي قاهرني ان الحق معنا احنا
طبعا زوجته جابت اهلها الفقراء الضعفاء الل مو شايفين خير والله ما اتشمت بس هذي الحقيقه سكنتهم معها فبيتها والحي اخوها بيدرس في اكبر الجامعات الخاصه في البلد وعلى حساب الولد!!!!!!!


الحين انا كل ما اشوف الصغار يبكوا يتقطع قلبي وماعارفه شو اسوي وكيف اتصرف معه ومع هالموقف
كلمت خوالي حاولوا يكلموه لكن بدون فايده


والمصيبه الكبيره ان ابوي رجع لسن المراهقه واكتشفت من سنه انه على علاقه من امراه اخرى!!!ومن المسجات يبين انه فيه حب وزفت وكلام غزل

لين الحين ماخبرت باحد بهالسالفه
وابي حل يابناااااااات ساعدوني الله يجزيكم كل خير

ياعمري مدري شقولك بس اللي اقدر اقولة بالدعاء والاستغفار تنفتح الابواب
والله يرفع عنة ويفك عنة سحرة يارب ويرجع كيد الظالم في نحرة

اختتتي ولا تخبريين احد لان مافي فاييدة الحياة كذا كذا ماشيية او ابببووج كثثرة المادة في اييده متاحة له انه يدورر بنات ويحببهم انا اقول خلله يتزوج على هل نزررة الي جايبنها للكم ويحرق قلبها مثثل ما عورررت قلبببكم ..ونتي خلاااص لاتفتشيين تلفون ابوج او اغراضضه لان هاي بينعكس علييج وبيتعب نفسيييتج سوي روحج ما تدريين اب شي

انتو حاولو تطلبون من عنده مبالغ كثيرة

يعني قولو انتو محتاجين حق علاج او دراسة او اي من هذا القبيل

حق لاتتركون المجال حق زوجته تلعب في فلوسه انتو الاولى فيها

اضغطو عليه من ناحية الفلوس والله يفك سحرة ويفرج همكم يارب

وعن علاقته بوحده ثانية لا تخبرين امج بس زوجته اذل جت عندكم

حسسها ان هي مو بس في قلب ابوج

مثل مااخذ على امج وحده بياخذ عليها حق لاتشوف نفسها عليكم

الله يفرج كربتك ياروحي يااااااارب 000

اسال الله انه يرد كيدها في نحرها من جد حقيره الله لايوفقها ويرد شملكم عاجل غير اجل اصبري حبيبتي والله يقويكم

حسبي الله ونعم الوكيل .... الغالية على قولة المثل كما تدين تدان ... وهذا الزوجة الثانية بيجيها الدور وما عليه خلوا الأمور تمشيى مثل ما هي لان الحق لابد انه يظهر ... وإن شاء الله راح ترجع الامور للأطيب ... بس الصبر مفتاح الفرج ..

الله يعينكم يا الغالية بصراحة صعب والظاهر ابوك رجل مزواج ويحب التنوع ... ويدور على شبابه لان الرجل هذا هوايته كل ما كبر وشاب راح يسجل بالكتاب ... الله يعينكم .. انا يمكن بصراحة لو كنت مكانج (( خبيثة )) بفتح عيون زوجتة الثانية بخليها ترصة يكفي عله وحدة بعد عله ثالثة يجيب لكم .. بس تدرين بعد يمكن اسكت عشان تنضرب الثانية مثل ما انضربت امي ههههههه بصراحة حيرة يعتمد على شو الللي انتوا تبونه



تقديري العتب

الله يعينك بالصراحه ومن كل قلبي ادعي لك بهداية ابووكي

الأنو مريت بالنفس الحاله مع ابوي

وفي نهايه ماشيه حياتنا ..

اختي الغاليه ..

اعتقد الحين مع اكتشافك ان ابوك عندو وحده ثالثه .. اعتقد صار الشي اكيد ان مافيه عمل ولا خرابيط .. الموضوع ببساطه ان ابوك استحلى موضوع الزواج واصبح الموضوع عنده عادي ونقله نوعيه في حياته .. وتجديد .. بحكم ان الزوجه الثانيه اصبحت ممله .. وان الاولى قديمه ...

وطبعا كيف يجدد هالشعور طبعا بزوجه ثالثه .. أو عشيقه والعياذ بالله ....
النصح والكلام واضحان مش جايب اي نتيجه .. والحل مثل ما قالت .. أختي العتب .. يا اما تفتحي عين زوجته الثانيه على الموضوع وتراويها الدليل.. يا اما انك تخلين الوضع على ماهو عليه مع لفت نظر الزوجه العزيزه .. وطبعا ابوك بينكر الموضوع .. لين ما يطيح الفاس بالراس وتحس هيا بالغصه الي انتو حسيتو فيها...

والعمل معا اخواتك وامك انكم توقفو جمبهم وتعوضوهم الحب والحنان.. وتصبرو امكم .. وتحاولو تعيشو ابسط اللحظات من سعاده . مع بعضكم بعض... وتطلعو وتتعودو ان حياتكم السابقه .. يمكن ترجع ويمكن لا وما عليكم الا الدعاء... والصبر.. ولكن لا يمكن ان الواحد يعيش حياته .. ولا تحرمو البسمه اخوانكم ..
وان شاء الله البركه فيكم .. أنتو ..

والله يفك كربهم وهمكم ان شاء الله

اشكركم يابنات بصراحه انا مره وضحتلها ان الثالثه جايه جايه وهي فهمتها على طول وصارت مشاكل بينها وبين ابوي وطبعا انا ما انكر ان ابوي انسان لا يمانع بالاختلاط والمحارم بس الزوجه الثانيه متزوجها وهي نسوتله عمل ومتأكده من الكلام اللي اقوله لان رحنا لاكثر من 11 شيخ!!!


والله ان من قاطعتها احس ان الكل مرتاح منها ومن حركاتها تسوي عمرها تحبنا واكثر من موقف بين لابوي انها تكذ عليه وانصدم طبعا كذباتها مو شويه


الله ينتقم منها يارب
بس ابوي مرده بيرجع لامي لانها الوحيده الصادقه والله يابنات مو عشان انها امي لا الكل يشهد والكل قاله انك بترجع لزوجتك الاولى
امي على نياتها كثيييييييييييييييييييييييييييييييييييييييييييييييييييييييييييييييييييير


الله يصبرها والله ينقم في كل شخص يتعمد يضايقها ويزعلها
ودمعه امي ماهي برخيصه ولا زعلها رخيص

الله يكون بعونكم يارب

:(

ابويج الله يحفظه خلاص حطكم امام الامر الواقع يعني انتوا ما في بيدكم شي غير الصبر والدعاء

صدقيني لو حاولتوا تصدوها وترفضوها ابوج بيتعلق فيها اكثر وبياحذ السالفه عناد

علشان جيه صبروا ما في يدكم غير الصبر

انتي تقولين ان فيه سحر

يعني اقرو دايم سورة البقرة يوميا

وايات الرقية الشرعية

واستغفري يوميا الف مرة او الفين بس مو اقل من الف

الله يعينكم ويصبركم

الله يفرج كربكم ويرد ابوكم الكم عاجلا غير اجل

اسال الله انه يرد كيدها في نحرها من جد حقيره الله لايوفقها ويرد شملكم عاجل غير اجل اصبري حبيبتي والله يقويكم

عزيزتي انتي هالحين حارقة عمرك ومنقهرة والوالد مادرى عنك مبسوط ومستانس
الحل انسية وعيشي حياتك وانبسطي ولا تفكرين فية والمثل يقول من عافنا عفناة لو كان غالي.:confused:

والله هاذا الموضوع ماشاء الله تبارك الله اللهم لاحسد ,,, صااااار موضه عند الرجال ,,, نسال الله الهدايه ,,,

خلاص انتي لاتكرسين حياتك كلهم في مراقبه ابوكي ,,, مدام هو تزوج على امك ,,, وحرق قلبها ,,, خليه اللحين يحرق قلب الثانيه ,,,

المهم اخونك الصغار ,,, روحي انتي وامك والصغار مولات لعبيهم عشيهم مو لازم يكونون لازم معا ابوكي ,,,

ابسطوهم انتو اذا كان ابوكي مو سال عليهم ,,, عوضوهم عن حنان ابوكي ,,, اذا سالو عليه قولولهم بابا مسافر ,,, وزي كذا عشان ماتنعكس على نفسيتهم ,,,, عرفتي ,,,

الله يشفي ابوكي ,,, ويرده لكم وترجعو مثل زمااااان واحسن كمان ,,,

اشكركن خواتي على مروركن اللي يريح الصدر
الله لا يحرمني من دعائكن الصادق
واحنا ايمانا ولله الحمد قوي ومثل ما يقولوا ان بعد العسر يسر باذن الله
لا تحرمونا دعائكم