تجمع ورغى حوامل مصر لشهر شوال 1430 يارب اولد بقى

انا كلت بيك رولز وهاكل مولتو دلوقتى

,؛.باخد البصل وبنضفه وبحطه فى مايه وملح وبسلقه لمدة 10 دقايق وبعدين بصفيه وانزله فى مايه ساقعه وبعدين بحشيه عادى بس الحلو بقى انه على الرغم من ان البصله مفتوحه من الناحيتين مفيش رز خرج بره ولا حاجه وعلى فكره انا بحشى ورق ورقه مش البصله على بعض لا كل ورقه بمسكها وافردها براحه واحط شوية خلطه والفها لفه واحده واقطع بقيه الورقه لو لسه طويله

,؛.اه يا دودو ابقى ورينى يا حبيبتى اهو نتفرج ونشترى من غير لف ودوران

بسبس طب ليه مش بتعصجى اللحمه

يارايقه يابسبس ههههههههههههههه ورقه ورقه معاكى ربنا بقى

انا مش عارفه هو المفروض الحامل تاكل ايه اصل انا اكلى ضعيف وبحب الاكل اللى هو جنك فود

,؛.والله يا دودو انا كنت بعصجها وبعدين كنت مستعجله وشوفت مره واحده عملتها من غير تعصيج فا قولت اجربها وفعلا طلعت نفس الطعم واحلى بصراحه ,

كوباية مايه;10348718:
,؛.باخد البصل وبنضفه وبحطه فى مايه وملح وبسلقه لمدة 10 دقايق وبعدين بصفيه وانزله فى مايه ساقعه وبعدين بحشيه عادى بس الحلو بقى انه على الرغم من ان البصله مفتوحه من الناحيتين مفيش رز خرج بره ولا حاجه وعلى فكره انا بحشى ورق ورقه مش البصله على بعض لا كل ورقه بمسكها وافردها براحه واحط شوية خلطه والفها لفه واحده واقطع بقيه الورقه لو لسه طويله

,؛.يا مشمش دا مخدش منى والله دقيقه البصله كلها كامله مخدش دقيق سهل مووووووت اسهل من حشو البتنجان والفلفل

,؛.تحطى شويه رز وتلفى لفه وترصى وخلصنا

,؛.التخديعه هى الطماطم المتسبكه بالخضره بتتسمى تخديعه

لا دي صعبة اوي يا بسبس

انا امبارح فى المترو واحده ست قامت وقعدتنى هى من دور مامتى كده وبعدين راحت قالتلى انتى مش بتاكلى يابنتى انا تنحت ههههههههههه قالتلى لااااااااااازم تتغذى كويس يعنى تاكلى كل يوم بيضه مسلوقه و2 كوب لبن وسلطه كتير وعصاير كتير ولحمه وفراخ وسمك وفلفل ملون وجرجير وبنجر وجزر انا فضلت متنحه وعماله اقولها حاضر حاضر وبس

meshmesh_romio;10348738:
انا مش عارفه هو المفروض الحامل تاكل ايه اصل انا اكلى ضعيف وبحب الاكل اللى هو جنك فود

اختى فى الرضاعة هههههههههههههههه .. انا طول النهار برجر وسوسيس وسفن وبيبسى وماكدونالدز وشيبسى وبيتزات ولافش كيرى هههههههه اخر توحيمة كانت امبارح على كنتاكى بس لسة مش روحت حروح من ورا جوزى عشان بيتخانق معايا خايف من الفراخ بتاعت كنتاكى واقنعته انها مافيهاش حاجة ومش فيه فايدة عااااااااااااااااااا

اصلا انا مبعرفش اعمل خلطة المحشي و هيا الشوربة لازم يكون فيها لحمة او فراخ

,؛.والله يا دونه ابدا انا المحشى كله اخد منى 30 دقيقه والسوا اخد 25 دقيقه وخلصنا

,؛.عقبال ما التخديعه اتعملت كنت قورت البتنجان وحطيت البصل على النار وبعدين شوحت البتنجان فى الزيت شويه وعقبال ما برد كنت حشيت البصل وورق العنب والفلفل وفى الاخر حشيت البتنجان وخلصنا

كوباية مايه;10348758:
,؛.التخديعه هى الطماطم المتسبكه بالخضره بتتسمى تخديعه

اه احنا بنقول عليها تسبيكة .. تسبكى الطماطم مع الخضرة او بنقول عليها بنشوح الطماطم مع الخضرة بس اول مرة اسمع المصطلح ده

شكرا ياموزة على الافادة

roshy&hany;10348767:
اختى فى الرضاعة هههههههههههههههه .. انا طول النهار برجر وسوسيس وسفن وبيبسى وماكدونالدز وشيبسى وبيتزات ولافش كيرى هههههههه اخر توحيمة كانت امبارح على كنتاكى بس لسة مش روحت حروح من ورا جوزى عشان بيتخانق معايا خايف من الفراخ بتاعت كنتاكى واقنعته انها مافيهاش حاجة ومش فيه فايدة عااااااااااااااااااا

تعالى فى حضن طنط ياحبيبة طنط ههههههههههههههههه
انتى عارفه انا كل مانروح للدكتور انا وجوزى يقوم جوزى يقوله دى عايزه تروح ماك يادكتور يقوم لدكتور يقولى ازااااااااااااااااااى اوعى تعملى كده

بيحسسونى انى رايحه كباريه ههههههههههه

هيا يميم مجتش النهارده

هههههههههههههههههه طب انا موافقة استغنى عن الماك بس اروح كبارية اهو الواحد يخرج شوية من الكبت اللى عنده

اعتقد يميم بتولد النهاردة يارب يسهلها يار ب وتقوم بالسلامة

,؛.خلطة المحشى ببساطه يا ماما بصله وتقطعيها او تبشريها وبعدين تحطيها فى الزيت لما تبقى لونها دهبى او تتبل شويه نزلى عليها عصير الطماطم وسيبيها تتسبك سوا ولما تتسبك تكونى مقطعه بقدونس وشبت وكزبره خضرا وتفرميهم ناعم مع بعض وبعدين تحطيهم على الطماطم دى وتجيبى بصله تانيه وتقطعيها مكعبات صغيره وتزوديها عليهم وتشيلى شويه منهم على جمب فى طبق وتزودى على اللى فى الحله الرز المنقوع وتقلبى ومتنسيش الملح والفلفل الاسود والنعناع المجفف ان وجد يعنى وقلبى كويس وسيبيه يبرد شويه على قد ما تقدرى واحشى بيه المحشى وخلصنا ولما تيجى تسقيه تجيبى مكعب ماجى لو معندكيش شوربه وتدوبيه فى مايه وتحطيه على الشويه اللى شيلتيهم على جمب وتسقيى بيهم المحشى وتسويه تسويه الرز وخلاص