تجمع ورغى حوامل مصر لشهر شوال 1430 يارب اولد بقى

lifedrop;10332627:
يا عياااال ,,,,
انا كنت حولد امبارح بس ربنا ستر
ضغطى كان عالى والدكتورة قالتلى حللى بول وتعاليلى دلوقتى عشان ممكن اولدك النهاردة ,,,
بس انا خلعت

أنتى بتخلعى بمزاجك لازم تتابعى ضغط الدم وتحللى يا بنتى ممكن يبقى غلط على البيبى

ليه خلعتى يا ندى
خاتيفه ولا ايه

قولولى يا جماعة هى بنطلونات الحمل اللى فى لافلى جينز ولا قماش؟

وقوليلى يا يميم ش الكروم ده فين فى المهندسين؟ عايزة اشترى بنطلون وبفكر اروح زيرو تو فايف بس لو قولت لجوزى ماعرفش فين هيحدفنى من شباك العربية

صحيح هى المحلات دى النهاردة قافلة ولا فاتحة؟

اناهاعمل فراخ وباميه ورز بس هو يجى يتغدى بس مادبسش فيههم انا وملك

انا مش حامل و الله و لسه معرفش لو الدورة اتأخرت هشوف بس انا بقلكو انا حاسة بإيه الأيام دي

DodyCat;10332622:
أزيك يا بيبو انا الحمد لله بقيت احسن
سيمو أخبار الفيتامينات ايه بتاخدى ولا لأ انا مش باخد بقالى كام يوم وحاسه انى هبدأ أهبط

انا بطلت الكالسيوم يادودي مبقتش طايقاه بجد بس الماترنا لو ماخدتش يوم بحس بهبوط رهيب وباخده غصب عني انا حاسه اننا في الشهر التاني مش السابع الاعراض رجعتلي تاني :D غممان النفس ومليش نفس للاكل والدوخة والهبوط الحمد لله على كل شئ
انتي روحتي للدكتوره ولا لسه
انا لسه هاكلم البت النرس الغلسه واحجز واشوف هيدخلوني امته الفجر ولا امته :D

,؛.انا جيبت بنطلون حمل جينز من هنا بس شوفته فى وسط البلد قماش وجينز بس الجينز نوعين وكدا بس البياعه ضايقتنى مشترتهوش

رشا واحشانى انا نفسى فى السمك وكنت هعمل سمك ورز صياديه بس جوزى فجأنى وانا بطلع السمك الصبح وقالى نفسى فى فته ولحمه كباب حله فطلعت لحمه بدل السمك

انا هعمل صينية بطاطس بالفرخ ان شاء الله

,؛.انا الدكتور قالى اتأخر ومروحلوش علطول شكله مخنوق منى باين ولا ايه,

محلات الاهدوم اغلبهم مش بيقفلوا حد لان اللى بيشتغلوا جوا بيقسموا راحتهم على مدارلا الاسبوع

ش الكروم ورا جامع مصطفى محمود
لو انت جمب مصطفى محمود هتلاقي بعده شارع بينه وبين تشيليز هتلاقيه اتجاه واحد رايح ورا مصطفى محمود
حاولى انت بقى تدخليله من اى ش تانى وتتفرعي عليه وهتلاقيه ضيق ومافيهوش مكان للعربيه اركنى قريب منه وخلاص

والفرع التانى اقربلك يابيبو جوا داندى مول بتاع كالرفور

انا كمان عايزة اكل صيادية يا دودى ابقى اعزمينى عليها اما تعمليها

ازيكم يا

, ‏semsema_semsemy, ‏bright bride, ‏كوباية مايه+, ‏yomizo, ‏garfeild, ‏dandona we bas, ‏DodyCat

بت ياندى مش بمزاجك لو لاقيتى الموضوع قالب جد لازم تروحى لاكتر من دكتور وتاخدى رايه ولازم بسرعة عشان فى ابرة اسمها ابرة الرئة لازم تتاخد بطلى تتصرفى من دماغك ورحى لكذا دكتور عشان تطمنى وتطمنينا

سيمو وحشتينى ياجومر هههههههههههه ايه اخبار الحمل

دودى مش باينة ببقالك كام يوم ليه .. لعل المانع خير


دندونة انتى حامل ؟؟ شفتى بقى كلامى طلع صح ازاى وان التجمع ده وش الخير على ناس كتير :) ولو مش حامل يبقى ابشرى خير قريبا باذن الله

بسبس بالف هنا وشفا والله ماعارفة اطبخ ايه زهقت وماليش نفس وجوزى حيقتلنى بقالى شهر بجيب دليفرى والمصروف خلص وكمان هو مش بيحب النواشف بس انا كل ما افكر مجرد تفكير انى حطبخ ابقى عايزة ارجع واطلع اجرى من المطبخ فما بالكم لو اكلت الطبيخ بقى

وطبعا جوزى مش معترف بالموضوع ده وبيحسبنى بتدلع عاااااااااااااااااااااااااا

خلعتى ازاى يا ندى؟ يا حبيبتى الضغط العالى ده غلط عليكى و على البيبى ممكن لا قدر الله يكون بداية تسمم حمل و يبقى لازم تولدى على طول
انا بنت خالتى كانت كده ولدوها على طول من غير ما يخدوا رأى حد اصلا
انا مش بفول عليكى بس انا مش عايزاكى تستهونى بكلام الدكتورة و ياريت تروحى النهاردة على طول تحللى

طب يا يميم يا مظبطانا دايما اللى فى داندى فى الدور الكام؟

,؛.انا نفسى اوى اوى اكل لحمه مسلوقه ملبسه كدا وعليها ملح وفلفل اسود وجمبها شوربه شوفتوا البساطه ههههههههههه

لا يا بسبس المفروض في الاول كل شهر وبعدين من التامن كل اسبوعين ومن التاسع كلاسبوع


بيبو مش عارفه حقيقي لفلي عنده بنطلونات حمل جينز ولا قماش
بس زيرو تو فايف كمان عنده بنطلونات ومازر كير

garfeild;10332682:
انا بطلت الكالسيوم يادودي مبقتش طايقاه بجد بس الماترنا لو ماخدتش يوم بحس بهبوط رهيب وباخده غصب عني انا حاسه اننا في الشهر التاني مش السابع الاعراض رجعتلي تاني :D غممان النفس ومليش نفس للاكل والدوخة والهبوط الحمد لله على كل شئ
انتي روحتي للدكتوره ولا لسه
انا لسه هاكلم البت النرس الغلسه واحجز واشوف هيدخلوني امته الفجر ولا امته :D

انا روحتلها قبل العيد وأكدتلى انه ولد ان شاء الله وادتنى لبوس لأن نزل عليا نقط بنى
وكلمتها فى العيد لأنى سخنت ودرجة حرارتى كانت 39 ونزل نقط بنى كتير
انا كمان مش طايقه الكالسيوم الشيكولاته ده والماترنا كرهته جدا
النيرس جابت أختها وبقو أتنين غلسين وعلى فكرة جوزى زعق للجديده المرة اللى فاتت
لأنى كنت تعبانه وهى دخلت واحده مكان قالتلى انها هتورى الدكتورة تحاليل بس أتأخرت جدا وانا كنت خلاص هموت وأدخل الحمام ومش عايزة ادخل الا لما اعمل سونار

,؛.اعملى يا رشا كبسه هتلكمه وهتخليه ينام

'' نوم الظالم عباده '' دا شعارى مع زوجى ههههههههههههههههههه