وين العزيمة والاصرار

هيا ياعرايس ساعدوني وكل وحدة مرة بتجربة تقلنا وتعطينا الفائدة الي استفادت منها خلال فترة التجربة

تكفون ردووووووووووووووووو ولا تطنشوني

مرحبا يسعدني اكون اول رد شوفي حبيبتي اهم شيء الاصرار انا اهملت نفسي كثير ووصل وزني فوق الميه وانا عمري 18 تخيلي بنت بعمري المفروض يكون احلى عمر البس واتدلع واسوي كل شيء وعشان الوزن حرمت نفسي كل شيء ليه بس عشان اكل طيب وين الفايده انا بديت ريجيم النقاط وياربي لك الحمد جالسه انزل عليه صح بشويش بس ما دام انزل وما ازيد هذا اهم شيء جربيه يا قلبي عشان ترتاحين يمكن تتعبين اول شهر بس صدقيني بتحسينه بعدين شيء عادي وطبيعي ومع كل جرام ينزل بتلقين نفسك متحمسه كثير وبيجي الاصرار والعزيمه بسألك سؤال ما ودك تكونين بأحلى جسم للبس ولصحتك ولجمالك السمنه تخرب كل شيء لا تقولين بنزل عشان زوجي وعيالي قولي بنزل عشان نفسي وحطي هدف قدامك واستغفري كثير بنية رضا رب العالمين ثم بنيه انه يرزقك الارداه وفي شيء ثاني مهم كل كيلو تنزلينه احمدي ربي عليه واسأليه انك ما ترجعينه والتزمي بريجيم النقاط وربي يسهل عليك وفي شيء ثاني مهم صدقيني ومن تجربه مو مهم المده اللي نزلتي فيها المهم كم نزلتي يعني لو تجلسين سنه بريجيم صحي وتنقصين على خفيف احسن من ريجيم غلط وحبوب تنحيف تأثر على المخ و يخرب بشرتك ويدمر الكبد والكلى ولا سمح الله الامراض الخطيره اسمعيني يا قلبي اليوم صلي قيام الليل وادعي ربك يمدك بالعون وابدي بإصرار وعزيمه من بكرا ولا تستنين يوم ثاني بس كفايه كل يوم تستنينه زياده صدقيني بيصعب عليك الريجيم بعدين لأنك بتزيدين فيه اكيد واي استفسار انا حاضره تقدرين بأي وقت


موفقه يا قلبي وعقبال ما تبشرينا بالنقص

في شيء ثاني بضيفه لك لا تجلسين اكثر من 3 ساعات ما تاكلين شيء عشان جسمك يستمر يحرق دهون يعني خلي معاك مكان ما تجلسين خضروات وكل فتره وفتره كلي منها اهم شيء ما تجوعين
موفقه

ياااااي الترجيه وصلت

اختي انه قصتي بكتبها لج لاني كاتبتها بمنتدى ثاني بسوي كوبي بست وشوفي

شخباركم يالغالين
بقولكم تجربتي وماباستحي منكم لانكم حسبه اخواني وخواتي

من طفولتي كنت دوبه يعني تخيلو ياهل عمرها 11 سنه وزنها 70 كبرت وكبرت الشحوم واللحوم معاي

ليما تخرجت من المدرسه وصل وزني 115 بعيد الشر عنكم
هالكلام 2005-2006 والحين احنه في 2009 وصل وزني

137 شفت روحي بانفجر قلت احاول والله يكون وياي هالكلام العام حاولت نزلت لي 135 ويا رجيم السعرات وصلت 129 بس هديت كلشي ورديت متنت هالسنه قلت خلاص وبما اني على ويه تخرج من الجامعه دعواتكم لي ان الله يسر اموري قلت البس روب التخرج وانا رشيقه

توكلت على الله اول شي اهلي ماايدوا الفكره وقالو ماتقدرين بس قلت احط على قلبي طين وعيين الا اضعف

وكانت وجهتي الاولى دعوه رب العالمين ان يعطيني صبر واراده تخليني اواجه الاكل والناس فتوكلت ورحت حق الدكتور العجوبي د علي الظن انسان راقي ومحترم بمعنى الكلمه بفضل الله ومن ثم اهوو وصلت للي وصلت له اليوم عطاني دافع خلاني اضعف عشان كل مادش عليه اسمع الكلام اللي يسرني منه

دشيت عليه وكان وزني 135.600
وطولي 163

المهم بديت مشوار اول اسبوع وضعفت وياه 5.800 جرام وصرت 129.800

وبديت مشوار يديد وليما وصلت لي 125

واليوم وانا وياكم وزني 119.500 جرام

كله بفضل الله سبحانه وتعالى

طبعا بتقولون ليش ماطلبت اني اضعف اكثر من 17 كيلوو باقولكم اني اطمح للاكثر بس عندي نقطه ببالي ان الانسان مايطمح من بدايه لعدد عود يعني اول شي حطوا في بالكم خلال اسبوع كيلوين على سبيل المثال ولما توصلون له تخططون للي بعده وهلون

طبعا برنامجي وياكم بيكون كالتالي

1- رجيم د علي الظن
ويا رجيم السعرات
ويا رجيم لبن اكتيفيا

2- كوني اعاني من الامساك المزمن اتعالج بالالياف وهالشي ساعدني افقد من وزني لان كان جسمي يحتبس

3- شاي اخضر بعض الاوقات وبحط فيه بذره الكتان

4- رياضه بطن 100 مره بوشب 100 وتمارين ويا مدرب امريكي بالنت خوش مدرب
وعقب مارجع من السفر برجع اروح النادي فالحين خلصت دورتي وياهم

5- حاليا بس امشي بالنادي وباقطع ليما اسافر بمشي هناك ماحب امشي هني برع معنه وايد زين

طبعا استخدم في حال يوعي كورن فلكس لايت خوشي والله

الممنوعات شوكلت آيسكريم اجباس وهالخرابيط

طبعا اللي حاب يشاركني حياه ع العين والراس اللي عنده كلمه زينه يقولها ويشجع ويتشجع او يكف لسانه
عني

مجموع خسارتي الحاليه

16 كيلو و100 جرام

هدفي للعيد اكون 101


طبعا اختي هني كنت مشاركه بمسابقه
الحمدلله ولو اني مانزلت لي 101 بس وزني صار 103 بفضل الله شوفي وين كنت ووين صرت
قبل كل يوم باجر ايي باجر اللي عقبه صادني الظغط والهرمون مومنضبط الدوره مثلها الم بالصدر الخ
قالو مانقدر نسوي لج شي اذا انتي ماضعفتي؟؟!!
الحل بيد منه بيدج اختي لا انه ولا وحده بتكتب منه بتفيدج بشي كله كلام لكن انتي توكلي على الله وبتشوفين ان رب العالمين موجود ووياج بكل خطوه تخطينها باذن الله بتوصلين لمبتغاج عزيزتي

الانجاز والحلم كلشي حقيقه بس يبي لهم من يسعى لهم

انه مابي بيوم اكون مثاليه واقول شوفوا شوصلت له لكن ابيي ايي اليوم الي اقول اني تخلصت من امراضي واتسعدت صحتي وقدرت البس نفس الناس عمري 21 من حقي هالشي باجر اييني زوج واحمل بنتفخ

الله يسهل ياختي مافي شي صعب
واي شي حابه تعرفينه حاضره