* لماذا لا تهتم المرأه بنفسها الا في هذه الاوقات ؟؟ *

ZoOzO R;10331969:
موضوع حلو
وهذا اللي قاعد اصير انا وحده من البنات اللي مايتعدلون الا في المناسبات وجمعات الاهل
لان انا في اعتقادي البيت مكان للراحه لبس بجاما خفيفه ورفع الشعر بكليب خفيف والوجه يكون نظيف
مو مكان تلبسين وتحطين ميك اب وتقعدين

شاكره لج اختي الموضوع
في انتظار باقي الاراء

MEME^MOON;10332027:
اتوقع بسبب الاولاد ..
المرأة لمن تنجب اولاد ماتفضى تتعدل لزوجها ..
فتلبس وتحط مكياج بس في المناسبات ..


MEME^MOON

سندريلا82;10332184:
السبب الرئيسى هم الاولاد ولكن الواحدة مفروض تكون جميلة دائما في نضر زوجها وليس المبالغة في ذالك

وجوه الخير;10333658:

غالتي نقلج جميل وناقشه احلى

الوحدة قبل الزواج تشوفينها تتعدل وتهتم بنفسها عشان تتزوج يعني تقولج يمكن ام واحد تعجب فيني الى ولدها او الى احد من معارفها او يمكن يعجب فيني شخص في الشارع ويتزوجني يعني من الاخر صايرني تكرمون مثل عالم الحيوان تتعدل ونتهدنم للتزواج فقط يعني بالعربي اهتمام من اجل رضا الاخرين يعني لاحبا في نفسها ولاشي

نجي بعد الزواج اووووووو عاد هني والحجج والاعذار الحين تزوجت خلاص وصلت الى الهدف بدا الاهمال شوي شوي اذا بداية الزواج دلع وغنج عقب تدريجيا يختفي الى حد يصير بح مافيش وهني نجي حجة اشغال البيت والعيال والشغل واذا تدرس بعد تقول دراسة اووووووو وهلم جر اعذار والرجل بعد مايحكي على طول ساكت لايقول يا بنت تعدلي تراج تغيرتي عليي وطبعا الرجل العربي اسهل شي عنده ان يطالع خارج الشباك اذا ما انمدت يديه الى الحرام

وقلة قليلة من الرجال اللي يتكلمون وينبهون بذي الشي بس هني اللوم على الست تشوفين كم مرة يكلمها ويفهمها بس مول عبس البنت انصمخت :eek: صادها خلل في الفهم :eek: ماتدرين وترجع الى اعذارها متى تحس عاد لما يتغير الزوج عليها او تبدي تشك في تصرفاته هني عادجا دور الوقت بدل ضايع خلاص عقب ما طاح الفاس في الراس

حنا كمجتمع عربي عندنا رضا الاخرين قبل رضا النفس يعني مثلا اول ما نعلم عيالنا الاهتما بالنظافة الشخصية اول كلمة على لسانه " اذا ما اهتميتي بنفسج بتصير لج ريحة والكل بيضحك عليج وبعدين راح تمرضين " شوفي اشلون عندنا ترتيب الكل وشنو اولويتنا يعني مو مهم تكونين بصحة ممتازة بس اهم شي جميلة منظرة عمرنا مافكرنا نخلي بناتنا يحبون انفسهم قبل اي شي مو نعلهم الانانية لا نبيهم يحبون ذاتهم اولا عشان يحبون الغير ثانيا ويعيشون احلى عيشة ثالثا حنا مع الاسف ما عندنا ذي الشي البنت تتعدل بس عشان تصيد لها زوج وبس

تعالي لبعد الزوج حتى لو تعدلت الزوجة تشوفينها تتعدل مو حبا لنفسها لا ابدا وكلمة حنا بالمنتدى نقولها " عشان ما يطالع برى " يعني اجبار يعني حتى ما لها خاطر او مو مقتنعة مو مهم بس لازم تسوي جذي وترى الرجل يفهم الزوجة ليش تسوي جذي وكأن البيت راح يوقفه من الانهدام شوية مساحيق وهو يدري انها ما تهتم لنفسها حبا لنفسها بل خوفا من انه يشوف غيرها

انا ماقول لاتهتمين بس اول شي انتي رقم واحد وبعدين الزوج يعني اهتمي لانج تبين تهتمين لنفسج ولاتعطين لنفسج اعذار الكل مشغول وتعبان بس معقولة ما مر عليج يوم تبين تتدلعين فيه بروحج بس لنفسج معقولة؟؟؟ ماقول لاتحطين مكياج وغيره حطي بس المعقول رتبي امورج اولا بعدين غيرج ثانيا وهاي شي مو عيب لانه اذا اهتميتي لنفسج راح تكون عندج القوة والقابلية انج تهتمين لغيرج

السموحة طولت وايد طلعت اللي في خاطري :D

تحياتي

دقات قلبFي;10334090:
مووووووووووووضوع رووووووووووووووووووووووعه


اتوقع عدم الاهتمام يرجع الى الروتين اليومي

وتكثر مقولة ؛

خلاص زوجي صار يعرف كل شي 00 شافني بأكثر من شكل

مليت لبس ووووووووووووووووو 000000 الخ

ومن ناحيه ثانيه يمكن خلاص تفقد اطراء زوجها يعني يصير عادي عنده لبست او لا

000 وهي تقول خلاص صار ما يفرق عنده او صار مايلاحظ او او او او 00000

وبعد الوحده تبي ترتاح ببيجاما وبرفع الشعر ومن الاشياء اللي تخلي شكلها عادي


اتوقع هذي الاسباب اللي تخليها كذا

دلوعة سموري;10334358:
من جد أنا مع الأجت وجوه الخير

الوحده لو أهتمت بنفسها بس عشان زوجها ...ماراح تستمر

وأي كلمه منه على شكلها حتحطمها وتقل ثقتها بنفسها

و لو يوم لبست واتعدلت وماقلها لبسك حلو أو أتغزل فيها ..أكييييد حتنقهر وتقول في نفسها أنا الغلطانه اللي لبستله

وهذا شي مررره غلط

أنا أحب البس واتعدل في البيت

بس عشان نفسي ...عشان أفرح نفسي ..وثقتي بنفسي تزيد

الوحده لمن تكون مرتبه ونظيفه ولا بسه في بيتها

حتحس براحه

مو زي اللي ناكشه شعرها أو من يوم ماتقوم الين الليل بنفس البجامه

سواليف ليل;10334653:
الموضووووووووووووووع جدا رااااااائع

أنا كمان اتوقع غير انها تلبس في البيت شي يريحها كمان عشان يساعدها في شغل البيت

بس لمن تخرج عند ناس غالبا ما بتشتغل يمكن عشان كذا بره تلبس أكشخ

بس المفروض من رأي الوحده في البيت مو شرط يعني تتزين مره كانها خارجه بس يعني شويه

مو تقعد ببجامه طول الوقت يعني اذا هيا مثلا عندها شغل في البيت وترتاح بالقصير تشتري ملابس

بيت مريحه وفي نفس الوقت حلوه والسوق ما يقصر في كل مكان الحمدلله

أو مثلا تحاول تخلص شغلها وقت ما يكون زوجها خارج بره البيت ولمن يرجع تلبس وتكشخ ههههه

تقبلي مروري