بعد سحب البويضات

ليش سويتين العملية شنهو الأسباب ؟؟

اني بسوي عملية اطفال انابيب سحب مني البويضات بعد خمست ايام يتم الترجيع

أختي الكريمة

الألم بعد سحب البويضات وزيادة إدارار البول من الامور الطبيعية ...

أسأل الله أن يثبت لكِ الأجنة ويتمم لكِ على خير

شي طبيعي الالم

الله يتمم لك


كم بويضة سحب منك؟

وكم منها اللي جودتهم زينه؟

وكم منهم تلقيحهم وانقساماتهم سريعة وزينه؟

وكم بيرجع لك؟


اذا سحب منك عدد كبير بيصيدك مضاعفات قوية بعد الترجيع او قبل ناس بعد

الله يسهل عليكي غاليتي انا بعد نهاية الشهر هذا بسوي العمليه ومتوتره لان الكل يقول الالم متعب وانا ابغى اعرف تجربتك كامله من اول مارحتي للدكتور ياريت تفيدني وربي يسهل لك امورك ويرزقك باللي يفرح قلبك

الله يكتب لج الحمل وتنسين كل الآلام يا رب

الى العزيزة عاشقة الهدوء

قصتي مع العلاج

بدأت في سنة 2004 اول شي رحت المركز وسويت تحاليل خبرتني الدكتورة ان الهرمونات طبيعية ومافي شي يمنع الحمل فرحت وضليت كم شهر وماصار حمل قررت اروح الى عيادة خاصة رحت الى الدكتورة صباح في مجمع الخليج الطبي سوت لي تحاليل جديدة واشعة وطلع مافيني شي قالت لازم الزوج يسوي تحاليل خبرت زوجي وراح سوى تحاليل وطلع ان الحيوانات المنوية ضعيفة وصفت له ادوية لمدة 3 اشهر بعد 3 اشهر راجع الدكتورة وقالت زادت بنسبة بسيطة في هذي الحالة لازم تسون اطفال انابيب جتنا حالة نفسية اني وزوجي قطعنا المواعيد وقلنا ماراح نستعجل من خلي الشي على الله هو الرزاق ونتضرنا من كثر التفكير حسيت كل الام في البطن رحت الى الدكتورة زينب الجفيري وخبرتها وقالت لي مافيش شي خلي زوجش ياخذ موعد عند الدكتور كاظم زبر واخد موعد ومن اول زيارة قال مافي فايدة لازم اطفال انابيب وقطع المواعيد وضلينا فترة بدون مانزور اي دكتور بعدين راح اخذ موعد في عيادة للاخصاب في مستشفى ابن النفيس عطوة حبوب بعد لمدة 3 اشهر خلص الكورس وبدى حبوب ثاني بعد لمدة 3 اشهر بصراحة تملل من الادوية ومن مستشفى الى مستشفى واني كل املي ان الله بيرزقنا بس الغريب في الامر في بداية زواجنا حملت طبيعي وجبت ولد قمر وبعدين المستشفيات يخبرونا ان قلت الحيوانات المنوية تصيب الواحد من الصغر اشلون عجل جى الولد ولادكتور جاوبنا . بعدين شفت في المنتديات عن مستشفى في الاردن وطرشت ليهم اميل عن حالتنا وتم الرد ان مافي فايدة الامل الوحيد اطفال انابيب بعد كم سنة من العلاج ومن مستشفى الى مستشفى قررنا نسوي العملية بحثت في القوقل وتبين لي احسن واحد الدكتور احمد بركات رحت الية اول زيارة في شهر 4/2009 اخد تحاليل واشعة قال مافي حل غير العملية وقررنا نسويها قال اول شي زوجي ياخذ ابر في الاسبوع مرتين لمدة 3 اشهر وبا الابر من شهر خمسة الى نهاية سبعة وكانت حالت النفسية تعبانة قال يبغي يوقف العلاج وسافر شهر ثمانية اني سالت الدكتور وقال سافرو وغيرو جو ويمكن تجي ونتي حامل وستانست قلت يمكن في امل من بعد الابر بس في نهاية ثمانية رجعنا واخذنا موعد بس ماصار حمل فقال الحين العلاج لي عطاني ابرة قبل نزول الدوره بعدين ابرة ثانية يوم خامس لدورة وبعدين ابر لمدة 8 ايام اول ثلاث ابر كانت في البطن والخمس الباقية من ورى هذي الابر تكبر البويضات وبعد ماخلصت البر سوى لي اشعة قال للحين صغيرة وصلت الى 13 ولازم تكون من 18 الى 22 عطاني ابر ثانية لمدة ثلاث ايام والحمد الله كبرت البويضات عطاني موعد لعملية السحب وصادف يوم الاربعاء بتاريخ 23/9/2009 كانت مدنصف ساعة تلمت بعدها بس الحين من بعد ماخلو لي المغذي صرت اشوى الحين اني على اعصابي قال الدكتور يوم خامس نرجعهم يعني بتاريخ 27/9/2009 يعني اليوم لكن ماتصلو فيني واني خايفة حدي اقول يمكن ماطلع الى زوجي حيوان منوي رغم اخذو منة مرتين
اطلب منكم ان تدعون لي ان الله يرزقني

أهليين حبيبتي

الألم وتكراار التبول (عزج الله) بعد عملية السحب طبيعي

والله يساعدج وسهل علييج

والله يرزقج الذرية يااااارب

:)

ربنا يرزقك يارب العالمني بالذريه الصالحه
وإن شاء الله يحدث حمل بامر الله

مجهولة الهوية هلا وغلا

مشكلتك مثل مشكلتي بالظبط بدون ارادة الرب وعملية الحقن المجهري ما بيصير حمل ..ز الحمد لله على كل حال

بس بسألأش اختي سوا لش عملية تنظيف للرحم ؟؟؟؟ وبعد بسلأش متى يسوي العملية بعد ما تجي الدورة او شنو ؟؟؟

الحين اني ببدأ وياه العلاج يعني يوم الاربعا قال لي تعالي عشان نعطيج كورسات الابر و ما ادري بالظبط متى بيسويها ؟؟؟

والله يرزقنا يا رب الذرية الصالحة ..

و شلون كلفة العملية 1800 بس والا اكثر لو اقل ؟؟ والا انه يعتمد على الحالة نفسها ؟؟

بسالش اختي مجهولة الهوية اول مرة تسوينها ؟؟؟

الله ايوفقج اختي وتطلعين حامل
ربي لا تذرني فردا وانت خير الوارثين
ربي هب لي من لدنك ذريه صالحه