بنات البحرين ,,, طلبتكم لا تردوني :)

.

.: Um Dana :.

عروس مشرقة

26-09-2009 | 01:17 PM

مرحبا عرايس ... شخباركم وشنو مسوين

مفكرة انا واختي في هالفترة نروح نادي رياضي شوي نتعود عالرياضه ونخفف شوي من اوزانا

انا كان جسمي حليو بس من انخطبت تغير نظام اكلي :( وقمت اكل اكثر واخترب شوي جسمي ... فابغي ارجع نفس قبل وناس وايد نصحوني بالرياضه اول شي

وانا ماعندي خبرة بالنوادي الي في البحرين ... اختي في م.حمد الدوار الاخير وانا في عالي فاي احد عنده فكرة عن اي نادي بين هالمنطقتين بحيث يكون قريب لينا ثنتينا

واهم شي ابغي معلومات عن النادي اذا فيه مدربه والاسعار وشنو البرنامج الموجود ( اجهزة , ايروبكس , حمام سباحه وهالسوالف )

بليز بنات الي تعرف تساعدني :o ومشكورين مقدماً

أ

أم عبدالله ا

عروس جديدة

26-09-2009 | 01:36 PM

شوفي في صالون اسمه مملكة الرشاقة اذا تعرفينه هذي ب 20 دينا بالرفاع اجهزة وايروبكس

وفي صالون انا اروحه اسمه صالون شوق في مدينة عيسى اجهزة وفي مدربة فلبينية بس ماشاءالله عليها صج يعني تخلي الي مايضعف يضعف ومبلغ بسيط 10 دينار 5 ايام بالاسبوع

*

**ام عبادي القمر**

عروس ماسية

26-09-2009 | 10:06 PM

في صالون في عالي على مااعتقد اسمه الجوزاء سمعت يقولون زين
وفي بعد في سلماباد امممم مااذكر اسمه بالضبط بس هو صوب رويان

.

.: Um Dana :.

عروس مشرقة

27-09-2009 | 11:18 AM

أم عبدالله ا;10323814:
شوفي في صالون اسمه مملكة الرشاقة اذا تعرفينه هذي ب 20 دينا بالرفاع اجهزة وايروبكس

وفي صالون انا اروحه اسمه صالون شوق في مدينة عيسى اجهزة وفي مدربة فلبينية بس ماشاءالله عليها صج يعني تخلي الي مايضعف يضعف ومبلغ بسيط 10 دينار 5 ايام بالاسبوع

مشكورة حبيبتي عالرد :o

بالنسبة لاول صالون موجوده مدربة او لا بحيث ترشدنا لشنو لازم نسوي وهالسوالف ؟

وزين يعني 20 دينار بالشهر

بس الصالون الثاني 10 دينار في 5 ايام يعني لو بتحسبينها لشهر اقل شي 40 دينار :eek: وايد بصراحه

.

.: Um Dana :.

عروس مشرقة

27-09-2009 | 11:21 AM

**ام عبادي القمر**;10326705:
في صالون في عالي على مااعتقد اسمه الجوزاء سمعت يقولون زين
وفي بعد في سلماباد امممم مااذكر اسمه بالضبط بس هو صوب رويان

مشكورة حبيبتي عالرد :o

بس ماتعرفين اسعارهم بالشهر كم ؟؟؟؟

وبليز الي تعرف بعد معلومات عن اندية صحية تخبرني ومشكورين حبايبي :D

ب

بحرينية_حلوة

عروس رائعة

27-09-2009 | 11:36 AM

روحي الجيم مال نادي طيران الخليج .. الكل يمدحه و يمدح مدربتهم .. و خصوصا ان توهم يايبيين اجهزة يديدة .. انا لولا انه بعيد عني جان رحته .. وتوقيتهم ممتاز .. يفتح من 6 الصبح لي 10 الليل ، يعني اي حزة تقدرين تروحينه

اتصلي فيهم و اخذي كل المعلومات أحسن عن الأسعار و الصفوف اللي عندهم .. =)

و بالتوفيق

د

دموع وردية

عروس ذهبية

27-09-2009 | 11:36 AM

حبوووبه الجو الحين بيتعدل

انصحكم تروحون الممشى بعالي وايد زين خخخخخخخ مع اني ما شفته ولا رحت

واذا ما عندكم هذاك الوزن الزايد انصحكم بالمشششششششي وبس

وبالتوووفيق

.

..هآدئه..

عروس جديدة

27-09-2009 | 07:50 PM

السسسلآم عليكم

هلا والله غلاي

..والله مثلي ااناا بعد بمدينة حمد وادور ناي رياضي هالفتره...

,,
المهم...
سسمعت البنآت يتكلمون عن بيت الصحه بالدوار الاول
قلت بروح اشوف.رحت بالليل... وكان مسسكر....
ولانشغالي ماقدرت اروح مره ثانيه... مادري اذا تقدرين تروحين تسالين وتشوفين وش نظآمهم..
..
إذا تبين اوصف مكانه..وانتي جايه من عالي تعرفين دوار سوق واقف....روحي يسآر..
وظل ماشيه سسسيده لين ماتشوفين فيلآ كبيره.. مكتوب عليها بيت الصحه بتشوفينها على اليمين بين باقي الفلل
..
واسمع يتكلمون عن نادي في دوار 11..لكن وين بالضبط مآدري
..
واتمنى الاقي نادي..
....
س الصالون الثاني 10 دينار في 5 ايام يعني لو بتحسبينها لشهر اقل شي 40 دينار :eek: وايد بصراحه
^^^
يمكن ام عبدالله تقصد 10 دينار بالشهر ..و5 ايام بالاسبوع تتدربون
..

*

**ام عبادي القمر**

عروس ماسية

27-09-2009 | 11:49 PM

حبوبة اتوقع اسعارهم 20 في الشهر لكن مو متاكدة
دموعة نبهتيني حق شي ممشى عالي صوبنا بروح امشي علي توني الحين متذكره
شكرا:D

بحرينية حلوة
تعرفين كم اشتراكهم في الشهر
لانة اني سمعت اشتراكهم سنوي
بس اذا تعرفين كم بالشهر يدفعون خبريني لانة قريب لنا واجد
بالسيارة اقل من 5 دقايق

ب

بحرينية_حلوة

عروس رائعة

28-09-2009 | 10:48 AM

لا والله كلش ما عندي فكرة عن أسعارهم ..

اتصلي فيهم و أخذي كل المعلومات اللي تبينها =)

.

.: Um Dana :.

عروس مشرقة

28-09-2009 | 12:14 PM

بحرينية_حلوة;10331233:

روحي الجيم مال نادي طيران الخليج .. الكل يمدحه و يمدح مدربتهم .. و خصوصا ان توهم يايبيين اجهزة يديدة .. انا لولا انه بعيد عني جان رحته .. وتوقيتهم ممتاز .. يفتح من 6 الصبح لي 10 الليل ، يعني اي حزة تقدرين تروحينه

اتصلي فيهم و اخذي كل المعلومات أحسن عن الأسعار و الصفوف اللي عندهم .. =)

و بالتوفيق

هلا اختي مشكورة حبيبتي عالرد والاهتمام :D

بعدين نفس ماقالت ام عبادي انا بعد اتوقع ان اشتراك سنوي على حد علمي وان يصير اشتراك عائلي يكون اخفض لج ... بس انا وزني مو زاد الزود يعني متينه بس من انخطبت زاد وزني واحس اذا خليت روحي على هالطريق بمتن اكثر واكثر وكلام الناس يعقد بصراحه :ss:

.

.: Um Dana :.

عروس مشرقة

28-09-2009 | 12:17 PM

دموع وردية;10331235:
حبوووبه الجو الحين بيتعدل

انصحكم تروحون الممشى بعالي وايد زين خخخخخخخ مع اني ما شفته ولا رحت

واذا ما عندكم هذاك الوزن الزايد انصحكم بالمشششششششي وبس

وبالتوووفيق

صح كلامج والله المشي هو افضل حل (y) بس انا شخصيا ساعات احس روحي استحي امشي بين ناس وايد وخطيبي مايشجعني اروح معاه ومستحيل اروح بروحي

بس كبدايه انا حابه على الاقل شهر اروح نادي بعدين اواصل يوميا حتى لو ساعه في اليوم امشي :cool:

مشكورة عمري هالاهتمام والرد :D

.

.: Um Dana :.

عروس مشرقة

28-09-2009 | 12:22 PM

Z I N A;10334375:
السسسلآم عليكم

هلا والله غلاي

..والله مثلي ااناا بعد بمدينة حمد وادور ناي رياضي هالفتره...

,,
المهم...
سسمعت البنآت يتكلمون عن بيت الصحه بالدوار الاول
قلت بروح اشوف.رحت بالليل... وكان مسسكر....
ولانشغالي ماقدرت اروح مره ثانيه... مادري اذا تقدرين تروحين تسالين وتشوفين وش نظآمهم..
..
إذا تبين اوصف مكانه..وانتي جايه من عالي تعرفين دوار سوق واقف....روحي يسآر..
وظل ماشيه سسسيده لين ماتشوفين فيلآ كبيره.. مكتوب عليها بيت الصحه بتشوفينها على اليمين بين باقي الفلل
..
واسمع يتكلمون عن نادي في دوار 11..لكن وين بالضبط مآدري
..
واتمنى الاقي نادي..
....
س الصالون الثاني 10 دينار في 5 ايام يعني لو بتحسبينها لشهر اقل شي 40 دينار :eek: وايد بصراحه
^^^
يمكن ام عبدالله تقصد 10 دينار بالشهر ..و5 ايام بالاسبوع تتدربون
..

والله قريب منا يعني اذا حصلنا جانس وسعره زين ... لان ابغيها تكون تجربه لي في النادي كبدايه اني اتبع نظام صحي :o

بحاول اذا هاليومين قدرت اروحه على العصر يكون افضل من الليل واذا حصلت اي معلومات بخبرج وبعدي بشوف الصالونات الي قالوها لي البنات واذا حددت وين بروح خلاص بعد بخبرج لان اختي بعد تدور معاي

حتى لو 10 دينار في الشهر مافي فايده بس 5 ايام في الاسبوع يعني اليوم دينارين :cool: اروح ممشى عالي كل يوم وببلاش احسن

ومشكورة حبيبتي عالمرور والرد وان شاء الله بخبرج اذا حصلت معلومات :wink:

.

.: Um Dana :.

عروس مشرقة

28-09-2009 | 12:23 PM

**ام عبادي القمر**;10335670:
حبوبة اتوقع اسعارهم 20 في الشهر لكن مو متاكدة
دموعة نبهتيني حق شي ممشى عالي صوبنا بروح امشي علي توني الحين متذكره
شكرا:D

بحرينية حلوة
تعرفين كم اشتراكهم في الشهر
لانة اني سمعت اشتراكهم سنوي
بس اذا تعرفين كم بالشهر يدفعون خبريني لانة قريب لنا واجد
بالسيارة اقل من 5 دقايق

اوكي حبيبتي مشكورة عالمساعده :D بحاول احصل ارقامهم وبتصل فيهم

ح

حـ العين ـور

عروس متألقة

28-09-2009 | 05:39 PM

صالون التراضي ٣ اشهر ب ٢٠
و٥ اشهر ب٣٠
ايروبكس ،اجهزه وطول الايام واي وقت تبين تروحين
ويصير في م عيسى

.

.: Um Dana :.

عروس مشرقة

28-09-2009 | 06:04 PM

ح العين ور;10341343:
صالون التراضي ٣ اشهر ب ٢٠
و٥ اشهر ب٣٠
ايروبكس ،اجهزه وطول الايام واي وقت تبين تروحين
ويصير في م عيسى

اووو اول مرة اسمع ان في بهالسعر ... صراحه وايد زين :D

ضروري اجيكه ومشكووورة حبيبتي عالمررور :o ... بس اذا مافي كلافه تدليني مكانه وين قريب من مكان معروف مثلا (i)

*

**ام عبادي القمر**

عروس ماسية

29-09-2009 | 05:36 PM

miss designer;10341451:
اووو اول مرة اسمع ان في بهالسعر ... صراحه وايد زين :D

ضروري اجيكه ومشكووورة حبيبتي عالمررور :o ... بس اذا مافي كلافه تدليني مكانه وين قريب من مكان معروف مثلا (i)

بصراحة ماانصح فية كلشي
من فترة اشتركت فية
صالة صغيرة
وماتاخذ عدد معين
يعني لازم يكون عدد معين الصبح وعدد معين العصر والمغرب مثل الشي
لكن هي اهم شي فية اشتراك واي وقت تبين تجين تروحين
وبعض الاحيان تصير الصالة غفصة عدل ولا تقدرين حتى تتحركين
اني تصايقت من الوضع وطلعت
تقدرني تروحين وتشوفين يمكن كبرت صالتها
لان هالكلام كان قبل تقريبا سنة

.

.: Um Dana :.

عروس مشرقة

29-09-2009 | 10:28 PM

**ام عبادي القمر**;10349575:
بصراحة ماانصح فية كلشي
من فترة اشتركت فية
صالة صغيرة
وماتاخذ عدد معين
يعني لازم يكون عدد معين الصبح وعدد معين العصر والمغرب مثل الشي
لكن هي اهم شي فية اشتراك واي وقت تبين تجين تروحين
وبعض الاحيان تصير الصالة غفصة عدل ولا تقدرين حتى تتحركين
اني تصايقت من الوضع وطلعت
تقدرني تروحين وتشوفين يمكن كبرت صالتها
لان هالكلام كان قبل تقريبا سنة

:rolleyes: اووو اشوه نبهتيني لهذي النقطه

انا اتصلت فيهم اليوم وقالوا لي 3 شهور ب 20 و 5 شهور ب 30

وعطوني الوقت الي اقدر اروح فيه عشان العب جيم وايروبكس

من 10 الى 11 \ ومن 4 الى 5 \ ومن 5 ونص الى 6 ونص \ ومن 7 الى 8

وقالت في مدربه بحرينية (x)

لكن اهم شي انا بروح لهم وبشوف المكان لان صج اذا كان ضيق والمكان مايستوعب العدد كأن مااستفدنا من شي :(

مشكورة حبيبتي عالتنبيه :o:15:(f)

*

**ام عبادي القمر**

عروس ماسية

30-09-2009 | 01:47 AM

العوفوا خيوووو
واهم شي روحي جيكي الوضع
ان شاء الله تكون كبرت الصالة
قالوا اليش وين ؟؟
لانها تصير صوب بيت ابوي
اذا بغيتين بدليش

ا

الورده الغاليه

عروس متألقة

30-09-2009 | 01:57 AM

ومافيه ولا وحده تعرف عن نادي في المحرق وتذكر اسعاره
اسفه اختي دخلت في موضوعج بس حبيت الفايده بعد هههه
دمتم بعافيه