يا بنات مصر ساعدوني

البرج اليسر;10318773:
عايزة اشتري غسالة اطباق بس مش عارفة انيوه نوع احسن وسعتها تبقي قد ايه فيريت الي عنده فكرة يساعدني وجزاكم الله خيرا

اسالي هنا البنات هيساعدوكي جدااااااااااااااااااااااااا

بصى يا جميل انا وماما بنستعمل غسالة فريش الصغيرة من زمان
معانا يعنى الموديل القديم وانا عندى الجديد وبجد والله ممتازة ما شاء الله ومش غالية زى باقى الانواع. سعرها حوالى 1000 جنيه .. والصيانة ممتازة ماتقلقيش.
الميزة اللى فيها عن باقى الانواع ان المطبقية بتاعتها بتتحرك وبتتشال فده بيديكى حرية اكبر فى كيفية رص الاطباق والكوبايات جواها وكمان بتبقى مناسبة لو عايزة تحطى اطباق كبيرة او حلل صغيرة..

وهى بتستهلك مسحوق وزيت ملمع بس.. الزيت الملمع ده بتحطيه كل فين وفين.. المسحوق هو اللى بيستعمل كل مرة بس. واحسن نوع مسحوق هو finish

ولو عندك استفسار تانى تحت امرك

[QUOTE=قصة كبيرة;10318848]بصى يا جميل انا وماما بنستعمل غسالة فريش الصغيرة من زمان
معانا يعنى الموديل القديم وانا عندى الجديد وبجد والله ممتازة ما شاء الله ومش غالية زى باقى الانواع. سعرها حوالى 1000 جنيه .. والصيانة ممتازة ماتقلقيش.
الميزة اللى فيها عن باقى الانواع ان المطبقية بتاعتها بتتحرك وبتتشال فده بيديكى حرية اكبر فى كيفية رص الاطباق والكوبايات جواها وكمان بتبقى مناسبة لو عايزة تحطى اطباق كبيرة او حلل صغيرة..

وهى بتستهلك مسحوق وزيت ملمع بس.. الزيت الملمع ده بتحطيه كل فين وفين.. المسحوق هو اللى بيستعمل كل مرة بس. واحسن نوع مسحوق هو finish

ولو عندك استفسار تانى تحت امرك[/QUOTE
التوصيلة مين بيعملها المحل الي بشتري منه

لما بتشترى الغسالة بتكلمى فريش نفسهم هم بيجوا يركبوها عشاان الضمان يبدأ

طيب في حد جرب انوع تانية

انا عندى وايت ويل بصراحه ممتازه ومريحانى جدا وبرده المطبقيه بتاعتها بتخرج وتدخل وممكن تخرجيها بره الغساله خالص لو عاوزه هى غاليه عن فريش وزانوسى بس هى كورى وضمان 7 سنوات

salad;10320908:
انا عندى وايت ويل بصراحه ممتازه ومريحانى جدا وبرده المطبقيه بتاعتها بتخرج وتدخل وممكن تخرجيها بره الغساله خالص لو عاوزه هى غاليه عن فريش وزانوسى بس هى كورى وضمان 7 سنوات

طيب هي بكام ولكام شخص اصلي مش عارفة اجيب الكبيرة الي علي الارض وله الصغيرة

بصى انزلى واتفرجى على الانواع وانتى هتلاقى نفسك مستريحة لنوع معين اكتر من التانى..

والصغيرة بصراحة كفاية..

انا جبت فى جهازى ينيفرسيل طبعا لسه ما استخدمتها جبتها على بدايه السنه كانت 1000 جنيه
متهائلى نفس حجم فريش او اكبر شويه
زميله ماما لما عرفت انى جبتها
قالت لى حلوه وسهله فى استخدمها
بتشيل متهئلى 24 طبق

بصى دى مميزاتها انا كنت شارياها ب 1850 بس ده من اكتر من سنتين هى حلوه قوى

نقدم لكى سيدتى غسالة اطباق وايت ويل صغير ة الحجم فهى:
1- تكفى لاحتيجات 6 افراد
2-تحتوى على عدد 2 سلة لحمل اكبر كمية من الاطباق والاكواب
3-باب منزلق يفتح على جزئين علوى وسفلى
4-يمكنك فك السلة العلوية لاتاحة غسيل احجام كبيرة من اوانى الطهى
5-امكانية تشغيل البرنامج حتى زمن يصل الى 19 ساعة شامل زمن البرنامج time delay
6-نظام تشغيل زكى (شاشة عرض ديجيتال لبيان الوقت والحرارةوالاعطال)
7- وظائف غسيل متعددة(6برامج)
8-تنظيف ذاتى مع وجود 3 فلاتر
9-نظام رشاشات تربو (اربعة رشاشات لدفع المياه فى جميع الاتجهات
10- نظام تجفيف وتعقيم التيربو حيث توجد مروحة لدفع الهواء وخلطه مع البخار كى يتخلل جميع الاطباق بدرجات حرارة حتى 80 درجة مئوية
11-سهولة التركيب والاستخدام
12-اقتصادية فى استهلاك الطاقة والمياه
13-امكانية غلق لوحة المفاتيح ضد عبث الاطفال
14-امكانية زيادة مرات الشطف وزيادة وقت التجفيف
15-فتحات تهوية اثناء التجفيف
امكانيه زياده مرات الغسيل --- خاصيه البرنامج القصير

لو هتجيبى وايت ويل اشتريها من مكان مضمون واتاكدى انها كورى موش مصرى يعنى من بى تك او صادكو

جزاك الله خيرا يا سلاد