خواتي ساعدوني ..لو تقدم لخطبتك شخص مدخن ؟؟توافقي عليه ؟؟

لا تخافي يا أختي .. اسألي الله العون و هو سيكون معك و لن يخذلك .. اعزمي أمرك و توكلي على الله إن الله يحب المتوكلين ..

و اجلسي مع أهلك و اشرحي لهم بكل هدوء أنك من سيعيش مع هذا الرجل و يخالطه .. و أنك لن تحتملي رائحة الدخان و لا قرفه .. ثم اسردي لهم مضار التدخين عليه و على صحته و ماله بطبيعة الحال .. لأنو الكثير من الأمراض ستصيبه و سيقضي نصف عمره عند الأطباء يتعالج و يدفع ثمن كشف و أشعة و دواء .. ثم ضرره عليك

و خذي هذه المعلومة الطبية ..

المدخن السلبي يستنشق 85 % من السيجارة في حين أن حضرة المدخن نفسه ما يستنشق غير 15 %

يعني مع كل 5 سيجارات سيدخنها بجوارك .. سيكون نصيبك أنت أكثر من 4

و شوفي هل في شي يستحق عشانه تضحي بصحتك كذا ؟!!

ياحبيبتى الرجالة اللى بيغيروا عيوبهم لأجل

زوجاتهم يتعدوا على الصوابع

ومعلهش سامحينى المدخن فى هذا الزمن من

وجهة نظرى سفيه لا يستحق أن يؤتمن على

مسئولية بيت واسرة وأولاد

لأنه ببساطة جدا مش قادر يقاوم شهوة واحدة

عارف كويس جدا مضارها الجسيمة على صحته

وياريت صحته لوحده لأ ده كل اللى حوله

يبقى إزاى يقدر يحافظ على زوجته أو أولاده

ومهما كانت صفاته الكويسة ده يعد من مرتكب

الكبائر

المصر على الصغائر كمرتكب الكبائر وده مش

كلامى إبحثى وتاكدى من الجملة دى وبعدين ده

لو هى مكروهه أو فيها شك لكن ده كل العلماء

اجمعوا على إنها حراااااااااااااااااااااااااام

إنتى بقى براحتك عايزة ترتبطى بواحد إنتى

ماتعرفيش إذا كان هيبطل ولا لأ

هتبقى زى اللى إشترى سمك وهو لسه فى

المية

حبيبتى فكرى كويس لو هو إنسان فيه خير كان

بطل السجائر لوحده أو على الاقل بيتعالج منها

حاليا لكن لو زيه زي كثير من المدخنين يقول

نفسى اسيبها بس مش عارف... إدعى لى ..

خلاص إدعى له وقولى له مع السلامة لما تبقى

تبطلها تبقى ترجع تانى

وبعدين يمكن رفضك له ورفض غيرك له يكون سبب

فى هدايته وتركه لتلك اللعينة

وعموما دى حريتك الشخصية

ولو شايفة إنه كويس اوى وما ينفعش تسيبيه

ممكن تفهميه إنك موافقة عليه لكن بشرط واحد

يتعالج من التدخين خلال الخطبة ولو ما تعالج منها

قبل زواجكما يبقى ليكى الحق فى فسخ الخطبة

وقتها مع إنى الحل ده أنا مش مقتنعة به لأن كتير

من البنات بعد الخطبة بتتعلق بخطيبها ومهما

شافت فيها من مصايب مش بس عيوب بتتغاضى

عنها وتعديها علشان بس حبته

بس انا بس محروقة ومفروسة من كل واحدة تبقى

شايفة عيوب فى الشخص اللى متقدم لها وعيوب

خطيرة ومع ذلك تتغاضى عنها بحجة إنه ممكن ربنا

يهديه ولو ربنا ماهداه تيجى تصرخى بعدين وتعانى

من المشكلات الكبيرة معاه اللى بتوصل للخيانة


يابنات إتعظن بقى وفوقوا

ليه مش عايزين تتعلموا الدرس غير لما تقعوا فى

نفس الغلطة وتبقوا إنتم نفسكم الدرس والعظة

الطلاق كثر أوى اليومين دول بسبب تهاون البنات

فى إختيار الزوج

حرام عليكم أنفسكم

عذاب ساعة ولا عذاب كل ساعة

فكروا بدون تهور

ربنا يصلح حالكم وحالنا

ويرزق جميع بنات المسلمين أزواجا صالحين

يصونوهم ويحفظوهم

ويسعدوهم

ياحبيبتى ليه ابوكى يجبرك عليه

ماهو لو هو اللى هيتجوزه ويعيش معاه نقول

ماشى

لكن الرسول قال الإرتياح شرط ليكى إنتى للموافقة

مش لأبوكى

وبعدين دخلى ناس كويسين من اهلك ابوكى

بيقدرهم ويسمع لهم وخليهم يقنعوا والدك برأيك

ومادام البنت رافضة وقوية وملتجأة بكنف ربها إن

شاء الله ربها هينصرها

وقولى له مهما عملت أنا رافضاه ومش موافقة عليه

وكانك بتجبرنى على الزنا حتى لو وافقت عليه

هأبقى موافقة عليه غصب والزواج ده باطل بحكم

رسولنا الكريم

وإنت اللى هتشيل الذنب


طبعا الكلام ده إوعى تقوليه له زى ماهو وإلا يقوم

يعطيكى علقة محترمة

وعموما ياقلبى إلجأى لربك وخليكى مواظبة على

صلاة الإستخارة ولو ربنا صلح الحال وابوكى وافقك

فى قرارك يبقى فعلا العريس ده مش مناسب لك

أما لو فضل مصر رغم كل محاولاتك لإثناءه عن رايه و

اصر على زواجك يبقى زواجك من الإنسان ده خير

وربك وحده اللى يعلم بالخير فين

وربنا يفك كربك وييسر لك امرك ويهدى لك أبوكى

وأهلك كلهم ويهديكى للصواب