لو سمحتوا امهات الاطفال اللي اكبر من عمر سنتين ابيكم بسؤال

الحمد لله ولدي انتظمت تقريبا نومته نادرا ما يقعد في الليل اذا كان عطشان بس

اشربه ماي و يرد ينام في سريره .. و وقت القعده على وقت النومة الليل يعني انا اتحكم فيها بس معدل النوم عنده حوالي 10 ساعات

عصفوري " سنتين ونصف " انتظم نومه من فترة طويلة بس من شهرين ثلاثة تقريباً صار لازم يصحى بالليل ويتم فترة على ما يرجع يكمل نومه ولازم معاي مو بس في السرير لا لازم راسه يكون على جزء مني ايدي بطني .. رجلي !!! اي شيء المهم شيء مني !!! وحتى إذا طولت عليه ساعة وبعدين رديته سريره يصحى على طول يصرخ وما يكمل إلا إذا رجعته عندي !!!

الله يعينج أم عمار على المسئولية والله ماتنلامين أنا ولدي كبير وبعدي أحس بالتعب بينه وبين أخته لابالك أنتي الأثنين صغار..

أنا ولدي من عمر السنتين الحمدلله أنتظم نومه وكان ينام بسريره طول الليل وإذا كان يبي ماء صوت في السماعة وأنا أروح له حجرته...بس الله يهداهه لما حملت وكبر بطني ياته الحالة وصار يصحى بنص الليل ويشرف ينام في وسطنا.. وللحين عندي هالمشكلة...

انا ما اقدر افيدج في هالشي لاني احس حالتي مستعصيه!!!
ولدي عمره 3 سنوات لكن للحين يقوم باللبل ..ساعات يصييح يباني او ساعات بس يقفز يصارخ..او ساعات يبي حليب...هيييه للاسف بعدني مب قادره اقطع المرضعه عنه..ادري الكل بيلومني لانه غلط بس للحين ما قدرت اقطع الحليب...وايد حاولت بس تعبت..وطبعا تقريبا كل ليله لازم ايي ينام بيننا...والليالي اللي ينام عدل فيها تعتبر معدوده...مادري كيف احل مشكلتي...:(

السلام عليكم
انا ولدي عمره 3 سنوات بس ما يرضى ينام في سريره الا اذا نام معاه ابوه ويرقد وقت رقدتنا لو للصبح قاعدين
وتوه البارحة قاعد نص الليل ويصيح بابا تعال ارقد معاي يعني ما افكر ارقده بروحه في حجرة امش بوزي
فالله يعينج ويعينا

بنتي نفس الحال تفز في الليل وتجي وياي على السرير ولازم علي يدي تنام

افففففف والله صعبة التربية

هههه طلعنا كلنا في الهوا سوا

بالاول كان ولدي طول الليل ينام بسريره لكن الحين لا بنص الليل يقعد وينام وسطنا
ويصارخ بعد لان طول النهار ضرب وصراخ وهواش وكلما قعدت اخته قعد وياها يعني سهر للاثنين

ههههه اي والله كلنا في الهوى سوى لازم نسوي رابطة لإيجاد الحلول لحد ما يتخلص أولادنا من هذي العادة المتعبة

على فكرة الساعة عندنا ألحين 2 الفجر واللي قعدني أن ولدي فز من وحدة وربع من نومه واكو جمبي مو راضي ينام قال يبي يجي هني " غرفة الكمبيوتر وألعابه " ويا الماما ما يبي ينام !!!

طلعت له مكعباته يلعب وهو شبه مغمض بس معند ورافض يروح غرفة النوم ينام وعشان ما يتنرفز أكثر استسلمت ليه عشان من نفسه يدوخ وينام فيرتاح في نومه وما يتم كل فترة ينط إذا نام غصب بصياحه لأن مجربة .. لا وشكله سخن بعد لأن قعد قبل 11 ونص قال يبي عصير وتم يصارخ وجبت له حار وقطاه وراح أخذ ليه باااااااارد من الثلاجة وفتحاه وشرباه غصب ورجع نام في المكيف البارد وألحين اكو شكله مسخن واجد والله المعين

لازم ندور لنا حلول ترى الحالة صارت صعبببببببة وشكل اغلبنا رد لمرحلة الاربعين !!!

أم عمار كيف حالج؟ و الله وحشتيني ووحشتني سوالفنا !


ماشاء الله الأرنوب وصل لعمر المفروض انتظم فيه نومه ،، عشان راحته و راحتش .

المهم .. ممكن تعود على شرب الببرونة بنص النومة و يصحى عشانها ؟

بالنسبة لي ،، ولدي صار ينام نومة متواصلة لما فطمته يعني سنة و نص .. و احيانا يصحى من حلم أو بردان و يصيح حتى ناخذه لسريرنا .. لكنه لما يرجع ينام ارجعه سريره و يواصل للصبح !

آنه بعد بنتي عمرهاا سنتين و8 أشهر ولين الحين ما تركت المرضعه !! ونومها متقططع جدااا
يعني أوقات تنام الساعه 1 ونص بالليل وتصحى الساعه 4 وترد تنام الساعه 12 الظهر وتقعد 5 العصر أو عقب شوي
واايد متعبتني بخربطتتهاا

مدمنة تليتبيز... ما تناام اللا قبال التلفزيون بعدين انقلها سريرها يعني مستحيل تنام في سريها من البداية

أوقات توها نايمة بس خمس دقايق .. وآنة أبدل حفاظها خلاص تطير نومتها لييين الصببح مع اني أبدلها واهي في مكانها

الله يعينا ويعينكم بالنسبه لبنتي عمرها ثلاث سنوات ونص وهي مني تنام لحالها بس انا ما اقدر

افرش لها عندي بالغرفه وتنام عندي احيانا تصحى تبي شي وترجع تنام بس اذا صحت وانا صاحيه ترفض تنام وتجلس معاي لحد ما انام واحيانا اذا صحت تجي تنام عندي واغلب شي اقوول لها نزلي نامي بفرشتك وتنزل تنام فيها ...

بس الحين افكر انوومها هي واخووها بغرفه لحالهم اذا قدر قلبي يتحمل ولا شكلي انا اللي بفرش عندهم وانام معاهم هههههههههههه الله يعيين بس

علاوي لازال ينام على يدي مادري بعدين شبسوي معاه

اغلبكم اطفالكم متحكمين فيكم !!!!!!!!!!!!!!!!
المفروض انتوا تمشونهم بالقرار الصائب مو هم يمشونكم؟؟؟
اللي يشوف اهله يستسلمون له بيفلها وبيعاند
لو اصريتوا على وقت معين للنوم وواصلتوا بيتعلم الطفل ضبط النفس
وانه ما عنده خيار اخر وبكدة تعلموهم الانضباط..
مثلا..عمتي تعيد وتزيد علي ان الطفل ياكل بمكان واحد وهو جالس
وما الاحق وراة..
لمن نفذت طلبها ودست على قلبي صارت بنتي تتعلم شي اساسي للاكل
وان اللي ما يجلس محروم من الوجبه وبكدة تعلمت شي مفيد..
وان اللي ما ينام من وقت يضل بغرفته ما يطلع منها واكون معاها
ممنوع تلفزيون او شي..
وتكون بسريرها تلعب بكدة ما عندها حل اخر انها تلعب للصبح
او اغير نظام نومها لشي غير مفيد..
لان نوم الصبح يجيب الكسل ونوم الليل يجيب العافيه..
وغيرها..ادري اني اكون غليظه شوي
لكن كدة التربيه بشدة ولين مو تدلل بكل شي..
اتمنى يكون ردي مو ثقيل عليكم لكن هذا اللي علمتني ياة الحياة..

انا اولادي الحمدلله مجرد ما افطمهم يصير نومهم متواصل خلاص ..

بس بولدي الكبير بعد ما فطمته صار كل يبي ينام معانا ع السرير رغم ان سريره ملاصق لسريرنا وانا كنت حامل وكنت احاتي بعد الولادة شلون بيكون الوضع لكن الحمدلله رب العالمين بعد ما ولدت وشاف ان في بيبي صغير معانا قام يواصل نومته كل في سريره الى يومنا هذا ..

وولدي الصغير نفس الشي بعد
عقب ما فطمته قام كل يجي ينام على سريرنا وسريره ملاصق لسريرنا من الجانب الثاني يعني مو بعيد عنا لكنه ما كان ينام الا على سريرنا ولين وديناه سريره يرد يوتعي ويجي يكمل نومته على سريرنا بس عاد بكل هدوء يعني ما نشوفه الا نايم معانا خخخخخخ
وتم على هالحال حوالي سنة ، ومن شهر وشوي قرر ابوهم ان ننقلهم لغرفتهم خلاص بما اني الحين حامل وبعدين بيجي بيبي 3 ويبي له مكان في الغرفة ههههههههههههه وتوقعنا الموضوع يكون جدا صعب لكن الحمدلله رب العالمين الصلاة ع النبي الله يسر الموضوع وبسرعه تقبلوا الموضوع وتعودوا على غرفتهم والحين ينامون في غرفتهم نوم متواصل الحمدلله ..
ومن فترة ولدي الكبير قال يبغي ينام في بيت اهلي وخليناه هناك ولما رجعنا البيت قلنا ما يصير الولد الصغير ينام بروحه في غرفتهم فخليناه ينام معانا ع السرير لكنه ما رضى ينام وتعبنا واحنا نحاول معاه ينام مو راضي وظل الى اذان الصبح يتقلب ويدخل ويطلع وبالاخير ما شفناه الا رايح غرفتهم ودخلها وهي ظلاااام وسحب مخدته ولحافه وجابهم غرفتنا وحطهم ع الارض وانبطح ونام :D عور قلبي مسكين الظاهر انه تعود ينام بروحه خلاص فقمنا وحطينا له مرقد ع الارض مع مخدته ولحافه وخليناه ينام عليهم وكمل نومته الى الظهر خخخخخ





قلت قصة حياة اولادي ههههههههههه
نسيت اقول بالنسبة للعمر انا ولدي الكبير فطمته وعمره سنتين وشهرين
وولدي الصغير كان عمره سنة و8 شهور
يعني في فرق بينهم في الفطام لكن النظرية وحدة وهي بمجرد ما افطمهم نومهم يصير متواصل حتى لو اصروا انهم ينامون معانا بالسرير :)

angel eyes;10318469:
انا ما اقدر افيدج في هالشي لاني احس حالتي مستعصيه!!!
ولدي عمره 3 سنوات لكن للحين يقوم باللبل ..ساعات يصييح يباني او ساعات بس يقفز يصارخ..او ساعات يبي حليب...هيييه للاسف بعدني مب قادره اقطع المرضعه عنه..ادري الكل بيلومني لانه غلط بس للحين ما قدرت اقطع الحليب...وايد حاولت بس تعبت..وطبعا تقريبا كل ليله لازم ايي ينام بيننا...والليالي اللي ينام عدل فيها تعتبر معدوده...مادري كيف احل مشكلتي...:(

\


لا تقطعي الحليب عنه ابدا أبدا

حتى لو ظل ياخذه بالمرضاعه شو يعني !!

بس لازم تقطعيه فقط بالليل يعني الله يعينك ادري مسؤوليتك بتكبر
حاولي حاولي على قد ما تقدري حليب في الليل مافي و شويه حزم مع حنيه ارجع لشربيتك و نام روحي معه لين يرجع ينام و ان شاء الله بيتعدل نومه قبل لا يجي اخوه او اخته

ريحانتي;10327663:
اغلبكم اطفالكم متحكمين فيكم !!!!!!!!!!!!!!!!
المفروض انتوا تمشونهم بالقرار الصائب مو هم يمشونكم؟؟؟
اللي يشوف اهله يستسلمون له بيفلها وبيعاند
لو اصريتوا على وقت معين للنوم وواصلتوا بيتعلم الطفل ضبط النفس
وانه ما عنده خيار اخر وبكدة تعلموهم الانضباط..
مثلا..عمتي تعيد وتزيد علي ان الطفل ياكل بمكان واحد وهو جالس
وما الاحق وراة..
لمن نفذت طلبها ودست على قلبي صارت بنتي تتعلم شي اساسي للاكل
وان اللي ما يجلس محروم من الوجبه وبكدة تعلمت شي مفيد..
وان اللي ما ينام من وقت يضل بغرفته ما يطلع منها واكون معاها
ممنوع تلفزيون او شي..
وتكون بسريرها تلعب بكدة ما عندها حل اخر انها تلعب للصبح
او اغير نظام نومها لشي غير مفيد..
لان نوم الصبح يجيب الكسل ونوم الليل يجيب العافيه..
وغيرها..ادري اني اكون غليظه شوي
لكن كدة التربيه بشدة ولين مو تدلل بكل شي..
اتمنى يكون ردي مو ثقيل عليكم لكن هذا اللي علمتني ياة الحياة..

كلامك صح و انا اتفق معك بكل كلمه

اني عبادي الحمد الله انتظمت نومتة بالنسبة لقبل
وهو يقعد في الليل بعض الاحيان يجي يبي ينام في وسطنا
وتعود فترة انه ينام في الليلة وسطنا يعني ماانيمة على فراشة
وتعود وصار من يشوف روحة نايمة على فراشة يقعد يصيح ويصارخ ليش نيمتوني في فراشي
عاد الحين تعودت انيمة اول في فراشة بعدين انام حتى لو اخذ مني وقت لانة اذا هو ويانا على السرير انام عنه وبروحه ينام
بس الي بغيت اقولة اعتقد عادي الطفل يقعد مرة مثلا في الليل
عادي تحصل ويانا نقعد ونرد انام

ان اوال انيمهم في غرفتهم وبعدين اذ رحت غرفتي ايجواني بعد 3او 4 ساعات يعني ماجلس من النوم الا وهم جنبي خخخخ