أ
أم أمونه الصغنونه
عروس جديدة
24-09-2009 | 04:21 PM
السلام عليكم شخباركم
بس حبيت اسالكم من طاف موعد ولادتها ولا ولدت ؟؟ اني اليوم ثالث من طاف موعديي يعني كملت الاسبوع 40 ولا ولدت مع اني امشي كل يوم بس ما جاني طلق واليوم رحت المستشفى لان هم قالو الي اذا ما ولدتين في نفس الموعد الي عطيناش اياه تعالي نسوي اليش تخطيط ورحت وقالو اليي اذا صار اليش 7 ايام وما ولدتين نسوي اليش طلق صناعي هل الطلق الصناعي خطير والا عادي مثل الطلق الطبيعي ومين جربه الي جربته تخبرنا شنو الي صار معها؟ وشنو الاشياء اللي تسهل وتسرع الولاده ؟؟ اني سمعت عن زيت الخروع اللي استخدمته تخبرنا شلون استخدمته واذا عندها صوره اليه وهل هو مثله الزيت الي يستخدم الى الشعر والا فيه نوع خاص الى الشرب؟ وهل زيت الخروع يجيب الطلق بسرعه يعني في نفس اليوم؟؟ :o ارجوكم ردو علي بسرعه
اكيد بجر
البجر دايما تتاخر لان عنق الرحم عندها يكون مو مرن بسبب الولادات المتعدده
سوي التمارين مالت تسهيل الولاده و ان شاء الله خلال اسبوع بتولدين
عادي حبيبتي يصير تتأخرين..
ولو ما جاج الطلق وحطوا لج طلق صناعي عادي، ما يخوف.. ولا فيه شي..
اشربي حليب بالزعفران او سوي لج دارسين..
ودايماً اكلي تمر كثر ما تقدرين والله يسهل لج ان شاء الله
أ
أم أمونه الصغنونه
عروس جديدة
24-09-2009 | 07:35 PM
مراوي لا حبيبتي مو بجر الثاني
شنو التمارين مال الولاده
بنت الاصايل يعني الطلق الصناعي مثل الطلق الطبيعي؟؟؟؟؟؟؟؟ بس اني سمعت انه يألم الظهر فهل هذا صحيح
انا الدكتوره بنفسها قايلتي ان الطلق الصناعي يعور اكثر من الطبيعي
عادي حبيبتي أنه في حملتي الثانيه تأخرت مثلج وقالت لي الدكتوره بعد اسبوع بنسوي لج طلق صناعي وخلاص اتفقنا على هل كلام وفي اليوم اللي حددته الدكتوره اتصلت الصبح في المستشفى علشان اشوف متى اروح لهم كان هل كلام الساعه 7 الصبح وقالت لي تعالي الساعه 3 العصر علشان ترقدين ونسوي لج طلق صناعي قفلت لها اوكي ورحت انام تخيلي توني باحط راسي الا احس بألام تروح وتيي قلت لا هذا امنان عادي خل انام لاني تعبانه ونمت للساعه 12 الظهر وبس ماقدرت اطول في النوم اكثر الالم ذبحني وقمت وكرمج الله توني باقوم من على السرير الا شي حار نزل عليي ورحت الحمام الا والله العظيم شي كان ينزل عليي كأنه فيضان ولونه اخضر هني زوجي خاف وقال لازم اوديج المستشفى ورحت على طول المستشفى تقريبا الساعه12 ونص الظهر وقالولي انتي فيج الطلق وشوفي الحمد لله ياني الطلق من الله وكان هذا الماي الاخضر اللي ينزل عليي لان المشيمه انفجرت في بطني
فعادي حبيبتي لاتخافين اذا تأخرتي والطلق الصناعي كلش عاااااااااااااااااااادي أنه جربته مرتي في بنتي البكر وبعدها لما طرحت توكلي الله على الله وربي يسهل عليج ويسقومج بالسلامه انتي والبيبي واي شي تبينه حبيبة قلبي خبريني ومايردج الا لسانج
ان شاء الله ولدتي اليووم والله سهل علييييج
انا ماعرف شي عن الصناعي بس شربي حليب وسمسم وان شاء الله تتسهل امورج:wink:
°
°• أم السآإدة •°
عروس ماسية
25-09-2009 | 09:53 AM
الله يسهل علييج الولادة
وماتحتاجين للطلق الصناعي
:)
أ
أم أمونه الصغنونه
عروس جديدة
25-09-2009 | 03:34 PM
دلوووعته خوفتيني :o
أم نبراسي صدق جربتينه يعني عقب الولاده ما حسيتين بآلام في الظهر يعني حتى من بعد الاربعين وهو مثل الطلق الطبيعي والا يألم اكثر من الطبيعي
بحرينيه عز و °• أم السآإدة •° ان شاء الله اولد طبيعي ولا احتاج الى الصناعي دعواتكم حبايبي
أ
أمـيــرة بصمتـــي
عروس مبدعة
25-09-2009 | 04:17 PM
أختي الله يسهل عليج إن شاء الله ..
وإن شاء الله ماتحتاجي إلى طلق صناعي ولا شي .. زوجة أخوي توها والدة وكانت متأخر أزيد من عشرة أيام عن موعد ولادتها .. وناس وايد جذي ..
بس لو حطوا لج طلق صناعي عادي بس هو أحر من الطبيعي يقولون .. لأني جربته حااار بس أهم شي تولدين طبيعي ..
والله يقومك يا رب بالسلامة .. وطمنينا عليج .:wink:
السلام عليكم ورحمة الله
الله يساعدج أختي لني مريت بهالتجربة مع ولدي تأخرت 11 يوم وكان في شهر رمضان وتعب الصيام وكنت بدوام في وظيفة جديدة وتخيلي الضغط من كل صوب وإذا تأخرت وايد بتروح علي الشغلة
المهم كانت نفسيتي دمار وليلياً أروح أمشي وتطلع روحي من المشي وما أولد وما ظل شي ما شربته بس ما صار شي وليلياً أروح للتخطيط و عطتني الممرضة موعد للطلق الصناعي بس خفت وعيزت بشوف الدكتورة علشان تشرح لي ما خلوني لأني مو على مركزي ، وناس تقول لي سوي وناس تقول ما عليج منهم يقصون عليج وأنا بين نارين وخايفه الوظيفة تطير
المهم توكلت على الله وقلت بروح ويوم الي كان مواعديني بالطلق الصناعي قعدت الساعة 7 الصبح على آلام مثل الدورة تقريباً طبعاً أنا آلام دورتي قوية جداً وبعد شوي حسيت شي نزل مني بقوة بس مو غزير رحت الحمام وشفت مثل الإفرازات لونها وردي وقلت لأمي لأني قضيت شهر رمضان كله عند بيت ابوي قالت خلاص هاذي ولادة وتميت للساعة ثنتين بعدين لما قام يزيد الألم خفت وقلت بروح المستشفى ورحت وعلى 12 ولدت ليلة عيد الفطر وكانت الأجواء روعة في العيد
سامحيني طولت عليج بس حسيت بمعاناتج وحبيت أخفف عليج و أنا عن نفسي أنصحج إنج تداومين على التخطيط و إذا كل شي أوكي انتظري الولادة الطبيعية أحسن
وأختي تخربطت هرموناتها فوق تحت بسبب الطلق الصناعي وظل الدم ينزل عليها يمكن سنة أو أكثر بعد الولادة بس الصراحة أختي الثانية ما صار لها هالشي بس الاحتياط واجب و انتظري أمر الله أحسن والله يسهل عليج
صحي نسيت أقول لكم إن الوظيفة طارت لأن الدوام صار يوم 11 من ولادتي فما حبيت أداوم بهالحالة و للحين ما اشتغلت ههههههه
,,اختي انا باقي عن موعدي 3 أيام بس,, وشكلي مطولة بعد
وماجربت ولا شي من الاشياء اللي تسهل الولادة
حتى المشي مامشيت ولا مرة
اليوم قلت لااااازم اروح امشي ,, وقعدت ارتب في اغراضي واجهز اللي باقي علي من العصر لليل.. وتعبت وظهري ألمني ومااقر امشي زين,, بعدين هونت ولا رحت امشي
لأني لو طلعت جان يمكن اطيح.. وجيت البيت اريح وباجر ان شاء الله اذا الله اراد بروح اتمشى..
وسمعت عن الزعفران والماي ورد,, بس الكل حذرني منه لأنه يضعف نبض البيبي
والدارسين بعد حذروني منه
الاناناس ماادري وش فايدته,, هل هو يزيد الطلق او لا,, بس اشوف الكل ينصح فيه
بس اكثر شي مدحوه لي الحليب والسمسم..
والله يسهل عليك وتولدين بدون طلق صناعي,,
ودعواتكم لي بالولادة السهلة والسريعة
أ
أم أمونه الصغنونه
عروس جديدة
26-09-2009 | 12:39 PM
مخرخشة،، الطلق الصناعي احر من الطبيعي يعني يالم اكثر يااا ويلي بعد اكثر من الطبيعي :(
مسز عادل،، ياااربي انتي بعد صادش مثل معاناتي بس يلا ربي سهل عليش وفتكيتين وولدتي بالسلامه،، وان شاء الله اني بعد يصير الي مثلش يوم الي قالو بيخلون علي الطلق الصناعي يجيني الطلق ولا احتاج صناعي
يعني لو تاخرت اكثر من عشرة ايام عادي ما يضر البيبي بس اهم شي طبعا اني اداوم على التخطيط
دمعة،، الى الحين ما مشيتي؟! اني ببنتي الاولى مشيت من بداية الشهر التاسع والله سهل علي ولادتي وهالمره قلت ما بمشي من وقت شان ما ابي اولد في شهر رمضان وما مشيت الا نهاية رمضان يعني قبل نهاية رمضان بسته والا سبعة ايام بس حاليا على طول كل يوم امشي
والله يسهل علينا وعلى جميع الحوامل يااااااااااارب
أنا في بنتي طاف على موعدي 6 أيام زياده وولدي تعديت موعدي 8 أيام زياده على التاسع
في بنتي قالت الدكتوره إذا تعديتي إسبوع تعالي وبنولدك وسبحان الله في سادس يوم جتني ولاده
أما ولدي طوفت 8 أيام وكانت الدكتوره خايفه على الجنين ورحت لللمستشفى بدون ولاده وحطت لي تحميلة الطلق وقالت إذا ما فتح الرحم أكثر أعطيك طلق صناعي وربي يسرها وجبت ولدي
أهم شي نفسيتك والطلق هو هو صناعي ولا طبيعي نفس بعض ولا توترين نفسك وتوكلي على الله وربي يسرلك وتفرحين بالبيبي حبيبتي
نصيحتي امشي وشربي كف مريم وتمر وزعفران
والتاخير ناس وايد يتاخرون وايد في مواعيدهم
الله يقومك بالسلامه استفدت من موضوعك
انا عندي المويه ناقصه شوي ولو نقصت اكثر بيعطوني طلق صناعي بس ان شاء الله ما احتاجه وربي يفرجها من عنده
,,اليوم اكلت اناناس طازج بس جاني ألم في بطني
لكن ماحسيت بطلق ولا شي
تأخرت على موعدي 3 أيام وحولوني المركز الصحي على مستشفى الولادة للمتابعة ولعمل تخطيط للبيبي
قالوا لي يوميا تعالي.. وان شاء الله مااحتاج للطلق الصناعي.. واولد ولادة طبيعية
أ
أم أمونه الصغنونه
عروس جديدة
29-09-2009 | 01:26 AM
اني الحين صار اليي 8 ايام من اتاخرت عن موعدي وقالت الي ان بكره اروح يسوون الي تخطيط وتلفزيون و طلق صناعي :o وقلت بتوكل على الله وبروح بس لا تنسونا من دعواااتكم