وين احط اولادي - منتديات عروس

أ

أحلامي مالها حدود

عروس مشاركة

24-09-2009 | 11:06 AM

السلام عليكم وعيدكم مبارك
ياجماعة تكفين دلوني على حل
أنا بجد موبعارفة ايش اعمل....
انا موظفة جديدة ودوامي يبدا السبت باذن الله وماعندي احد اخلي اولادي عنده (كلهم صغار) والمشكلة على حظي انه انتشر هالمرض (انفلونزا الخنازير) واتأجلت الدراسة لرياض الأطفال حتى 28 /10 وانا كنت مخططة أسجل اولادي في الروضة ... اللحين وايش السواة؟ مقدر اخليهم في البيت لوحدهم مع الشغالة اخاف عليهم , واهل زوجي الله يسامحهم بس , الباب قدام الباب لكن رافضين تماما يمسكونهم لأنهم يسببون لهم ازعاج وامي في ديرة ثانية , بالله اللي في مثل حالتي تقولي ايش تعمل .... تكفون يابنات والله النوم موبراضي يجيني خايفة على الاولاد , والله احيان اتندم اني قدمت على الوظيفة بس بعدين اقول يابنت احمدي ربك غيرك يتمنى الوظيفة ....
شوروا علي ولا تطنشوني ترى انا عارفتكم فزيعات.....

m

miss moooood

عروس متألقة

24-09-2009 | 11:18 AM

حبيبتي اولا الف مبروووووووك الوظيفةثانيا: حاسة فيك لاني اعيش هالوضع بس اهلي موجودين ربي يحفظهم لكن مااحب اولادي يتنقلون الصباح وزوجي مايرضى لهم التنقل الصباح!!الحل غلاتي انك تغيرين موعد نومهم يعني ينامون متاخر ويصحون على وصولك للبيت!! وخلي علاقتك مع الشغالة تمااااااااام( نتودد لهم عشان اولادنا) واقفلي الباب عليها وحصينهم وروحي!!وشئ بعد انا مسويته جايبة تلفون استقبااااال بس عشان اتصل وترد علي الشغالة تطمني عليهم كل ماوديوضبطي علاقتك بالمديرة وهالفترة دوامنا اي كلاااام يني خبريها بظروفك عشان تخرجين بدريموفقة غلاي وربي يعيطيك من خيرهاام عبودي</p>

م

ماجنوليا

عروس مشرقة

24-09-2009 | 11:21 AM

ياعمري حاسه فيك والله اذا ماتقدري تاخذي اجازه اوتغيبي خليهم عند الشغاله وخلي اهل زوجك يطلون عليهم كل وقت رب العلمين يفرج عليك

ر

روحي ابوي

عروس مشرقة

24-09-2009 | 11:27 AM

انا من رايي تخلينهم عند الشغاله وتستودعين الله فيهم وربي ماراح يضيع وداعته وكلمي الشغاله بين فتره وفتره عشان تتطمنين وضبطي وضعك اليوم مع الشغاله جيبي لها هديه والا خليها تكلم اهلها عشان هي بعد تهتم موفقه وعسى الله يطمن بالك يالغاليه

أ

أحلامي مالها حدود

عروس مشاركة

24-09-2009 | 11:37 AM

والله اموت رعب لمن افكر اخليهم عند الشغالة , اولادي مساكين صغار وانا هاذي الشغالة مالها غير شهر ونص عندي فما اعرف كيف هي والا كيف تسوي معاهم , لأني انا اللي متكفلة بأولادي وهي مالها خص فيهم في كل شي حتى في لعبهم وقد ماحاولت اقربها منهم مارضوا يبغوني بس انا , طيب ماتتوقعوا تفتح الروضات معقولة مايكونون عاملين حساب للموظفات اللي ماعندهم احد يخلون اولادهم عندهم؟
يارب تفرجها علي وتدبرني في اولادي بأحسن وأمن مكان لهم

ل

لا لة دوجا

عروس متألقة

24-09-2009 | 12:26 PM

انا رايي من راي الاخت ماجنوليا.....خليهم عند الخدامة ومرة مرة يطلو عليهم اهل راجلك....والله يحفظهم ويرعاهم

أ

أم سلمى2007

مشرفة سابقة

24-09-2009 | 12:48 PM

مش عارفة أقولك إيه
بس مارضيت أدخل واخرج من غير ما أرد عليكى
وأدعيلك إن ربنا يجعل لك من ضيق مخرجا ومن كل كرب فرجا

أ

أحلامي مالها حدود

عروس مشاركة

24-09-2009 | 01:03 PM

صعبة أهل زوجي يطلوا عليهم لأنهم يكونوا في الصباح نايمين , اذا هم رافضين اجيبهم عندهم بالله راح يرضوا يطلوا عليهم في شقة ثانية ....
شكرا على اقتراحاتكم

u

umjana79

عروس ركن قضايا و حلول

24-09-2009 | 03:06 PM

عزيزتي وزوجك وينه من الموضوع كله .. ويا عزيزتي يوم كنتي تدرين انج بتتوظفين ليش مارحتي تدورين على احد من النسوان الي يرضون يمسكون ا لاطفال .. في كثير نساء .. يتقدمون ..بخدماتهم بإنهم يمسكون الاولاد وجيرانك ..ماتقدرين تأمنينهم على الاولاد .. او تخلينهم يشوفون الاولاد.. وبعدين ما عتقد اولادك بيقعدون من الصبح .. يعني قومي من وقت وجهزي لبسهم وفطورهم مع الخدامه وعلميها ايش تسوي..

وخصوصا الحين خميس وجمعه..وخبريها .. كيف تبدل اليهال ولا تخلينها تسبحهم الا لمن تجين من العمل.. ماتدرين شنو يصير يكفي انها بس .. تبدلهم وتنظفهم وتغسلهم..

واحرصي انك تتابعينها بالتليفون .. وركبي كاميرا مراقبه بالبيت يا اختي .. ضروري .. ضروري..

والله يكفيك شرها اللهم امين

ام جنى

ر

روبا

عروس ذهبية

24-09-2009 | 03:17 PM

اولادك اهم من وظيففتك وترى اهل زوجك او حتى اهلك جزاهم الله خير ربوكم و كبروكم بعد تبونهم يربون عيالكم؟؟

S

Soft Touch female

عروس ماسية

24-09-2009 | 05:50 PM

ادا خاادمتك زيينة وتحبهم خليييها عندهم عااادي والله في خدم يحبون اليهال وخافون عليييهم

أ

أميرة بإمارتي

عروس مشاركة

24-09-2009 | 05:56 PM

الله يفرجها عليك يارب

ا

العتب

مشرفة سابقة

24-09-2009 | 07:25 PM

الغالية الله يعينك بس أهل زوجك ما تقدرين تجبرينهم ... او حتى تلومينهم بصراحة الواحد ياله ياله يتحمل يربي عيالة ...

الغالية ما في حل ثاني وحتى لو في حضانات بتفتح للموظفات بصراحة الحضانة بيئة نشطة لنقل الأمراض وخاااااصة المرض اللي الحين منتشر انفلونزا الخنازير ...

وأصلا انتي ما عندج حل ثاني ...انا لو منج بخليهم عند الخدامة وفي يا الغالية كاميرات تروج في شركات الإتصالات حتى عندكم بالسعودية اكيد واصلة كاميرا تعلقيها بركن البيت وتواصلي بالصوت والصورة ببيتج وعيالج وتحركيها يمين ويسار والحلو ان الخادمة بتعرف انها مراقبة حتى بالبيت ... يعني كأنج موجودة ... بتقدرين توجهينها ...

وترى الخدم صح تطلع منهم مشاكل بس وكلي الله ... او اتركي الوظيفة هو حل من الاثنين يا تتوكلي على الله وتخليهم عند الخادمة أو تتركي الوظيفة ...

العتب

f

fate88

عروس برونزية

24-09-2009 | 09:47 PM

العتب;10312863:
الغالية الله يعينك بس أهل زوجك ما تقدرين تجبرينهم ... او حتى تلومينهم بصراحة الواحد ياله ياله يتحمل يربي عيالة ...

الغالية ما في حل ثاني وحتى لو في حضانات بتفتح للموظفات بصراحة الحضانة بيئة نشطة لنقل الأمراض وخاااااصة المرض اللي الحين منتشر انفلونزا الخنازير ...

وأصلا انتي ما عندج حل ثاني ...انا لو منج بخليهم عند الخدامة وفي يا الغالية كاميرات تروج في شركات الإتصالات حتى عندكم بالسعودية اكيد واصلة كاميرا تعلقيها بركن البيت وتواصلي بالصوت والصورة ببيتج وعيالج وتحركيها يمين ويسار والحلو ان الخادمة بتعرف انها مراقبة حتى بالبيت ... يعني كأنج موجودة ... بتقدرين توجهينها ...

وترى الخدم صح تطلع منهم مشاكل بس وكلي الله ... او اتركي الوظيفة هو حل من الاثنين يا تتوكلي على الله وتخليهم عند الخادمة أو تتركي الوظيفة ...

العتب

كلامها 100% كفت ووفت

ح

حور الروح

عروس مشرقة

25-09-2009 | 02:07 PM

اولادك اهم من وظيففتك وترى اهل زوجك او حتى اهلك جزاهم الله خير ربوكم و كبروكم بعد تبونهم يربون عيالكم؟؟

صحيح الاطفال اهم بس عزيزتي انتي ما تعرفين ظروف الاخت يعني اكيد عندها اسبابها وظروفها اللي خلتها تشتغل لازم نقدر هالشئ قبل ما نقول اي كلام .

اختي الاحسن تخلين الاطفال عند الشغالة ومثلما قالت احد الاخوات غيري مواعيد نومهم يعني خليهم يسهرون وينامون متأخر عشان لما يقومون تكوني عاد قريب توصلين للبيت وبنفس الوقت ما يزعجون الشغالة.

لا تخافين وتوكلي على الله . اكبر اولادك كم عمره؟ اذا فوق 5 سنوات ممكن تجيبي موبايل وتخليه عنده وتحفظي رقمج ورقم زوجك فيه عشان تتصلي فيه اي وقت وهو بعد يتصل فيج لما يكون في شئ وبالتالي يكون بينكم تواصل مستمر .

وايد حريم اعرفهم حاطين عيالهم مع الشغلات والحمد لله كل شي تمام والسالفة كلها شهر واحد ويروحون الروضة .

M

Maio0ona

عروس جديدة

25-09-2009 | 11:24 PM

ما شا الله عليج حبيت حرصج على عيالج

ترا الحظانه مب احسن من الخدامه انتي المسؤوله عنهم

لو صار شي فيهم ما بتلومين غير نفسج اهتمي فيهم لين يكبروون عيالج اهم من الدوام

راجعي نفسج لو واحد بالميه تقدرين تتخلين عن الدوام تركيه خلي عيالج يكبرون شوي بعدين داومي هاي امانه

هاي خدامه اجنبيه ما تعرفلهم

ع

عروس ديرتي

عروس رائعة

25-09-2009 | 11:40 PM

الله يعينج بصراحه اذا الحاله الماديه زيينه افضل ما تداومين بس اذا محتاجه للوظيفه مالج الا الخدامه ومثل ماقالوا البنات حطي كاميرا وانتي في الشغل تراقبينهم والاول يقولون اغز من الولد ولد الولد لكن الحين الاحظ معظم الاهل ما يبون يمسكون الاطفال يعني بالعربيه محد لاحد

ا

البحور

عروس نشيطة

26-09-2009 | 01:40 AM

شوفي حبيبتي استودعيهم الله وخليهم عند الشغالة ولاتخافي عليهم لانهم في حفظ الله

ب

بنت الديمن

عروس مشاركة

26-09-2009 | 02:51 AM

انا اقول حطيهم عند الجران مع الخدامه وعطيهم فلوس مارح يرفضون بس يكونون تحت عيونهم

ر

روووووح قطر

عروس متألقة

28-09-2009 | 07:28 AM

والله نفس حالتي
الحين مقدمة ع وظايف واقوول لو ردو علي مستحيل اتوظف
لاني ولدي صغير ماقدر اهمله عند الخدامه وهلي بعيد واهل ابوووه محد موجود اخلي الولد عندهم
بس ركبي كاميرات بالبيت وقولي للشغالة الكاميرات تصور كل شي عشان تخاف قبل لا تسوي شي
مع ان لو انا ماقدر اسويها مااامن ابد