صرت انحرج من هالاسئلة !

و

وهج الحب

عروس مبدعة

23-09-2009 | 11:10 AM

السلام عليكم

اتمنى كل موظفة ترد علي بامانة

صرت كل ماروح تجمع حريم يسالونى ليش ماتدوامين ؟وكانه الدوام شي مهم وانا انحرج
وغير كذا يسالونى عيل شو جالسه اتسوين في البيت ولدج عمره 2سنة ليش ماحملتى لين الحين ؟(طبعا انا اشوف ولدى بعده صغير )

ماعرف شو ارد عليهم وهل عندكم حل؟
انا ساكنه في بيت اهل زوجي وناويه مااحمل لين 3سنيين تقريبا يعني زوجي يبنى البيت ويخلصه ..

على فكرة انا متزوجة من 3 سنين وريلي عليه ديون حاليا اكثر من اول عشان خسر في مشروع واريد اداوم اكيد وضعنا بيتحسن بس هو رااااافض هالشي ....

يقولي اللى تداوم مقصرة في بيتها نص اليوم محد في اليبت وهم اصلا مش مرتاحات بس مايقولوا هالشي وقاعدين يشحونج ويتمنون لو انه ماداوموا لانه اكيد خاطرهم ازواجهم اللى يصرفوا عليهم وهم يكونوا مرتاحين ...بس انا لما كبر ولدى الحين شويه افكر ليش مااشتغل بس كل مافتحت معاه موضوع الداوم اتنررررفز واتحول شي ثاني ليش ماادري ...
وكله يقولي ماراح تلحقين على البيت
اهل فعلا الموظفة اصصلا مش مرتاحه ؟؟
هل مقصرة في بيتها وعيالها ؟؟
هل لو ريلج قالج بيعطيج كثر اللى تستلميه من الدوام وانتى بالبيت بس اتركي الدوام هل بتتركيه؟؟
هل فعلا اللى تعمل فرق كبير بين الاول والثاني تكون ولادتها بالثانى صعبه ؟؟وحتى حملها ؟؟

انا عمري 25 سنة والكل يقولي انتى كبيره شو اتسوين في البيت ييبي الثاني (على فكره عمتى دايما تاخذ ابني وتتتحكم في البيت كله ومب قادره اعلم ولدى على اي شي بسببها )وهي اول وحدة تحرجنى واتقولي ييبي ياهل :(
بنات ماقمت اطلع برع واشوف ناس كل حد يقولي ماداومتى ولا ماحلمتى وانا انحرج واتحسس من موضوع الداوم

اللى تجاويني يارب الله يعطيها اللى في بالها اميين بس ريحونى ريح الله بالكم

!

!غناتي!

عروس مبدعة

23-09-2009 | 11:42 AM

أختي ماأشوف حساسيتك لها أي داعي
هذا أنا على كثر مايسألوني أقول لهم مرتاحه:) كذا
مع العلم لو رديت الدوام بيقولون تعب وليش ماترتاحين بالبيت أفضل لك يعني بيتكلمون بيتكلمون
أما بالنسبة لمسألة الحمل والله كنت ماأعطيهم وجه لأن بجد من بعد ولادتي بشهرين مو حامل ؟عندك نية تحملين؟ :mad:
وش خصهم ماادري :ss:
أما اسألتك عن الدوام والبيت أنا حسيت اني ماقدرت أوفق بينهم
مع العلم عندي خدامة بس ماارتحت اخلي كل شي عليها
صرت اجي من الدوام أنام ولاصرت اجلس مع بنتي عمرها سنتين ونصف حسيت نفسي مشتته وقررت أجل الفكرة لحين
واللحين حامل بالثاني
ولو قال زوجي بيعطيني نفس الراتب واتم على طول بالبيت كان وافقته على طول:D
امممممم عمرك 25مو كبيرة وبالنسبة لتدخل عمتك بتربية ابنك هنا المشكلة الله يعينك اللين تستقرين في بيتك الخاص بإذن الله
أختي حياتك الخاصة من حقك أنتِ مادمتي مرتاحه من غير دوام المفروض ماتحرجك أسألتهم وحملك بعد ولو جاوبتيهم بطريقة رسمية وجافةصدقيني مابيتجرأون ويسألون مرة ثانية

ع

عاشقة عيوني

عروس مبدعة

23-09-2009 | 12:23 PM

انتي اكيد حساسة كتير

في موظفات ناجحين ببيوتهم لكن صدقيني هذا صعب وفيه تعب كتير

بما انه زوجك مو حاب تشتغلي اذن لا تشتغلي ولا تفكري بكلام الحريم انتي لك شخصيتك ولازم تكوني واثقة من نفسك.. مو موجة تاخذك وموجة تجيبك.. ردي على كلام الحريم بابتسامة و"ان شاء الله خير" او قولي لهم ما احتاج اداوم زوجي قالي خليكي في البيت يا اميرتي ههههههه خلي النار تشتعل فيهم

ولا تحكي لهم قصة حياتك

الله يوفقك

و

وهج الحب

عروس مبدعة

23-09-2009 | 12:25 PM

سلطانةالقلوب;10305483:
أختي ماأشوف حساسيتك لها أي داعي

هذا أنا على كثر مايسألوني أقول لهم مرتاحه:) كذا
مع العلم لو رديت الدوام بيقولون تعب وليش ماترتاحين بالبيت أفضل لك يعني بيتكلمون بيتكلمون
أما بالنسبة لمسألة الحمل والله كنت ماأعطيهم وجه لأن بجد من بعد ولادتي بشهرين مو حامل ؟عندك نية تحملين؟ :mad:
وش خصهم ماادري :ss:
أما اسألتك عن الدوام والبيت أنا حسيت اني ماقدرت أوفق بينهم
مع العلم عندي خدامة بس ماارتحت اخلي كل شي عليها
صرت اجي من الدوام أنام ولاصرت اجلس مع بنتي عمرها سنتين ونصف حسيت نفسي مشتته وقررت أجل الفكرة لحين
واللحين حامل بالثاني
ولو قال زوجي بيعطيني نفس الراتب واتم على طول بالبيت كان وافقته على طول:D
امممممم عمرك 25مو كبيرة وبالنسبة لتدخل عمتك بتربية ابنك هنا المشكلة الله يعينك اللين تستقرين في بيتك الخاص بإذن الله

أختي حياتك الخاصة من حقك أنتِ مادمتي مرتاحه من غير دوام المفروض ماتحرجك أسألتهم وحملك بعد ولو جاوبتيهم بطريقة رسمية وجافةصدقيني مابيتجرأون ويسألون مرة ثانية

بس والله الناس بتحرضنى بدون ماتحس حتى امى واتقولي ليش درستى 5 سنين والحين في البيت !!!!!!!!
وغير جذا انا ابى اداوم لانه ماعندى بيت حاليا فاحس مالى لزمة اكون في البيت اللهم انا ساكنه في ملحق .......
وغير جذا لما نكون متجمعات الحريم واقولهم انتوا تشتغلوا بس مقصرااااااااااات في البيت ينكرون هالشي ويسووون اعمارهم هم اللى يداومون ويتعبون اما اللى مش موظفة ماتشتغل ابدااااااااا :(
بالكس اللى يالسه في البيت تعبانه اكثر

و

وهج الحب

عروس مبدعة

23-09-2009 | 12:27 PM

عاشقة عيوني;10305628:
انتي اكيد حساسة كتير

في موظفات ناجحين ببيوتهم لكن صدقيني هذا صعب وفيه تعب كتير

بما انه زوجك مو حاب تشتغلي اذن لا تشتغلي ولا تفكري بكلام الحريم انتي لك شخصيتك ولازم تكوني واثقة من نفسك.. مو موجة تاخذك وموجة تجيبك.. ردي على كلام الحريم بابتسامة و"ان شاء الله خير" او قولي لهم ما احتاج اداوم زوجي قالي خليكي في البيت يا اميرتي ههههههه خلي النار تشتعل فيهم

ولا تحكي لهم قصة حياتك

الله يوفقك

مع انه اختى مااقعتدفي موظفة وناحجه هي بالاخير انسسسسسسسسسسسانه الا ماتتعتب وتنام ونص وقتها برع في الدوام واكيد ماراح تعطي مثل اللى تدومها في البيت وبدون خدامه بس والله مادري ليش كل ماشفونى قالوا ليش ماداومتى لين الحين

ع

عاشقة عيوني

عروس مبدعة

23-09-2009 | 12:30 PM

يا بنتي

وحتى لو قالولك ليش مادومتي لين الحين..؟

ايش يعني اذا قالوها؟ اتركيهم يقولو انتي مالك فيهم

D

DoOoLi

عروس متألقة

23-09-2009 | 12:49 PM

الصراحة انا متزوجة وموظفة

اسمعي كلام زوجك ولا تهتمي للناس

خليكي في بيتك بدل البهدلة والشغل كل يوم

انا نفسي اقعد في البيت ..

بس أوضاعنا ماتسمح اني اقعد وغير هيك لسا ماحملت ...

q

qater el nada

عروس مشرقة

23-09-2009 | 02:32 PM

انا من رايي اختي انك ما تعطي و ي له الناس اللي ما عندهم شغلة الا انهم يتدخلون في حياة الاخرين و قوليلهم انو انت و زوجك مرتاحين و انك القعدة بالبيت كمان متعبة و انا ما درست حتى اشتغل بل حتى يستفيدو اولادي من علمي و بخصوص مسالة الحمل قوليلهم انو ودك انت و زوجك تربون ابنكم الله يخليهولك على احسن ما يكون و هو مازال صغيرون يعني لو انت اشتغلت حيشنطط معاكي اختي الله يوفقك

س

سنفونية حب

عروس برونزية

23-09-2009 | 03:18 PM

شوفي حبيبتي الشي راجع لك انتي .. و ترى مهما سويتي الناس ما يعجبها العجب ولا يسكتهم شي .. ترى لي داومتي بعد بيسألونج أسئله ثانيه و اذا حملتي بالثاني بعد بيقولون لج ما تجيبين اهم اخ ثالثا او اخت و اذا حملتي بسرعه بيقولون شفيها متخرعه ومزهوقه على الحمل و اذا ما حملتي بيقبولون اكيد فيها عيب ولدها صار كبير .... و هلم جره ... وما راح يخلصون

انتي سوي اللي يعجبك واللي يريحك
اذا محتاجه للدوام قدمي على وظيفه وحاولي تقنعي زوجج بالهدوء ان هالوظيفه بتساعدكم شوي في تحسن ظروفكم و حالتكم الماديه و اذا شايفه ان ما له داعي خلاص ما عليج من احد و اذا زوجج يزعله هالشي شنو بتفيدج الوظيفه و زوجج متضايق منج ؟!

واذا قلتي حق اي موظفه اذا زوجج عطاج قد راتبج وتقعدين بتقول اي .. لان كل وحده تعبانه بوظيفتها تبي ترتاح .. لكن اللي زوجها ما عنده قد راتبه و هي تحتاج الراتب شنو تسوي ؟! ثانيا مو كل الموظفات متزظفيت عشان الراتب ... لا في بعضهم ما يحسنون بكيانهم و وجودهم الا اذا سووا شي مفيد .. درسوا واشتغلوا و حققوا طموحهم و هالفئة لو شنو تعطينهم عشان يتركون شغلهم ما راح يتركونه لانهم بالاساس ما يشتغلون عشان الراتب بس :) عرفتي

عسى الله يوفقج ويحل مشكلتج وتتوظفين و تنتقلين بيت بروحج و تربين ولدج بطريقتج و تنجبين له اخوان وخوات :)

ح

حياة رائعة

عروس رائعة

23-09-2009 | 07:27 PM

اقولك حاجة كويسة
تفرسهم
اللى يسالك ليه مش بتشتغلى
قوليلهم جوزى مش مخلينى ناقصنى حاجة
كل اللى نفسى فيه بيجيلى لحد عندى واكتر

ولو حد سالك ليه مخلفتيش تانى
قوليلهم جوزى بيقولى نفرح ببعض شوية ونربى الولد كويس وبعدين نفكر فى الحمل

خليكى جريئة وخلى ردودك قوية
بلاش تسيبى لحد فرصة يجرحك او يضايقك

[

مشرفة سابقة

23-09-2009 | 08:20 PM

بإختصار أفضل حل للملاجيف اللي دائماً يسألون ..
الرد الغامض ..(أيوة ليش تضحكين خخخ)
يعني لو قالوا لك ناوية تحملين .. قولي الله كريم ومن هالسوالف
وأن قالوا لك إنتي حامل قولي لهم لو حملت بيوصلكم الخبر هههههه

صدقيني راح ترتاحين مرة
وبعدين لاتتحسسي خليك طبيعية
الناس دوم ملاجيف يحبون يحشرون نفسهم بكل شي

بالتوفيق
والله يسهل امرك ويفك دين زوجك ويسخره لك ولعيالك أمين

ا

العتب

مشرفة سابقة

23-09-2009 | 08:22 PM

الغالية الناس لا يعجبها العجب ولا الصوم في رجب ... وإرضاء الناس غاية لا تدرك ... وإذا على موضوع الدوام انا اقولج اولا وأخيرا المرأة انسان وتعب عليها الشغل ... والبيت والعيال خااااااااصة إذا دراسوا العيال ووصلوا مراحل متقدمة مثل الإعدادية والثانوية ... إذا كان هدفج أن عيالج يكونون متميزين مب ينجحون على الحفة والسلام ....

الغالية الشغل له ميزاته وله متعته خاصة إذا قاعدة تسوين شغله انتي حابتها ... بس بالاضافة الى ذلك له مساوئه بعض الموظفات يكونون مقصرات ببيتهن بس بدون قصد أو إحساس منهم بذلك ...

بس نصيحة لا تسوين مشكلات على مسألة الشغل لانه من حق زوجج انه يرفض عملج بس والله إذا رفض عملج ترى هو موظف ويشوف حال اغلبية الموظفات الله يهديهن في الدوائر من فسق في الملبس وعلاقات غير مشروعة اللي بتتكلم مع فلان وعلان وبتقولج عادي هذا مثل أخوي ... لا حول ولا قوة الا بالله بصراحة وصلوا لمستوى فظيع ... لا يقبل بتاتاً ... يعني تخيلي بتلبس لبس يجي الموظف يقولها فلانه حلوا عليج هاللون ... يا حياتي

بصراحة البيت أشرف وأطهر لكل حرمة ... ومن حقة زوجج يخاف عليج ...

وسالفة الحمل هذي صااااااجة فيها يالغالية .... الناس قاعدة تحسب عيالنا كأنهم بيعطونا علاوة ابناء والعياذ بالله

بس انا دائما اجاوب هذا الجواب ... الله يسمع منكم ادعولي انتوا بس الله يرزقني بالذرية الصالحة عندهم بيني انه من الله ... الله ما راد حتى عمتج

وعلى فكرة لا تتبعين كلام الناس ترى بتتعبين ... وبعدين اني تدخلين الناس بحياتج ليش مسويهخ لهم سالفة غريبة بصراحة ؟؟؟؟ !!!!!

وعلى اسئلتج

اهل فعلا الموظفة اصصلا مش مرتاحه ؟؟

من الراحة الجسدية نعم بصراحة تعب وفي اوقات تمر على الموظفة هلاك وخااااصة ايام الحمل ... تخيلي ترجع الموظفة للبيت الساعة 4 او 5 وراها تدريس العيال وهذا اكبر هم وتلبية متطلبات المدارس ... والانشطة والمتابعة بس نفسياً يعتمد على الإنسان نفسة وطبيعة عمله ... انا مرتاحة والحمدالله...

هل مقصرة في بيتها وعيالها ؟؟
أحيانا كثير ايوة يكفي انها ترجع من العمل ما تعرف شو الغدا اليوم ... او كيف الخادمة سوت الأكل وشو سوت بروحها بالبيت ... بس في اشياء يقدر الواحد يطوفها وفي اشياء لا كبيرة بصراحة ما تتطوف ... الحياة موازيين لازم تنوزن الامور
هل لو ريلج قالج بيعطيج كثر اللى تستلميه من الدوام وانتى بالبيت بس اتركي الدوام هل بتتركيه؟؟
إذا كان الموضوع يعتمد على قراري فقط ما بترك دوامي ... لانه شو بيعطيني ما راح يقدر يعطيني نص راتبي كل شهر !!!
هل فعلا اللى تعمل فرق كبير بين الاول والثاني تكون ولادتها بالثانى صعبه ؟؟وحتى حملها ؟؟
هذي انا وياج فيها صح انا حسيت فيها سواء بالحمل أو الولادة تختلف بالمباعدة لانه يا الغالية الوحدة فينا تكبر وكل ما كبر الانسان تضعف الوظائف في جسدة وهذي حقيقة علمية حتى القرآن اكدها فبتالي راح تصعب عليج الولادة خااااااصة إذا كانت المباعدة بعيدة

أ

أمةالله

عروس فضية

23-09-2009 | 08:34 PM

اللي يسألك عن الشغل قولي له أنا هااااانم:cool: والهانم مش بتشتغل :tongue:

أما بالنسبة للحمل الوحيدة اللي تقدر تحكم على الموضوع ده هو انتي ... لأن انتي اللي هتربي وانتي اللي هتاخدي بالك من البيبي ولو حاسة إنك لسة محتاجة وقت تستريحي خدي وقتك ... بس أنا من أنصار إن الأطفال يكونوا ورا بعض :)

وطبعا سماعك لكلام زوجك في موضوع عدم المداومة هو الصح ... حتى لو ما أعطاكي مرتب الدوام كل شهر ما دام بيكفي احتياجاتك بالمعقول

وآخر حاجة سيبك من الناس لأن حتى لو نزلتي الشغل وحملتي هيقولوا لك قادرة تاخدي بالك من البيت وانتي حامل وبتشتغلي وتعبانة؟؟ حرام عليكي زوجك حرام عليكي ابنكوهيطلعوا لك في مليون قصة تانية

للعلم أنا قعدت سنتين أشتغل واستقلت قبل الزواج مباشرة لأني حسيت اني مش هقدر أوفق بين الاتنين :)

&

нαуσσиα ~» ❥ ²°

عروس مبدعة

24-09-2009 | 03:12 AM

اذا سالوج ع الدوام ردي عادي زوجي موب مقصر علي بشي
وولدي محتاج لي وابي اربيه ع راحتي
واذا سالوج عن الياهل الثاني
قولي موب وقته احين مابي تزيد علي المسؤاليه ابي اكبر ولدي واربيه وافضي له
بعدين اجيب بيبي يديد ع مايتوسع لنا المكان ومتى ما الله رزقنا في بيت ان شاء الله بجيب البيبي اليديد
لا تاخذين الامور بحساسيه
كل جده تحب احفادها وتبيهم عندها يسلونها
وانتي المفروض تفرحين بهالشي
لو تشوفين جدي شلون مايحبنا ومايحب احد من عيال خوالي بس يحب عيال خالي الصغير بعورج قلبببببببببببببببج

ق

قطر

عروس رائعة

24-09-2009 | 07:48 AM

انا اقول ردي عليهم بإسلوب ابيخ من اسألتهم واستعبطي

اللي تقول ماشتغلتي ، قولي شلون اشتغل وانا ماقدمت اوراقي في الأشغال
واذا قالت قدمي ، قولي الحين قاعده اسأل عن الأشغال
واذا شافتج مره ثانيه وقالت ها لقيتي شغل وقدمتي اوراقج قولي لين الحيييين متى مابغيت بقدم وانا اعرف متى أقدم

عن الحمل :
ماحملتي ، قولي امبله حامل ماتشوفون بطني شكبره جدامي واضحكي طبعاً كانج تتغشمرين
واذا قالوا ليش ماتبين تحملين الحين قولي ولدي توه صغير وانا وزوجي متفقين عالوقت اللي بحمل فيه واذا حملت اول ناس بببشرهم انتووووا
واذا قالوا شتنطرون قولي ضيق وننطر البيت يجهز
وغيرها وغيرها وغيرها وغيرها من الأسئله اللي ماتخلص .

ويمكن تصادفين ناس جريئه وتقول لج روحي فحصي يمكن فيج شي ، قولي اعتقد مسألة الفحص اتخصني انا وزوجي ومتى مابغيت ادل الدكاتره وبروح افحص من غير محد يقول لي
اذا هم جريئين خلج اجرأ منهم وصدقيني مراح تسمعين هالإسطوانه خير شر لاني مجربه هالموضوع :)

&

ღ رآقيهـ ღ‏

مشرفة سابقة

24-09-2009 | 08:51 AM

تبين الصدق وما تزعلين زعلك ماله داعي ابدا

يعني محصلة زوج يمنعك تشتغلي ويصرف عليك تمام وفوق هذا تدورين الشغل

انا اشتغل واتمنى لو ما اشتغل واقعد بالبيت واربي ولدي

احس كثير نفسي احمل بس مو قادرة حتى افكر بالسالفة كله اقعد افكر الحين انا بيبي واحد وافكر اليوم الثاني كيف بيكون وانا بالدوام هل بياكل هل بيكون بامان مع اني اوديه عند امي واهتمامها اكثر مني بس بعد احاتي وايد عليه واقول فشلة هي حرمه كبيرة ولو حملت بتقعد تتابع طفلين حرام

ولمن ارد من الدوام اكون صدق تعبانه جسديا جدا هذا لو اليوم كان تمام بس لو صارلي موقف مع زميلة او الادارة ارد البيت نفسيا وجسديا تعبان وفوق هذا محد طايق منك كلمة الكل يبغيك ملاك يعني لو رديتي البيت امبوزة الكل بيعصب عليك سواء الزوج او الاهل يعني بتاكلي بقلبك ليما تموتي

انا ما ابغى انكد عليك انا اقولك دام زوجك قادر يوفرلك حياة مريحة وسعيده خلاص لا تاكلين قلبه وقلبك بهالسالفة

وعلى فكرة الناس ماكلين قلبي انا بعد لان ولدي ما شاء الله كمل السنتين وما حملت بس الناس ما تعرف ظروفكم ولا تعرف اوضاعك بس دام عمتك تساعدك بولدك فأنصحك بجد تحملي وربي يسهل عليك امورك

واقولها لك حبيبتي وخليها حلق باذنك مثل ما يقولو الاخوان المصريين

الناس تحب تاكل القلب واصلا تخصصهم ياكلون قلب الوحده وما يرضيييييييهم شي ابدا

انا كله يقولولي ليش تشتغلي قعدي ربي ولدج يعني محد يرضيه شي اهم شي نفسك وزوجك وخلااااااااص طز بالكل وعفوا على كلمة طز بس ما احب الي يتدخل بشؤون الناس

أ

أم عبدالله ا

عروس جديدة

24-09-2009 | 09:32 AM

شوفي حبيبتي اذا على حجي الناس مايخلص شوفي انا عمري 26 سنة ومومتزوجة وموظفة تعتقدين بخلص من حجيي الناس وثاني شي اهم ليش يحنون عليج حملي ليش اهم الي بيربون وبيصرفون، الصراحة صج ان الشغل يعطيج اهمية ومكانة لنفسج لكن صج الي تشتغل ماعندها وقت شوفي انا احين عزوبية وماعندي وقت صج لاني اشتغل فمابالج اذا تزوجت وبيكون عندي ياهل

ماعليج من كلام احد دام انج مرتاحة مع ريلج وهو مو مقصر معاج ماعليج من احد واذا على حجيي الاس صدقيني اذا حملتي بالثاني بيقولن لج ييبي الثالث وهلم ماجرى،،، واا اشتغلتي بيسالونج ليش رضيتي بهالشغلة ليش ماتدورين لج شغلة ثانية لاتعورين راسج معاهم

و

وجوه الخير

عروس مبدعة

24-09-2009 | 10:18 AM

شوفي غلاي انا اشوف الموضوع ما له داعي كله هاي الحساسية من ناحيتج الناس بس عليها تهذر وتعلق واذا بتسمعين كلامها لا عزة الله رحتي وطي لان ارضاء الناس غاية لاتدرك

وبقول لج شي ماله داعي تبرريين لهم ليش ماشتغلتي وليش ماحملتي بالثاني اعتقد هاي اشياء شخصية بينج وبين زوجج يعني مالهم شغل بكم وانتي اكثر وحدة ادرى بظروفكم في ناس يبي لهم حقران حقري وفي ناس وقحين اسمحي على الكلمة ردي عليهم بوقاحة

واذا على زوجج مو راضي تشتغلين تقدرين تتفاهمين معاه على الموضوع ترى مو كل موظفة مهملة لبيتها وعيالها ولا كل وحدة تشتغل زوجها مقصر عليها لان الشي يعتمد على شخصية الانسان وكل شي بالتفاهم ينحل

وامشي على هاي القاعدة "الشخص ينام على الجنب اللي يريحه " وانتي بس طنشي وكل شي بيد ربج وان شاء الله الامور راح تنحل وتهدى وعطي الناس الاذون الصمخة وعيشي حياتج مثل ما انتي وزوجج تبون

تحياتي

ل

لا لة دوجا

عروس متألقة

24-09-2009 | 12:32 PM

اعملي اللي يناسبك .....وطنشيهم ....الله يصاوب ليك

t

tamarah

عروس مبدعة

24-09-2009 | 01:09 PM

لاتسمعين لهم الحكي ببلاش هم مو تعبانين يقولولك جيبي ولد وانتي الي تتعبي فيه وتدفعي الضريبه خليهم يقولو زي مابدهم وانتي اعملي الي بناسبك وبناسب وضعك انا موظفه وعمري من عمرك ومو متزوجه بس ناوية اذا تزوجت اقعد بالبيت وارتاح علشان اهتم ببيتي اكتر ... انسي كلام الناس واعملي الي بريحك