تحبين الحنا .... تفضلي

كل عام وانت بخير
بالنسبه لي انا كل اسبوع احط حنا على شعري وماشاء الله خف التساقط كثير وطريقتي هي
حناء مع زيت عافيه وزبادي وصفار بيضه وليمون وماء ورد لرائحة البيض وعسل اعجنهم بماء الحلبه او ماء عادي اتركها ساعه بعدين اضيف الليمون واحطها على شعري ....
امابالنسبه للسدر في خلطه ثانيه استخدمها جدا رائعه اخذتها من المنتدى ..

والله موضوع حلو اشجع الطبيعه

حنتي مااضيف فيهاشي بس اعجنها بماي مغلي فيه كاكاو قهوه تركيه نسكافيه
اخمرها 3 ساعات بس لاحظت اذا خليتها يوم تجفف شعري واجد

عيدكم مبارك

بالنسبه لي انا شعري خشن بس مو وايد لكنه ينفش واااايد ويساقط بالهبل
وجربت الحنه 3 على فترات متباعده وناويه بإذن الله احطها كل شهر

المره الاولى حطيت فيها كركديه
واخر مره قبل اسبوع تقريبا
عينتها بجاي حمر
وحطيت فيها المحلب طحنتها>>يقولون ينعم الشعر عل وعسى يفيد معاي
ووسدر
وياس مطحون
وكم من ملعقه زيت الحبه السوده من وادي النحل
ونس كافيه
وشوي دارسين قريت بعد انه ينعم الشعر

عاد احين حنتي خلصت وانا كنت شاريتها من مكه عاد احين ابي اشتريلي عشان ان شاء الله احطها اول الشهر الياي

واعجنها بالليل ساعات اخليها يوم واحيانا يومين بالثلاجه وقبل لاحطها فشعري ازيدها ماي لانها تيبس
واخليها 4 ساعات ماتزيد واغسل شعري بماي فقط ولين نشف احط زيت اخليه يوم كامل بس اخر مره خليته يومين وبعدها اغسله بالشامبو واحط بلسم او حمام زيت

اني اعجن حنتي بماي مغلي فيه كركدية وشاي احمر وبابونج

واعصر ليمونه كاملة واخلط مع الحناء شوية سدر ونسكافيه وكركم وزبادي واي نوع من الزيت

واذا ابيها للتلوين احط معاها بودرة دم الغزال او بروكسيد ويلا

واخليها من الليل الى يوم ثاني الصبح او العصر

في مكان دافي بس مااضيف البروكسيد الا اذا جيب بحني شعري

احطها في شعري ساعتين او اربع ساعات واغسلها بماي بس اذا حسيت شعري جاف ازيته

وغسل شعري يوم ثاني بالشامبو اذا ماتبين شعر يجف كثري الزيت في عجن الحناء

واشتري الحناء من الحواج (العطار) خاطري في حناء مكة واجد حلوة

عزيزتي عروس هديه العفو وبالنسبه لخلطة السدر هي من عروس بس للاسف مااعرف اسوي زيكم يعني احولك على رابط ياليت اذا تعرفين تعلميني كيف ام الخلطه عباره عن:
تاخذين بصل وتقطعينها ارباع وكذلك ثوم تقطعينها بالنص (انا احطها بالقشر) وتحطين عليها ماء وتخلينها على النار حتى تصير المويه صفراء بعدين تاخذين السدر وزيت الخروع وزيت الزيتون وتحطينها في طاسه وتعجينيها بموية البصل وتحطينها على شعرك زي الحناء من المساء حتى الصباح ...
(( بالنسبه للفايده والله جدا رائعه لمعه وتوقف التساقط من اول استخدام تقريبا ومع الاستمرار تكثف وتطول )) هذي تجربتي

حنيت شعري قبل اسبوع والحمدلله شعري صار احلى انا اخذت الوصفة من منتدانا الغالي عروس والخلطة هي:حنا مع قهوة عربية وخل وماي وزيت واعجنها من الليل وقبل لا احطها على شعري اخلط معها ليمون وحطيتها ع شعري تقريبا 6 ساعات وغسلت شعري بالماي وحطيت فقط بلسم علشان تثبت صبغت الحنا وبعد يومين غسلت شعري بالشامبو والنتيجة فظيييييييييييييييييييعة

انا اروح الصالون اللي يمنا
اخليهم يحطونه لي وبعد ساعتين اغسله وبس :)

مره شريته وحطته لي اختي وما شاء الله حناهم فضيع

الله يسلمج انا اعجنها بالليل بالماي بس

ولين صبحت حطيت فيها بيضة و زيت زيتون و روب و عسل هذي وجبة فطور مو حق الشعر

ماتجفف الشعر

و الحنه اي مكان ماادري اذا في فرق لو لا

اذكر مره صديقة اختي جابت من الهند حنه صج عجيب

اخواتي حبيباتي

اعجنو الحنه بمغلي الشاي ويصير لون شعرك رووووووووعه عنابي يجنن وحطي معاه عصير نصف ليمونه ومايحتاج تنقعينه9ا يوم كامل كم ساعة بس وحطيها ولا تغسلين شعرك بعد الحنه بشامبو بس بماي بعدين حطي له زيت وثاني يوم غسليه بشامبو

تقبلي مروري

انا استخدم حنه اسبوعيااااا

وحنتي اعجنها بوقتها واحطها 4 ملاعق حناء وماي وخل بسسس واخليها 3 ساعات بشعري وطبعا

كل جمعه احط الحنه بشعري وجربت مره مع حلبه بس بصراحه الحلبه بقت معاي اسبوع ونص ماراحت

ومابغيت احط ثانيه ويااها حلبه .. ولما اخلص من الحنه اغسلها بماي بس بعدين احط لي زيت زيتون

من نص ساعه لساعه وبعدين اروح اتسبح عادي ..

ويابنات تره القهوه والنسكافيه تطيح الشعر مع الحنه انتبهوااااااااااااااااااا..

انا احنيي شعري من فترة بس بعدين سمعت عن الحنة السودة لاخفاء الشيب واعجنها مع لبن زبادي وشويت زيت بس احس الحنة عموما تنشف الشعر ولكن هي افضل من الصبغات واتمنى المدومة على الحنة عندي سؤال من جربت الحنة السودة هل لها ضرر على الشعر وشكر لصاحبة الموضوع