الصباااحيه في البحرين ... ساعدوني الله يخليكم

حد علمي المتواضع .,

إن المبارك عندنا ما يصير في الصبح ..

يعني الناس يبدأون يجون بيت المعاريس على الغذى أو من العصر !.

ومواصل إلى المغرب ,

بس من الصبح آوادم تجي تبارك لج , ما أعتقد

يجون يباركون حق أهل المعاريس ويقدعون ويمشون .. ممكن!. :D_smil1:

*

نجي حقج يالعروس .,

هو يفضل تكشخين وتلبسين حق وقت واحد فقط

يعني مثلاً :

بيت عمج بيسون غذى , والناس بتجي تتغذى وتبارك لج , وبيتواصل المبارك للعصر إلى آذان المغرب

فالمفترض إنج من الصبح في الصالون علشان تكشخين وتلبسين ,

وطبعاً يفضل جلابية فخمة و جذي :8884:

*

وإذا ما في غذى .. مثلاً عشا , أو قدوع في الليل

من الظهر تواجدي في الصالون علشان ما تجي المغرب إلا إنتي جاهزة !.

*

أنا بطبعي ما أروح مبارك وهالسوالف ههههه :21_133:

مو من صوبي

بس آخر مرة رحت .. لزوجة ولد عمي

كانوا كآنه مسويين عشا المبارك حق الحريم , وبعدين يروحون يباركون لها في شقتها ( شقتها في بيت عمي والعشا بعد في بيت عمي )

كملنا عشا ورحنا لها

وكانوا بعد حاطيين في شقتها قدوع .,

وكانت - ما شاء الله - تبارك الرحمن .. عروووووووووووووس :21_195:

صج صج صج كانت طالعة روعة

لابسة فستان سهرة أخضر " مال معاريس حده "

وحاطه لها ميك آب عرايش أخضر & فوشي .. ومسويه شعرها ويفي

كانت مرتبة وايد ما شاء الله!.

وصج كانت عروس بكل معنى الكلمة (r)

والناس تتعشى وتروح تقدع وتسلم عليها وهي ماشية

*

فإنتين لازم تحددين لج وقت معين وتايم معين تتواجدين فيه

مو من الصبح لليل قاعد بنفس الثياب والمكياج والشعر .. بعد مهما كان

إنتين تبقين عروس , ومحتاجة وقت للراحة ولأنج تقعدين مع زوجج وجذي ..,

*

فلازم تنظمون يوم المبارك , بأي وقت بيجونج الناس ويسلمون عليج

وعموماً هم الناس بيتمون مواصلين يجون يباركون وهناك قدوع

بس العروس متى تتواجد , هذي يعتمد عليج