السلام عليكم وكل سنه وأنتو طيبين يارب
ومبروك علينا الجزء الجديد وينكم ياعرايس وشني صار في التجهيزات وياكاندي راهو اني قاعده ندير في أستفتاء على الكوافيرات في بنغازي ومش ناسيه موضوعك
تحياتي
صباح الخير
كل عام وانتم بخير جميعا
عرايس ليبيا مبروك علينا الدويرة الجديده:wink:ان شاء الله عتبتها عتبة خير ويحددولنا عراسنا كلنا
دلوعة كل عام وانتي بخير ايه ياريتك تبحثيلنا على الكوافيرات في بنغازي وفيه وحده اجنبيه بس ماعرفت اسمها لتوا قالوا هذي خيال اسألي عليها وجيبيلنا عنوانها كامل .
وكل عام وانتن بخير وعام داير معيدات مع عرسانكن يارب وحتى انا :o
يا بنات بالنسبة للاجنبية انا مزلت انلم عليها في معلومات هل هي ممتازة مية في المية او لا بس انا قالتلي عليها وحدة و قالت المزين اسمه وجه القمر في الحميضة و مزلت ما شفتها ما غبك في الخوت عاد ما يشولوك بكل الا بنشاف الريق
كاندي بنسالك حاجة انت عليش حايسة انتي مش اعربك من بنغازي خلي وحدة من صبياتك ادورلك و تحجزلك عند كلوفير كويس في النهاية انتي مراة خوهن غصبن عنهن لازم ايشوفلك و بعدين نحنا في بنغازي الكوفير علي العريس مش عارفة انتم في طرابلس كيف
صباح الخير
منورات عرايس ليبيا مشاء الله عودة محموده ان شاء الله
امورة دولعه كاندي ونرجس كل عام وانتن بخير وفال خير علينا يا عرايس وربي يوفقنا جميعاً
نرجس بالنسبة للكوافير الاجنبية في بنغازي هي قالولي عليها انها حاجه رقيقة وحلوة للي تبي الرقه لانها ما تعمل في مكياج فاقع بس انا نبيك تجيبيلي عليها معلومات وحتى رقم موبايل لو تقدري لاني انا من البيضاء بس الصراحه ندور في كوافير ممتازه ان شاء الله تكون في المريخ مدوختني يا بنات الكوافيرة بجد مانبيش نطلع شينه ديمه صاحباتي يقولولي العروس الحلوة لازم ماتطلع شينه وانا خايفه من هل نقطه.
عروس ليبيا;10301314:
صباح الخير
منورات عرايس ليبيا مشاء الله عودة محموده ان شاء الله
امورة دولعه كاندي ونرجس كل عام وانتن بخير وفال خير علينا يا عرايس وربي يوفقنا جميعاً
نرجس بالنسبة للكوافير الاجنبية في بنغازي هي قالولي عليها انها حاجه رقيقة وحلوة للي تبي الرقه لانها ما تعمل في مكياج فاقع بس انا نبيك تجيبيلي عليها معلومات وحتى رقم موبايل لو تقدري لاني انا من البيضاء بس الصراحه ندور في كوافير ممتازه ان شاء الله تكون في المريخ مدوختني يا بنات الكوافيرة بجد مانبيش نطلع شينه ديمه صاحباتي يقولولي العروس الحلوة لازم ماتطلع شينه وانا خايفه من هل نقطه.
وانتي بخير يا عروس ليبيا و انشالله ربي ايتمم عليك بخير و بالنسبة للكوفير انا سمعت عليه ومزلت ما مشيتش و انا انحاول اتجيني الفرصة و نمشيله بس عارفه انا مشكلتي شنو انه فرحي مزال ما تحدد لانهم عندهم عمه متوفي و العرب عمهم عزيز عليهم فحزنهم سنه عشان هكي هلي ما طلعونيش للكوفيرات بس انشالله انحاول نستفسر اكتر عشاني و عشانكن لاني انا خطيبي ما ايحبش المكياج الفاقع و البسيط احلي والله انا درت مكياج البيان في الحوش بسيط جدا بس و الله مشالله عليا و ربي يحفظني انشالله تغيرت 180 درجة و طلعت انهبل و كل الناس عجبهم لانه بسيط وجميل بدليل ان الناس ايحبو البساطة
نرجس الشرق;10301171:
كاندي بنسالك حاجة انت عليش حايسة انتي مش اعربك من بنغازي خلي وحدة من صبياتك ادورلك و تحجزلك عند كلوفير كويس في النهاية انتي مراة خوهن غصبن عنهن لازم ايشوفلك و بعدين نحنا في بنغازي الكوفير علي العريس مش عارفة انتم في طرابلس كيف
كل سنة وانتي طيبة سموحة
لالا ماعنديش حموات صبيات ، كلهم متزوجات ، وحدة عايشة برا والتانية متزوجة اهني في طرابلس وعزوزتي الله يرحمها ، حتى احني عندنا الكوافيرة علي الراجل لكن اني نبي نحجز بالتلفون وهما يتصرفوا بعدين.
والله شئ ايحير انحس في روحي معش عندي نية و هلك لما اتقوليلهم بنطلع نشري ايقولولك عليش انتي فرحك مزال ما تحددش و ماعاد عرفت بيش نبدي مع اني دايرة قائمة حاجة وحدة بس بنطلع نشريها انشالله هو الذهب بنطلع الخميس انشالله و خلاص وربي ايسهلي انشالله و ما يصعبها عليا و يتمم عليا بالخير و يكمل فرحتي امين يا رب العالمين
هدايا الكوفيتي ما فهمتهاش شن هي و عندنا نحنا في بنغازي و الله شنو لاني اول مرة نسمع بيها
نرجس الشوق
ربي يسهلك ويسخرلك زواجك ويسخرلنا كلنا اللهم آآآآآآآآمين
حق انسيت نقوللكم اللي تعاني من جفاف البشرة عليها وعلي دوف الأخضر اللي بالخيار الحق قريته في وصفات عذاري وجربته طول والله يابنات مش عادي .
السلام عليكم حبيباتي
وبالنسبه للمزينه الاجنبيه أني عرفتها وفعلا تشتغل في مزين وجه القمر الي في الحميضه وعلى فكره هي مش جديده قديمه هلبه هلبه ومتزوجه ليبي ومكياجها بسيط يعني متاع أجنبيات
بس قالولي شغلها حلو بس مكياجها خفيف هلبه يعني لما تصوري تباني باهته في الصور
ونرجس بالنسبه للكونفيتي مايدروش فيه في بنغازي نديرو فيه أحنى في طرابلس وهو عباره عن حلوة الملبس تكون مغلفه بشكل راقي وفخم ويتقدمو للمعازيم وبالنسبه للشراء ماتنكديش على روحك راهو السوق متجدد وبأذن الله تشري الي في خاطرك
وعلى فكره يابنات أني سالت على مزينه يشكرو فيها وقالو مكياجها مش عادي واسلوبها حلو أسمها أعتدال وجبت رقم تلفون وحده تخدم معاها في نفس المزين وأني الي عجبني أنه عادي تختاري المكياج الي تبيه وديره ليك لكن برضو عطوني شوية وقت عشان قاعده نجيب في معلومات على غيرها لكن بصراحه الاستفتاء الي كان علي المزينه أعتدال كلهم شكروها هلبه هلبه
وتوه وصلنا للمزينة جي جي تعرفو يابنات عندي صاحباتي ديمه يمشولها تعرفو طلع فيهم ماشاء الله بجديات وتوه قتلهم نبي رقمها عشان نعطيه ليكم وبالنسبه لمكياجها زي ماتبي يعني تحسيها تعرف كل شئ وفي نفس الوقت هي أصلا رسامه وتمكيج في الحوش تقريبا يعني في حوشها
ونصيحتي ليكم يابنات تمشو لي مزينه تاخد وتعطي يعني تاخد رايك مش تمكيجك على مزاجها وثاني حاجه لازم تحسسي المزينه أنك فاهمه وتعرفي أصول المكياج وشنو الي يمشي معاك وثالت حاجه أمشو للمعندهاش زحمه هلبه عشان تلهى بيك وطلعك مميزه ورابع حاجه خلو عندكم ثقه في نفسكم وانك حلوه في كل حلاتك يعني من الاخير خليك فالحه ومتحمسه
وحاجه ثانيه بنات أهو النت عندكم دورو على مكياج يعجبكم وتكوني عارفه أنه يليق عليك وخودي الصوره وأرفعيها معاك للمزينه ووريها شنو تبي بالضبط
تحياتي
مساء الفل عرايس ليبيا
اشتقتلكم
سلمكم كلكم يارب صار قلتولي الكوافيرة الاجنبيه مكياجها باهت بكل تبوا الحق انا نحبه هكي بس نخاف يكون باهت بكل عاد وقتها مانعرف شن نصرف.
وبالنسبة للي سألت على الكوفيتي يا نرجوسه ياحلوة هذا الكنفيت نقولوا عليه والخلوط اللي نقدموه للمعازيم في الصالة والكنفيت عبارة عن ملبس ونحن نزيدوا عليه في شكلاطه وحلوى ومستكه اكيد عرفيته يا حلوة توا.
هنو الكنفييت نحن نقولوا عليه ونعرفوه في الشرق ونقدموا فيه واخرى يكون من اهم تجهيزات العرس عندنا بس صح فيه بعض العيلات ماتعرفه ,وانا بنجيبه من مصر لقيت في سان ستيفانو حاجات تححححفه مشاء الله بنجيبه من غادي هو وبطاقات الدوعه حتى هما لقيتهم حاجات نادرة وراقيه ان شاء الله ماهو بنسافر مصر بعد اسبوعين وخطيبي اليوم سافر هو وامه لمصر حتى هما بيجبوا الكنفيت والبطاقات وقالي حاجات تانيه للعرس
تعرفوا يا بنات بديت نحس انه العرس قريب يحددوه لكن خاااااااااااايفه يجهزوا هما كل شي وانا يضغوا عليا في شهر او اقل وانا في خاطري صاله معينه نبيها عليها زحمه وخايفه مانحصل فيها .
يستر الله ادعولي ياعرايس ربي يفرحنا ونحصلوا مانبوا كلنا.
نرجس صدقتي حتى انا اكثر شي مخليني نبيهم يحددولي الموعد عشان نطلع ونجيب حاجاتي لان بصراحه الحق اهلي بالعكس كل يوم يقولولي العي واشقي بروحك بس انا متحشمه بحكم اني اصغر وحده وقاعده مش عارفه نتصرف لكن الذهب انا الحمد لله كله كامل خديته ومن زمان واخده لينا بوي الله يرحمه مش ناقصني شي الا شوي خواتم صدارة وطاقم بلاتين نبيه على الفيلوا وطاقم ذهب على فستان الحنه والباقي عادي كله عندي وحتى هل طاقمين لو ماحصلتهم مش مشكله عندي غيرهم بس انا نبي حاجه جديده ماحد شايفها .
نرجس ياريت تكتبيلنا القائمة اللي كاتبه فيها كل احتياجياتك.
شني رايكم يا بنات كل وحده ادير قائمة فيها احتياجات كل عروس وانزلوهم هنا وكل وحده تستفيد من التانيه على الاقل اللي ناسيه حاسه التانيه تفكرها بيها ..؟
هيا انا نستنى ردكم شن رايكم.
عروس ليبيا;10302686:
مساء الفل عرايس ليبيا
اشتقتلكم
سلمكم كلكم يارب صار قلتولي الكوافيرة الاجنبيه مكياجها باهت بكل تبوا الحق انا نحبه هكي بس نخاف يكون باهت بكل عاد وقتها مانعرف شن نصرف.
وبالنسبة للي سألت على الكوفيتي يا نرجوسه ياحلوة هذا الكنفيت نقولوا عليه والخلوط اللي نقدموه للمعازيم في الصالة والكنفيت عبارة عن ملبس ونحن نزيدوا عليه في شكلاطه وحلوى ومستكه اكيد عرفيته يا حلوة توا.
هنو الكنفييت نحن نقولوا عليه ونعرفوه في الشرق ونقدموا فيه واخرى يكون من اهم تجهيزات العرس عندنا بس صح فيه بعض العيلات ماتعرفه ,وانا بنجيبه من مصر لقيت في سان ستيفانو حاجات تححححفه مشاء الله بنجيبه من غادي هو وبطاقات الدوعه حتى هما لقيتهم حاجات نادرة وراقيه ان شاء الله ماهو بنسافر مصر بعد اسبوعين وخطيبي اليوم سافر هو وامه لمصر حتى هما بيجبوا الكنفيت والبطاقات وقالي حاجات تانيه للعرس
تعرفوا يا بنات بديت نحس انه العرس قريب يحددوه لكن خاااااااااااايفه يجهزوا هما كل شي وانا يضغوا عليا في شهر او اقل وانا في خاطري صاله معينه نبيها عليها زحمه وخايفه مانحصل فيها .
يستر الله ادعولي ياعرايس ربي يفرحنا ونحصلوا مانبوا كلنا.
هلا بي عروستنا كل سنه وأنتي طيبه
عندك الحق الشرق يديرو في خلوط وشوكلاته لكن هو مش نفس الكونفيتي في فرق الكونفيتي يكون في شكل مجسم مثلا زي الشجره وأغصانها هما الكونفيتي وفيه ملبس بس وكان معروف من الحاجات الزمنيه في طرابلس يعني المعتاد زمان العروسه تحط بحداها ومعاها بنوته صغيرونه ولا هي بروحها عادي والي يجي يسلم عليها تعطيه وحده منه
والمكسرات يقدمو فيهم بروحهم والشوكلاته بروحها لكن في الشرق يجمعو فيه كله مع بعض ويسمو فيه خلوط لكن الكونفيتي بأذن الله نصورهولك ونحطهولكم
وخيتك خبره طرابلسيه من الناحيتين من وسط طرابلس ومولده في بنغازي اني الوحيده في خوتي تصدقي هههههههههههههه لكن حياتنا كلها شهر في بنغازي وشهر في طرابلس وعريسي في طرابلس
وبالنسبه للمزينات قاعده ندير في مجهود مش عادي علي خاطر عويناتكم
(f)
السلام عليكم
اعضاء منتدى عروس الحلوات الليبيات
عيدكم مبارك
انا عضوة جديدة كان خاطري من قبل نشترك معاكم بس الدراسة واخدة من وقتي
حبيت نقوللكم انا حابة ننضم ليكم ويدي في يدكم ومعاكم في كل شئ..
بأذن الله(f)
واي سؤال طبي بأذن الله نجاوبكم عليه
dr_gmd;10303423:
(f)
السلام عليكم
اعضاء منتدى عروس الحلوات الليبيات
عيدكم مبارك
انا عضوة جديدة كان خاطري من قبل نشترك معاكم بس الدراسة واخدة من وقتي
حبيت نقوللكم انا حابة ننضم ليكم ويدي في يدكم ومعاكم في كل شئ..
بأذن الله(f)
واي سؤال طبي بأذن الله نجاوبكم عليه
مرحبتين بيك سموحة بين وخياتك
