الحوال (الانتقال)

هلا اختي ..

عيدك مبارك و عساه بيت عامر يارب

الصراحه ما عندي فكره لاني ما مريت بهالشي

بس لو تفضين لش شناط او كوارتين و تحطين فيهم كل يوم محتويات غرفه و تنقليهم

احس اسبوعين ما يمديش خصوصا انتي حامل بالسابع مو زين اتعبين روحش و تضغطين على نفسش

اذا ما كنتي في شقه اجار اني اجوف تخلين خواتش يساعدونش و تنقلين اغراضش على راحه و ان شاء الله شهرين و تولدين و تروحين البيت حامله ضناش معاش

و اذا اجار الله يعينش ما يسوى تدفعون اجار و عندكم البيت .. مافي الا تاخدين خواتش و اذا عادي حمواتش و تنقلون الاغراض

الله يبارك لش فالبيت و يجعله ربي بيت عامر بالافراح .. و يثبت حملش و يقومش بالسلامه انتي و البيبي ..

مشكورة اختي سمايلي عى الرد ،،والله يسمع منش ،، وما قصرتي خيو ،،
بس مشكلتي ان ما عندي خوات وحمواتي كبار متزوجات وكلهم مشغولين ،،
واحس لو انتظرت لين اولد بزيد الزحمة علي لان عندي بنتي فطوم الله يحفظها سنتين صغيرة يعني بتزيد المسؤولية ،، يللا الله كريم ،، ومشكورة مرة ثانية ،،

اهلين اختي
حبيت اشارك براي عسى يفيد ان شاء الله
انا صار عندي نفس ظرفك
انتقلت لبيت العمر وكنت حامل بالشهر الخامس بصراحه تعبت كثير
بس حاولت قدر المستطاع تنظيم الاغراض مثال
البيت كبير ولله الحمد فحطيت غرفه كمخزن وجمعت كل الاغراض فيها الي مااستعملها بتلك الفتره
وطبعا كنت حاطه كل شي بشكل مرتب عشان ما تختلط علي الامور
وبصراحه قفلت الغرفه بالمفتاح لين ما قمت بالسلامه وبعد الاربعين شمرت عن ساعدي وفتحت الغرفه
وبديت بالعمل الجدي

هلا ام اسراء مشكورة خيو ،،
والله الموضوع مسوي ليي وجع راس ،،
لحين ما اعرف من وين ابتدي ،،
بس فكرة ان اخلي الاغراض اللي ما احتاجها واللي وش كثرها في غرفة واصك عليها لين ما افضي عالآخر ،،
الله كريم ،،

السلام عليكم ..
عيدك مبارك ومنزل مبارك ان شاء الله ..

حبيبتي انا ماقد مريت بتجربتك بصراحه ... بس جتني كم فكرة ودي اقولها لك وان شاء الله تستفيدين منها ..

الافضل انك تبدين بالمجالس .... ثم الصاله ... ثم غرفة النوم .. ثم المطبخ .. <<<اتكلم لو انه شقتي يعني صعينونه

المهم جيبي لك كراتين تلاقين البقالات يمرمونها برا والا خلي زوجك يروح للبقالات الكبيرة ويقول لهم ابي الكراتين لاترمونها .. وكل يوم يمر عليهم ياخذ له كم كرتون ..

طبعا يكون عندك قلم فلوماستر عريض ولونه واضح ... لزق او لاصق قوي ... ورق جرايد .. مناشف للزجاجيات ..

اول شي المجالس اجمعي التحف والمفارش ولمعيها ولفيها بالجرايد والمناشف وانتبهي لها عشان ماتتكسر معاك ..

واكتبي على الكرتون من اي غرفه ووش محتوياته بالعام ..
مثال .. مجلس الرجال .. تحف وابجورات ..

عرفتي كيف .. وبها الطريقه كملي على كل الغرف .. وان شاء الله يكون عندك وقت وماتتعبين ..