تعبت وابي ارتاح

هههه بدل لا جالسه تشتكي روحي رتبي الشقه ورتبي ملابسك وملابس زوجك والعيال


الله يعينك

نور مجان

اشكرك على التعليق

الله لا يبليج بالضغط النفسي اللي اعانيه
وما اتوقع اصلا انج تحسين

على العموم شكرا وتعبتي روحج بالرد عليي

الله يعينك أختي

ذكري نفسك دايما بالثواب اللي بتاخديه على عملك في المنزل وخلي لك نية دايما في الأعمال المنزلية وإن شاء الله الثواب بيهون التعب

ليش انتي دوام خيه بكره العيد؟؟؟


اذا الوحده نفسيتها تعبانه كلش ما اطيق شي ..ليش ما تشوفين لش شغاله ام الساعه على قولتهم ..يمكن تفيدش شوي

لين اقول هالكلام يقولون لي تبين اجر وثواب ببلاش ..


الله كريم ..

اي اني دوام بكره شغلنا ما في اجازات

وشغاله جاب ليي زوجي شغاله قبل سنه وخذتها امه والحين يقول انه جايبنها ليها الله كريم

الحين اني ريحت شوي وخف وجع الراس

الله كريم
مشكوره اختي مالك القلب وأمة الله الله يجازيكم خير

أختي صلي ع النبي وطولي بالك شوي ..
تذكري الجوانب الحلوة من حياتك
تذكري أن الله عطاك عيالك وشفتيهم .. غيرك مارزقهم الله عيال من سنين
وتذكري طيبة زوجك بإنه يساعدك في البيت (ع الأقل مقدر الشي اللي بتحاولين تسوينه)
وتذكري أن الله عطاك عمل تكسبين منه رزق حلال غيرك مو محصل
وتذكري أن الله مدك بالصحة والعافية .. وسترك بزوجك وبيتكم وبرزق حلال
وتذكري أن الله أنعم عليك بالإسلام والنعم الثانية
تذكريها وراح تحسين نفسك عال العال ..
وكثري يالغالية من الإستغفار .. ودووم خلي وجهك مبتسم في البيت
وبره ولكل الناس .. حتى الله يفتحها بوجهك وترتاحين
وأستعمي للقرآن وأقري ..
وربك كريم
الدنيا عيد وفرحة .. لاتفكري بهذي الأمور ..
وإذا مرة تعبانة أطلبي إجازة وقولي انك تريدين تكونين مع عيالك وقت العيد
وأكيد راح يتفهمون هذا الشي ..

بالتوفيق والله يسهل أمورك إن شاء الله

:)

وتفائلي بالخير يجيك

الله يعينج وهذة الحياة امهاتنا قبلنا

الله يعينج
اختي نور العرب كفت ووفت
والله يخفف عنج التعب وياجرج عليه

جيبي شغاله الي بالساعه وريحي نفسج
لا تراكمين الشغل كله بيوم واحد كل يوم سوي شي
الله يعينج انا لولا شغاله بيت اهلي كان علوم هههههههههه

اختتتي جيبي خداامة امك او احد من اهللك وخلها تنضضف لج وربي يعيينج

السلام عليكم و الرحمة

هدي بالش خيوو .. و اقري سورة ألم نشرح لك صدرك
و كررها ، و صلي على النبي (ص) ..

أقرئي قرآن .. سورة يس كلش زينة

هدي بالش ..
صادتني فترة كله اصير متضايقة و تعبانة
و صرت أقرأ قرآن و و اردد سورة ألم نشرح لك صدرك
ارتحت شووي .. و بعدين مع الصلوات على محمد و آل محمد
ارتحت أكثر .. و بعد لا تفكرين بشئ ..

إذا عندش مسجلة اسمعي أدعية و اسمعي إلي كتبتينه في توقيعش :)

( إلهي إن كان قلّ زادي في المسير إليك، فلقد حسن ظنّي بالتوكّل عليك، وإن كان جرمي قد أخافني من عقوبتك، فإن رجائي قد أشعرني بالأمن من نقمتك، وإن كان ذنبي قد عرضني لعقابك، فقد آذنني حسن ثقتي بثوابك، وإن أنامتني الغفلة عن الاستعداد للقائك، فقد نبهتني المعرفة بكرمك وآلائك، وإن أوحش ما بيني وبينك فرطُ العصيان والطغيان، فقد آنسني بشرى الغفران والرضوان. )

و تعوذي من إبليس ..

الله يفرج عنش ضيقتش إن شاء الله

ليش ما تودين اليهال عند أهلج
و ردي البيت .. نامي ساعتين - ثلاث لين تهدى أعصابج
و بعدين قومي صلي ركعتين و اشربي شاي و قولي بسم الله و ابدي نظفي الشقه
و اذا احتجتي حد يساعدج اتصلي بأهلج يطرشون الخدامه
و اول ما تخلصين تنظيف خلي اليهال يردون البيت
و لا تخلين الشغل يتراكم .. نظمي وقتج و انشالله مع الوقت كل شي بيصير اسهل
بس انتي اهم شي تعوذي من ابليس و اذكري الله و هدي اعصابج
و خذي يومين اجازه

ربنا يعينك وأستغفرى الله كثيرآ وأبدئى بعمل تحبيه فى البيت أكثر شىء مريح شى بالنسبه لك وأهدئى من نفسك وفكرى أن العيد بهجه للتضيعها منك
وكل عام وأنتى بخير
والله المستعان

اختي انتي قلتي ان زوجك يساعدك..

يعني الحمدالله .. في ازواج ما يحطون يدهم بشي ويخلون كل شي على راس الزوجه...

وهالمواقف هذي تصير .. وايد ... والوحده تحس بضغط ... انا مثلج... نومت بنتي وقعدت اشتغل بالبيت لين نص الليل وبعدها تسبحت وسويت شعري وما نمت الا 3 الفجر...

يعني يااختي ساعه استرخاء تام ... الوحده ترجع نشاطها ...

والله يفك عوقج..

ام جنى

الله يساعدش خيتي امر بهالضيق احيانا من الضغط

اكييييييد ماكتبتي هالكلام الا علشان تفضفضي وترتاحي شوي

ان شاء الله ماجورة عند رب العالمين اخذي نص ساعة بس سوي شي تحبية زيارة لاهل

تكلمي صديقة عزيزة تقراي قصة او كتاب تمارسي هواية ورياضة واشربي عصبر او قهوة اللي تحبية
وان شا ء الله تجددي نشاطش

هونيها وتهون خيووووووه

الكل تصيده لحظات جذيه


اني بعد تجيني هالحاله بالذااااات ايام امتحاناتي



الله يساعدش خيوو

الله يعينك يالغلا

من جد المره اللي تشتغل ما ترتاح

وانا حاسه فيش

ما اعرف اكون لنفسي او لزوجي او لدوامي او لبيتي

لسه ما عندي عيال وانا محتاسه

قلت اذا الله رزقني ما راح ابهدل حالي بجيب لي شغاله

ادعوا لي

اشربي ريد بول يعطيج جوانح وطاقه ويخليج مصحصحه =)

خواتي اشكركم جزيل الشكر
ردودكم تشر الصدر
اختي نور العرب ما قصرتي

الدنيا بدون خوات مثلكم ما ينعاش فيها
الحمدلله صرت احسن
بس احيانا احس اني مضغوطه وعليي مسؤوليه كبيره ومالي وقت حق نفسي
وفعلا اهم شي الايمان بالله والتوكل عليه
اكرر شكري لكم خواتي