موضوع أثر بي .. دعوة للنساء والفتيات

لو تقولين لها وش آخر كتاب قريتيه؟
قالت هااااه
"بغض النظر عن الروايات التافهة اللي طايحين فيها هالفترة"
-----------
لو نص هوس المظاهر هذا كان على عقولنا لكنّا أنجح الشعوب
لأنه ببساطة كل شيء متوفر عندنا
لا ناقصنا مال ولا قدرات عقلية
------------------
الأجانب فلوسهم رايحة على تعليم عيالهم وتثقيفهم وصحتهم
تلقين راتب الأب والأم ضئيل ومستحملين شظف العيش عشان يرسلون ولدهم برى يدرس شهادة عليها القيمة
بينما عندنا يستحملون الديون والأقساط عشان تسوي زواج كله إسراف وتبذير وآخرته الناس طالعة منتقدة
وإلا ديون وأقساط عشان تقول صيفنا برى شهر كامل
والله أعرف وحدة شخصيا تقول السفر بالنسبة لي عذاب لأننا إذا سافرنا
طول السفر طقاق أنا وزوجي وأنا أحرسه لا تناظر وهو يحرسني لا تناظرين ..قلت طيب خلوا سفركم لبلدان محافظة أو لا تسافرون حطوا فلوسكم في البيت تغيير ديكورات وأثاث
عصصصبت قالت خيييير سلايفي لين سولفوا أصير بينهم ما سافرت
وإلا إذا سولفوا صديقاتي إلا أنا ما سافرت وش بيقولون عني
!!!!!!!
مافيه تعليق
-----------------------
أنا لما جيت بعد هذي المدة توظفت في بنك
ولاحظت إنه إذا جت العميلة أم ساعة ألماس فخمة وشنطة قوتشي الكل يتبادر لخدمتها
وإذا جت العميلة اللي مظهرها ما فيه بهرجة.. تستجدي الموظفات يجون يساعدونها
والمضحك في الوضع إني ألاقي العميلة البسيطة ما شاء الله حسابها شي وشويات..وهذي أم البهرجة حسابها بالسالب(عليها قروض وسيارات تقسيط)..وعنوانها يا إما شقة وإلا أجار
مو انتقادي على القرض ولا على السكن انتقادي
هو إنك مكلفة نفسك بالديون والقروض عشان شويتين نظرة إعجاب من الناس
بس ما ألومك لكن ألوم المجتمع اللي صار سطحي..يحكم عليك بموديل جزمتك


-------------------
من جد من كثر ما أنا منهارة من هالوضع والله مو عارفة وش أكتب
أروح لنادي رياضي ألاقي ملابس يستحي إبليس يلبسها
طبعا هذا غير الاسترتشات اللي لما تتمدد يطلع البنطلون شفاف..شيء يجيب الغثيان.. المشكلة نتدرب في كلاسات كلها مرايا يعني ماتستائين من منظرك!!!!!
المشكلة إن زمان كان هذا الشيء
نكرة + قلة تربية + قلة دين
أما ألحين
عادي وكنه العيد




..............رجاء لاحد يرد لحد ما اكمل .........

-------------
من أسبوعين اتصلت وحدة سعودية على فوزية الدريع قالت أنا معلمة كلمت واحد وحبيته وقال..و..و..وكملت تفاصيل حماقتها .. اللي من جد فشيلة على القنوات ينقال أنه هذي سعودية
قالت لها الدكتورة
"..وش هالخداج معلمة وهذا عقلج.. أي جيل بتخرجين لنا..وين مخج..وين تربيتج "
الخداج: هو الجنين في بطن أمه إذا تعدى الشهر الخامس
يعني تعدينا مرحلة أنهم رجعوا للمراهقة.. هم رجعوا لما دون ذلك
-----------------------------
أخذت اللغة على يد أمريكية..عاشت في أمريكا 10 سنوات من زواجها و3 سنوات في السعودية..
لأنها متزوجة سعودي
تقول أنا توقعت السعودية بتسهل علي تربية عيالي لكن اكتشفت العكس
برى لما يشوفون غلط أقول لهم هم كفار ينبسطون شوي وآخرتها النار
بس إحنا مسلمين ننحرم شوي وبنتمتع فورإيفر في الجنة
تقول وكانوا مقتنعين والأمور تمام
أما هنا لما يسألوني عن أشياء غلط يشوفوها في الفيصلية"والله كلامها نصا" أتلعثم وما ألاقي حجة مقنعة طبعا هم يعرفون كيف يحاورون عيالهم ما تقول له إلا كلام مقنع ومنطقي شوفي مخ عيالهم ومخ عيالنانرجع لها تقول صرت أقول لهم

فيه صرح رائع في عالم المنتديات اسمه مملكة المرأة
99% من مواضيعه عن المظاهروالشكل
هل عالم المرأة في قطعتين الملابس اللي تلبسها؟؟
لا وكل مالها تتقلص هذي القطعتين
وين ثقافة المرأة؟ وين أساليب الحوار؟؟ وين القضايا الدينية اللي تخص المرآة؟؟
------------------------

يا كثر ما نسمع
ماتوقعت الزواج كذا ؟
انصدمت بالحياة اليومية في الزواج؟
ما قدرت أفهم زوجي.....
عارفين ليه لأن منتدياتنا النسائية
ثقافتها
"بسررررعة بنات وين ألقى ........عشاني بألبس في الحفلة .........."
وإلا
"مين أفضل مركز ينظف لي ....... بالليزر؟؟"
صارت الموضوع عادي ؟؟؟؟
والله لو أمك اللي بتشيل لك بالليزر كان استحيتي
وين الحياء؟؟
مات؟؟
وإلا نخنقه عشان ما يسيطر على تصرفاتنا؟؟

وإلا اللي كان ماسك البنات شدة الأهالي؟؟ لما خفت شفنا الهوايل؟؟
وإلا الدين انحصر في صيام 30 يوم في السنة و5 صلوات في اليوم بس؟
كلها 8 سنوات تفاجأت وانصدمت
وما أدري متى أقدر أستوعب هذي التغيرات
اللي أتمنى تتعدل للأفضل ولا أحتاج أستوعبها
أتمنى أنها تكون نزوة وقريب تتلاشى وتصير ذكرى أليمة في الماضي ونقول كنا وكان
أتمنى يصير الخطأ شيء عيب ما نتفاخر به ونعتبره مقياس علىمدى حضارتنا



ليه صرنا نستحي من الدين ومن العادات
"أنا أتكلم عن العادات الصح مو المتخلفة"
تجي كوافيرا تقول لو ما عندك تحفظ على الإكستينشن أعمليها ... (( تقصد الوصل ))
!!!!
صارت المسألة تحفظ؟
صار اللعن أمر قابل للنقاش والتحفظ؟
صار الوصل ينصح به في المنتدى على مسمع من مايزيد عن خمس مية بنت
وياليت وحده ردت وقالت حراااام
من واقعنا الكوافيرات أغلبهم نصرانيات عقيدتها المسيح ابن الله
بس الشرهة علينا إحنا يا أمة لا إله إلا الله
لو ما كانت شايفة جرأتنا وتمردنا على الدين ما قالت كذا

هل كان التوصيل قبل عيني عينك يكتب في بروشور الصالون؟؟ جنب السشوار والتسريحة..
لو أقدم لك كريم وأقول لك لو ما عندك تحفظ على السرطان جربيه تراه يبيض
وش ردة فعلك؟
فيه ردة فعل غير إنك ترمينه علي..وتنبهين قرايبك منه .. وتحذرين البنات في المنتديات
وحفلات التخرج وحفلات النجاح والدي جيهات والزواجات
كلها معازف وأنواع التفنن موسيقى وعود وأورج
وإلى آخر الليل وإلى الثلث الأخير.. وعادي .. ما فيه اللي يقول للغلطان تراك تماديت بالغلط
آخر الليل إذا ربي تفضل علينا ونزل لسمانا الدنيا
هل من داعي؟ هل من مستغفر؟ هل من تائب؟
عذرا يا رب إحنا مشغولين مع محمد عبده وأحلام
دوروا الدنيا بكل أبعادها
هل فيه ملك ينزل لك كل ليلة ويقول لك " تبين شي؟

أتفه ملوك الدنيا تلقين عنده 10 سكرتارية وبينك وبينه 10 أبواب
[FONT=Times New Roman]والدخول عليه بموعد إن كان يتنزل يقابلك من الأساس
أعجبتني عبارة لداعية مصري قال:
" ربنا ينزل كل يوم ينادي حد عايز حاقة.. وإحنا مشغولين عنه.."
----------------------

----------------------
تجيك الوحدة تشتكي وقريتها هنا في المملكة
تقول ياربي أنا كنت أكلم واحد وحبيته
ولما تزوجت ما حبيت زوجي وتحملت قلة حبي له وبعد كذا اكتشفت إنه يكلم وحده وانهارت أعصابي
طيب.. وين الغريب في الموضوع
يعني قمة الخبث والخيانة
خنتي أهلك وربك وتبين واحد طاهر.. نظيف... قلبه عذري


مافي حياته إلا أنتي
وأنتي في حياتك عشرة قبله
عجب
!!!
--------------------------------
هذا غير الصور الشخصية وعبارات و
صورالتوقيعات اللي كلها إيحاءات سيئة وسخيفة
وفيديوهات التوقيعات هذي لها نصيب الأسد في السوء
إحنا أرقى من كذا
أبصم بالعشرة أن كل قارئات موضوعي هذا متعلمات.. جامعيات.. أو في طريقهم للجامعة
ليه أحط صورة فاتنة لو مر عليها ولدحركت غرايزة
لا تقولين هذا سيكشن خاص بالمرأة
أتوقع كلنا سعوديين وأعرف الناس بشبابنا
قولي هنا ريحة حرمة وشوفي ردة فعلهم
وحتى؟أغلب العضوات يكتبون في أقسام أخرى والتوقيع والصورة ثابتة
لا تقولين هو لو يبي يشوف شاف
ما عليك منه عنده رب يحاسبه..بس لا تكونين سبب
يجي الشخص يوم القيامة تعرض عليه أعماله السيئة
أنتي كذبتي
أنتي أظهرتي مفاتنك لرجل
أنتي أخرتي الصلاة في اليوم الفلاني
أنت..
أنت..
أنت زنيت
يقول يا ربي ما زنيت
يقول له لكنك ساعدت أحدهم على الزنا
وكان عليك مثل وزره
والآية صريحة وحمدلله إننا عرب نفهمها بدون مترجم:
" ليحملوا أوزارهم كاملة يوم القيامة ومن أوزار الذين يضلونهم بغير علم ألا ساء ما يزرون
[/FONT]


[/FONT]

والموسيقى اللي صارت زي السلام عليكم
أصلا صارت هي التحية والافتتاحية في المواضيع
في المنتدى سيكشنات مخصصة للأغاني
!!
وكأن الأغاني عادي مثلها مثل تبادل الأخبار وأسعار الأسهم
أفتح مواضيع هنا في مملكة المرأة
إلا مقطع الصوت تلقائيا شغال أورج
يعني بالقوة؟
ما دخلت سيكشن الأغاني..بس برضو مضطرة أسمعها؟
وهذا تجاوز للحدود والحريات
والمفروض يكون أحد شروط كتابة المواضيع منع هذا الشيء
لو بأنزل طبخة في وسط موضوعي
قلتوا: خير؟ غلطاانه الأخت في العنوان
وبالنسبة للبنات اللي ينزلون زفاتهم الموسيقية
كم وحدة مرت على الموضوع من الأعضاء وسمعتها
كم وحدة مرت على الموضوع من الزوار وسمعته
كم وحدة بحثت في قوقل وطلع لها موضوعك
كم وحدة أعجبتها الزفة وحطتها في زواجها اللي بتحضره 400 مدعوة
وعداد المعاصي شغال في ظهرك
وياطول الحساب
----------------------
زميلاتي في ثانوي لما شفتهممن كثر ذهولي
صرت أشك في نفسي
يعني لو وحده تغيرت تزعلين ويضيق صدرك عليها
لكن لما 6 كلهم تغيروا
وش ردة فعلك إلا العجب
لا.. وأمر الحواجب هذا أمر عجيب
ما أدري هل نزلت بعدي فتوى جديدة بجواز النتف؟
نتف وتاتوو .. والضحكة شاقة فمها.. وكأن شيئا لم يكن

لو أقولها الله يلعنك بتزعل
لكن رب العالمين يمسّيها ويصبّحها على لعنة
إتز أوكي عندها
وإلا تجيك أم 14 سنة توها داخلة عالم النتف"عالم اللعن" أسفل حاجبها كله أخضر
فعلا.. صرنا على قول المصريين نضحك على خيبتنا

-----------------------------
أما حكاية العبايات هذي يعني من جد كارثة
أقابل ربي في الصلاة محجبة
وأقابل الشباب في السوق بالعيون اللي فيها كيلو مكياج والغرة المنسدلة
أي تناقض هذا؟
أي ديانة هذي؟
أي أخلاق؟
عبايات وإلا فساتين؟
القضية اجتاحت حتى الأمهات
حريم كبار والله الشعر اللي فوق أذنها بدى يغزوه الشيب وتقول لي
تعرفين غرز الكروشيه بأحطه في عبايتي
يعني خافي الله في هالشيبات
جده والله العظيم
وش بقيتي لبناتك المراهقات
إذا أنتي بتزينين عبايتك بورد كروشيه
ماألومهم لو طلعوا من غير عبايات
------------------------
عشت في المجتمع الإماراتي حول سنة ونص
أحنا عارفين إن أهال أهالينا محافظين أكثر منهم
وبلدنا محافظة أكثر
وموادنا الدينية في المدارس والجامعات أكثر
بس شوفوا حياتهم وتفكيرهم
كل بنت لها خطوط حمراء
هي حاطتها ومقتنعة فيها وفخورة بها
هناك المحجبة ترفع راسها بحجابها ومحد قدها
وعندنا هنا اللي عبايتها ساترة ناقص تدخل في الجدار من الحياء
تخاف يقولون عنها متخلفة
ياإنها مسوية كابوس هذي الكلمة للبنات
تذبح أمها وأبوها بس لا أحد يهمس بكلمة متخلفة
هناك تلقين البنت تقرأ كتب عليها القيمة
مثل
"ذا سيكرت - نساء من الزهرة- أسعد امرأة في العالم- سلسلة شوربة الدجاج..."
هنا تلقين في يدها رواية للهابطين اللي خسارة أكتب اسمهم






والله لو ولدك وإلا أخوك قالها
كان صرختي: عيب عليك ترى بأحرقك بالنار عشان تتأدب
----------------------------
قبل أي فعل تقدمين عليه
لا تحكمين إيمانك لأن يمكن إيمانك ضعيف في هذي الفترة أو يمكن لا سمح الله أنه ما فيه إيمان في هالفترة
إحنا عارفين عقيدتنا تقول الإيمان يزيد بالطاعات وينقص بالمعاصي
ولا تحكمين قلبك لأنه ممكن قلبك يكون قاسي في هالمرحلة
حكمي عقلك لأن العقل هو نفسه ما يتغير
قولي هل لو كنت مريضة لا سمح الله بأسوي هذا الشيء
إذا الجواب إيه
أقدمي معناها إنه حلال وخير ولا تستحين منه إذا قابلتي ربك
وإذا الجواب لا
معناها تراك تجاوزتي حد مع ربك.. وبيكسر هالشيء عينك أنك تقابلينه وأنتي مسويته..
أي عمل قولي هل لو سويته بيكسر عيني مع ربي لو بأقول يارب اشفني وإلا يارب عطني
--------------------------------------
دعوة عملاقة أبعثها من هالمكان الراقي
حملة أتمنى نبدأها ونكون قدها ونوصلها ونسمعها الجميع
كفى..استهتارا
كفى ..تراجعا



كفى ..تنازلا
قومنا حملة لا للكوافيرات الغاليات ونجحت
وقومنا حملة السعودية للسعوديين فقط ولقت صداها
شدوا الهمة وساعدوني
يا صاحبة الدين..أضيفي كلمة تشهد لك يوم القيامة..مو الدين في غرفتك تصلين وتصومين وإذا شفتي الغلط غمضتي عيونك وسكتي عنه..هذا اسمه شيطان أخرس
ياصاحبة العقل الرزين..أدلي بدلوك.. نورينا بآرائك الهدافة
ياصاحبة الثقافة..ساهمي في تثقيفنا
هذا اللي جرأ بنات الغلط على المجاهرة..وهو إن صوت أهل الدين والعقل والرزانة واطي
علوا أصواتكم خلونا نسمعها ونسمّع غيرنا
-----------
نبي وحدة تكون شجاعة وسباقة للخير
أكتبي هنا أنا غيرت صورتي الشخصية أو توقيعي
يله عشان تشجعين غيرك ويحذو حذوك
وتأخذين أجره
----------
نبي وحدة شجاعة نبيلة تقول أنا مسحت موسيقى كنت منزلتها في موضوعي
أو زفة نزلتها للبنات
-------------------------
نبي وحده شخصيتها قوية تقول أنا مسحت صور شهيرات هوليود من موضوعي لأن ملابسهم عارية
نقدر ننزل صور بتضليل خفيف يكسر جرأة الأفخاذ والصدور اللي طالعة
---------------------------------
خلوا شعارنا
الرجوع عن الخطأ خير من التمادي فيه
--------------------------
حقوق الطبع غير محفوظة
أنشروا في المنتديات والمدونات والإيميلات
خلونا نرتقي بمجتمعنا
خلي لك بصمة في الحياة
-------------------------
يارب هذا أقل ما يمكن أسويه
بس أتمنى أنك تعذرني به
أنا وكل من خطت حروفها هنا إنكارا للواقع المرير
محاولة بسيطة للتصحيح.. تقبلها مننا يارب
-------------------------
لا تقولين المجتمع كبير ومتنوع وصعب أصلحه
المجتمع هوأنا وأختي وأنتي واختك وهذي العضوة واختها وبنات خالاتنا وبنات عماتنا
والسلام عليكم
-------
مخرج::
أصدر المولى بيانه . . . أين أنتِي يافلانه
إفتحوا ديوانها ول . . . تنظروا في كل خانه
موقف صعب رهيب ... أسأل الله الإعانة
حين أدنو من إلهي ... دون ستر أو بطانة
يحاكيني جهارا ... كيف أديت الأمانة
حينها تشعر مثلي . . . أنها حقا جَبَانه
كم قضيت العمر هدراً . . . بين غيٍّ ومَجَانه
يا لقلب السوء أرخى . . . للهوى العَاتِي عَنَانَه
في متاهات المعاصي . . . يخسر القلبُ رهانَه
من يجيب الله عني؟! . . . من سيعطيني لسانه
لحظة من هولها لا . . . يملك العقل اتزانه
ضاع مفتاح النهى . . . واختَّل ميزان الرزانه
=============

انتهت الرسالة:D

________________________________________________-



هاي اول مشاركة لي بالمنتدى ككل شفته بمنتديات بنات كوول وعجبني وقلت خواتي لازم يشاركونب فيه وباجره ويارب اقضي حوائجنا وحوائج المسلمين دعواتكم لي بقضاء الحاجة عاجل غير اجل

تحياتي

أختي والله مو في السعودية وبس
أغلب المجتمع العربي صار كذا ..
خاصة الجيل الجديد أللي تعودوا ع الشغلات الغربية
والأهالي اللي راضيين بهذا الشي ...
وأختي كل شي تغير ماهو مثل قبل
العقول والنفوس والشخصيات

:(

ما نسأل الله غير العافية في الدنيا والآخرة

هدا حال كل الشعوب العربية المفاهيم متغيرة ولاسف للاسوء الله يهدينا ويعينا انا لما شفت موضوع خواطر شاب 5 لاحمد الشقيري بارك الله فيه كان يتحدت عن اليابان تعرفين اختي لو قالو اشهد ان لااله الا الله كانو من افضل المسلمين مشكلتهم الوحيدة هي دينهم ولكنهم في منتهى الاخلاق والادب لو شفتي الادب سبحان الله تبكي على حال المسلمين اجمعين انصح كل اخت على مشاهدة هده الحصة التي هي في قمة الروعة وشكرا على موضوعكي الدي على كل فتاة الامنتباه الى هده النقطة

أختي والله مو في السعودية وبس
أغلب المجتمع العربي صار كذا ..
خاصة الجيل الجديد أللي تعودوا ع الشغلات الغربية
والأهالي اللي راضيين بهذا الشي ...
وأختي كل شي تغير ماهو مثل قبل
العقول والنفوس والشخصيات

:(

ما نسأل الله غير العافية في الدنيا والآخرة

تشكرين غلاي على المرور الجميل غلاي السعودية ما الا جزء صغير من عالم كبير وهاي انا ناقلته من منتدى واللي كتبت الايميل صاحبته سعودية هي تتكلم عن الواقع اللي تشوفه حولاينها وانتي صاجة غلاي مافي شي على حاله امس كنا نفرق بين البنت والولد اليوم استغفر الله ويش نقول نمشي ونشوف شخص قدامنا ونتردد مليون مرة نقول اخوي ولا اختي


ويارب نسألك العافية دنيا واخرة

تحياتي

أحلى موضوع قريته في المنتدى

روعه تسلم يدج اختي انه من اشد المشجعيني حق هالشي

بالنسبه حق سالفه المظاهر في السعوديه عن جد جفتها بعيني يعني الحمد الله رب العالمين

ان عندنه في البحرين بسااطه وفينه قناعه لابد في فئه مظاهريه ولكن عندنه والحمد الله محد

اتطنز اعيب لو مثلاً ماسوى حفله زواج وسافرو او سوت حنه بسيط وراحت بيت اهلها او كان مهرها قليل

او اي شي بالعكس عندنه اشجعون مره كنت في السعوديه وسو عزيمه عشى وطلعنه المره ما قصرت

الحمد الله حطت خير من الله و ماقصرت عزمت يوم طلعن الا الكل اتحجى و اتطنز لانها ما سوت ذبيحه

اقولهم عادي يعني المره ماقصرت حطت مالذ وطاب الا اسون والله دام ما عندها لا تعزم على هلون

احنه عندنه في السعوديه ياتعزم على ذباح و شي عدل يا لا تعزم وصارت محجى وتلفونات ذي وذي تتطنز

يعني دشيتو بيتها وكليتو وعقب تشمتون وتعيبون في المره بدال ما تقولون لها ماقصرتي عساها فره دايمه

ونعم الله عليج ؟؟؟ وسالفة العروس هم قروض وحاله وعرس كان يا رب الناس تمشي على الاكل من الزود

واخر شي ذي كل ينقط ويوم سالناهم شله ذي وهلون اتفاخرون يقلون يا نسوي ونعزم على جذي يا ما نعرس

وتمو اتفاخرون علينه لالا احنه نفسكم في البحرين عشى وتروح بيت زوجها ولا حفله بيسطه عائليه مايمشي عندنه

يعني مطلعينه كلش واهمه الي فوق وهلون وانه اقول في قلبي يعني الله ما امر بهالشي بعدين اذا

مابتفكرين في ربج في وضعج الاقتصادي بعدين طلعاً اهمه الحين بيت ما عندهم و حالهم كلللش متدني

فقر فقر تمو اخر شي حتى اغراض بيتهم ابيعونه وهلون وانه دايمن لما تصير هلون نقاشات اسكت يعني

لان انه آسفه بس صج متخلفين ولا تقدرين تتناقشين او تقنعينهم لان اهمه اجوفون هاي صح ويعتبرون هالشي

من الكرم واحنه عندنه وانتو فقاره يا البحرين فعادي عندكم وانه اضحك في نفسي اقول اجوف ماشالله

3 ارباكم اجر واحنه الحمد الله عندنه بيوت وعندنه خير من الله يعني صارو اجفون البساطه و القناعه ان الي هلون ما عنده وفقير

والله انه اجوف صج انهم بالضاهر عندهم وهلون ولكن في الحقيقه احنه عندنه اكثر على الاقل عندنه بيت المنه واهمه متغربلين مع هالاجارات

وشي ثاني دوم يقلون البحرين ان فري وكل شي عندهم عادي ماعرف شنو من قال؟؟ احنه عندنه حريه

اي بس كل اهل اربون عيالهم مثل ما يبون في ناس محترمه وفي ناس لا مثل كل بلد بي ذ وي

في البحرين في احترام خاااااااااص جداً حق المتبرقعه تلاقين الكل اوخر عنها لي بطووف والله ان الكل يحترمها

سواء نسوان او ريايل والحمد الله عندنه حريه بس الحين تلاقين المتحجبات اكثر من الي فاصخين

وتلاقينهم مقتنعين بهالشي يعني ما بفصخ لو شنو اصير يعني ما يلبس و تغطي الا المقتنع الا من جان في فئه اهلهم ضاغطين عليهم

يمكن تكون المشكله من الضغط يا اختي علشان هلون صارو جذي

المشكله يااختي ان مو لان السعوديه لازم ما يصير فيهاهلون لا الشكله ان لان احنه مسلمين لازم مايصير هلون لان الموضوع مو بس في السعوديه في دول العرب الاسلاميه

وانه واااااايد حبيت فكرتج خصوصاً ان فعلاً الاقي اجانب اشيه ايجابيه لازم ناخذ منهم منها اساليبهم الحواريه ثقافتهم

الاجانب اروحون جامعاتهم اببجامات محد اطالع حد ولا اتكلم عنه كل انسان حر كل واحد منطقه و تفكيره

اتمنى هالشي اصير في بلادنه العربيه يعني احنه مسلمين وكل واحد اتحجى وويعقر واتطنز مع ان دينه ينهانه عن هالشي

اتمنى فعلاً نلاقي مواظيع او اقسام عن فن الحوار فن التفاهم كيف تغيرين حياتج مثلن لو ينفتح موضوع

او قسم كل وحده قرت كتاب وتكتب لنه اسم الكتاب ونبذه عنه انه هالفكره جفتها في منتدى جامعه البحرين

كانو مسوينها على شكل مسابقه ان فريقين وكل مره احطون اسامي كتب وهلون والي اخلص قرأتها اسرع

عقبها اصير في اسأله عن محور هالكتاب وتناقشون فيه بس ان كل الكتب والروايات كانت اجنبيه والنقاش

وهلون كل بالانقلش فيا رييييت نسوي هالفكره اهني بكتب عربيه واسلاميه وحتى كتب اجنبيه مفيده نزيد من ثقافتنه من كل الجوانب اسلاميه علميه ادبيه .....الخ

احنه ما نبي نقره الموضوع ذي ونقول اي والله ولا نسوي شي ليش ما نبتدي نغير عزيزاتي؟؟

أحلى موضوع قريته في المنتدى

تسلمين غلاي عيونج الحلوة وعسى ايامج احلى

[SIZE=5]تسلم إيد كاتبة الموضوع وتسلم إيدك ياوجوه الخير

على النقل

اللهم إرحمنا برحمتك

"كنتم خير امة اخرجت للناس تأمرون بالمعروف

وتنهون عن المنكر"

عندما إبتعدنا عن شرع الله تخلفنا وزاد جهلنا

واستهزاء

بقية الأمم بنا

تسلمين ام سلمى على مرورج العطر والطيب وانت الصاجة غلاي الانسان كل مابتعد عن دينه صار في ضياع اكثر

تحياتي
[/SIZE]

تسلمين غلاي على مرورج الطيب والعطر بس حبيت اقول الممكلة العربية السعودية جزء صغير من عالم كبير عشان خواتي اهل السعودية مايزعلون لاني كاتبة الموضوع سعودية وهي تكتب اللي تشوفه حولاينها

اتمنى فعلاً نلاقي مواظيع او اقسام عن فن الحوار فن التفاهم كيف تغيرين حياتج مثلن لو ينفتح موضوع

او قسم كل وحده قرت كتاب وتكتب لنه اسم الكتاب ونبذه عنه انه هالفكره جفتها في منتدى جامعه البحرين

كانو مسوينها على شكل مسابقه ان فريقين وكل مره احطون اسامي كتب وهلون والي اخلص قرأتها اسرع

عقبها اصير في اسأله عن محور هالكتاب وتناقشون فيه بس ان كل الكتب والروايات كانت اجنبيه والنقاش

وهلون كل بالانقلش فيا رييييت نسوي هالفكره اهني بكتب عربيه واسلاميه وحتى كتب اجنبيه مفيده نزيد من ثقافتنه من كل الجوانب اسلاميه علميه ادبيه .....الخ

احنه ما نبي نقره الموضوع ذي ونقول اي والله ولا نسوي شي ليش ما نبتدي نغير عزيزاتي؟؟
[/QUOTE

ياريت يسوون هالفكر بس كم وحدة تقرا كتاب ووينوين اللي تقرا بس اتمنى يصير

تحياتي