حراااااام والله قهر !!

الله يفرجها عليكم ان شاء الله ..
أنتي سويتي مثل ما طلب هو منك
مانتي غلطانة بشي
خليه شوي يجلس لوحده
يمكن محتاج يفكر بالوضع والموضوع واللي صار
عطيه مساحة يتنفس وياخذ له تفكير عميق
عسى يطلع معه بشي ويهدى ويرجع يتصل فيك ويطلب منك تردين
الله يصلح شأنه ان شاء الله وربي يسخره لك

وأكثري أختي من الدعاء والإستغفار
وتصدقي بهذي الأيام للفقارة والمحتاجين بنية الصلح بينكم

بالتوفيق .. وتفائلي بالخير يجيك

:)

الله يهديه

ويردله عقله

يارب

.. سبحان الله ..

ولا تزر وازرة وزر اخرى .. صدق الله العظيم..

يااختي .. يكفي انك تطرشين بس هالمسج حق زوجك .. وبيعرف المعنى .. مهما كان الاختلاف بينه وبين امج .. مايصير الي سواه .. هو بالحركه هذي يبي يقهر امج ... وهالشي وايد غلط ..

باجر لو صار شي .. بحط حرت الناس فيج .. مايصير..مهما بلغت طيبه وحنيته.. تفكيره وتصرفه يدل على ان هالتصرف تصرف شخص غير ناضج فكريا..

صدقيني طرشي هالمسج .. وخليه يفكر فيه .. واذا مافهم فالمصيبه اعظم... واكتفي انك تنتظريه .. وحاولي تكلميه ... قبل العيد بيوم .. وسأليه ..ان كان تصرفه عشان يقهر امج فهو تصرف غلط .. لانج مالج ذنب.. وان الي صار مهما كان بينه وبين والدتك.. وانتي مالج طرف فيه ..

وكان الاحرى ان تتفاهم معاي مب تطردني من البيت عشان هالموضوع ..

وشوفي شيقولج..

ام جنى

ربنا يفرجها عليكم يارب

انا مع الاخت نور العرب . زوجك معصب ومتضايق وبنفس الوقت يعاند. خليه مع نفسه يفكر ويهدأ بدون اي ضغوط من احد . وان شاء الله قبل العيد بتشوفيه جاي يراضيك لانه ما بيستغني عنك وعن بنته.

الله يهديه ان شاء الله وانتي ما تفكري ولا تزعلي نفسك واكثري من الدعاء .

سوي مثل ما قالت نور تماما.. بس لا تترجية او تنزلي نفسك .. اعتبريه يبغى يراجع نفسه

بس كان المفروض قبل لا تطلعي من البيت تقوليله هالكلام

الله يجمعكم بالخير

اختي لو انا مكانك طبببعا ما بروح له كلللشي ولا الكرامة ..بس لو انتي بنت ودج اترديين له ولا بتسمعيين الكلام روحي ولييييني قلببه وقولي له حبيبي ما حبيت يكون العيد من دونك وربي يفرج همج يارب

حبيبتي الغاليه
زوجك اختلف مع امك
وطردك بطريقه لبقه من بيته بدون اى ذنب.
ما اتصل ولا فكر حتى سأل عن بنته.
العيدجاي وباقي ما اتصل ولا ارسل مسج.
تتصوري انك ترسلي له مسج او تتصلي عدله بحقك؟؟؟؟؟
لااااااااااااااااااا والف لا انتي ما غلطتي ابداا ابدااا
والي سواه زوجك يسمونه ظلم وتجبر عليك واستخدمك اداة علشان يغيض ويهين امك.
بس صدقيني اذا كنتي ناويه تبقي حيطه هبيطه له ومداس اتصلي او ارسلي.
بس اذا كنتي تبين تعلمينه ان الله حق وان الظلم ظلمات يوم القيامه لا تعبريه
ولا تهتمي فيه ابدااااااااااااا ولا مسج ولا شئ.
اجلسي في بيت اهلك معززه مكرمه وافرحي بالعيد عادي جدا واعتبريه مسافر
واذا بادر ان يتصل او يجي لازم تتفاهمي ان هالاسلوب ما ينفع معك ابدا وان هالشئ
لا الله ولا رسوله يقبله .
يعني بكره لاسمح الله بيتهاوش مع اخوك او ابوك يقوم يطردك انتي؟؟؟؟
ليش الدنيا سايبه وله ايش؟
اتركيه مرده لك ولبنته وصدقيني هالنوعيه كل ما سفهتيه وتجاهلتيه جرى وراكي.
وعيد سعيد عليك ان شاء الله.
ولا تنسي بينك وبين نفسك اكثري استغفار وادعي الله ان يرده لك ردا جميلا.
تحيااتي

الله يهديه ويرده لج والى بينته يارب

والله اختي شاقول لج الله يساعدج ويفرج همج انا مع كلام ام جنى باللي قالته لاتزر وازره وزر اخرى وواضح انه حاط حرت امج فيج وفي بنته بس هالطريقه موب عدله ابدا انتي شكو شنو ذنبج لا والادهى انها سالفه سخيفه عيل لو سالفه جايده شبيسوي بيرمج بمسدس هاذي موب طريقه تفاهم ابدا عندهع شي يروح يتافهم مع اللي متمشكل معاه موب يحط فيج وفي بنته الحره انا من راي تخلينه على راحته لا تتصلين ولا شي الناس عيد ليش اهوه ما يعرف انه الناس عيد وعيب الحركه اللي سواها يعني ولا محتاجج اتذكرينه تمي ياعيني في بيت اهلج وانتي ماغلطتي بعد هم على الشين وقوة العين طاردني وتبيني اتصل فيك شلون صارت مارده بيعرف انه غلطان بس لاتردين الا لما تحطين النقاط على الحروف

تعرفي اختي اسمحيلي انتي غلطتي يوم انه قال لك شيلي بنتك و روحي بيت اهلك كان قلتي له انت الي تطلع مو انا هذا بيتي و مو بطالعة منه .... هذا مشكلة اغلب الحريم من اقل زعلة زوجها يقول لها روحي بيت اهلك طقت عفشها وراحت تراها كلمة تنقال في وقت غضب طنشي ما كأنك سامعة شي .....

ربنا يفرجها عليكم يارب

Mrs. Hide;10287745:

يا أختي قلت بنفسك أنو رجل طيب و أن هذه ليست عادته يعني أكيد في شي كبير مزعله و في مبرر على الأقل أمام نفسه للي سواه .. ما رح أقول لك اسأليه لا تفعلي لكن اتصلي فيه هذه آخر أيام الشهر الفضيل و العيد على الأبواب ..

يقول رسولنا عليه الصلاة و السلام : (( ألا أخبركم بنسائكم من أهل الجنة ؟ الودود الولود العؤود التي إذا [COLOR=red]ظُلِمت قالت : هذه يدي في يدك لا أذوق غمضا حتى ترضى ))[/COLOR]

ألا يرضيك يا أختي أن تكوني من أهل الجنة ؟!!

لا تصغي لمن يقول لك اتركيه اهمليه طنشيه .. هذا زوجك مو عدوك .. أبو بنتك .. و الأهم من هذا جنتك و نارك و رضاه من رضى الرب .. اتصلي فيه و توددي إليه .. و ما تبقي خارج بيتك أكثر من كذا .. و لا تفرحي إبليس و أعوانه فيك .. حتى لو كان هو اللي قال لك اخرجي .. و بس يروق افهمي اللي فيه و اسأليه و حلي مشكلتك .. بس لا يجي العيد و أنتم متقاطعين يا أختي .. و ربي يوفقك و يخليه لك و لبنتك

ملحوظة للأخوات و لا أقصد بالضرورة من علق هنا ..

رسول الله صلى الله عليه و سلم يقول : (( ليس منا من خبب امرأة على زوجها ))

فاتقوا الله كلمة منكم ممكن تهدم بيت مسلم ..

أنا رأيي أختي تاخدي بالرأي المدعم بالدليل الشرعي :)

إن شاء الله ربنا يصلح ما بينكم وبوجه عام زوجك يتهاوش مع أمك أو أمه أو أي شخص آخر انتي تناقشيه من باب إن انت راجل كويس وطيب ويهمني إنك تعمل الحاجة الصح اللي ترضي ربنا مش من باب إنت غلطان ولازم تتربى وتعمل الصح


أسأل الله تعالى أن يصلح ذات بينكما وأن يجمعكما على الخير دوماً

انصدمت من الردود اكثر من صدمتي بردة فعل زوجك .. المهم انا اول شيء جاء في بالي شفت روبا وMrs. Hide .. بارك الله فيهن سابقيني في كتابته ..

كيف تطلعين من البيت .. انا عندي اعتقاد انه المرأة غلط تطلع من بيتها حتى لو هي غلطانه بشيء.. ما بالك بوحده ما غلطت ؟

واما موضوع التطنيش وانك تهملينه .. في النهاية انتي الخسرانه .. لأنه مو كل الناس تنفع معاهم هالاسلوب .. واذا كان عنيد فما ينفع معاه .. بالعكس الانسان العنيد حتى لو عرف غلطته بيعاند .. وبيحصل طريقه يطلعك انتي الغلطانه ..

وبعدين انتي ادرى بطبع زوجك.. اما اللي يسمع القصه من طرف واحد ما راح يقدر يفيدك بشيء .. لأنه حكمه ما بيكون عادل ..

انصحك ما تفرحي ابليس وخاصة في هذا الشهر والعيد عالابواب.. واذا انتي بادرتي بالاتصال ورجعتي تقدرين بطريقتك تفهمينه انه اللي سواه غلط .. وانك زعلانه منه وصدقيني راح يحس بالذنب ..


في النهايه اقول لك فكري عدل يمكن في شيء ثاني غير هذا الموضوع اللي خلاه يعصب ويتصرف هذا التصرف..

والله ييسر لك امورك ويصلح بينكم ..

الله يجزيكم كل خير ومشكورييييييييين على الردود الطيبة
وانشاالله الله يكتب اللي فيه الخير لي انا وبنتي ويعطيكم الف عافية خواتي

انه اقول برد وهاي شي ماكد باذن الله لانج ما غلطتي لاطرشين مسج ولا شي لا تنزلين روحج

لان عقب بتعودها ازعلج وانتي تراضينه وادعي ربج وكثري من الاستغفار والله بيفرجها انه متاكده

انج بتين وبتولين ان يه وراضااج خصوصن ان مافي شي بينج وبينه

الغالية سبحان الله الكثير قالوا اسفهييه ... وطنشية ... طيب ليش انتوا عرفتوا شو اللي صار يا جماعة يمكن في شيء ثاني ما نقال وما نطرح ... وجرح كرامة الرجال ... يعني الكل نظر من جانب واحد هو جانب صاحبة المشكلة والظاهر ان البعض رد على اساس انه تخيل الموقف يصير فيه ... ورد

الغالية المشكلة بسيطة جدا والحمدالله وما راح اقول مشكلة راح اقول حساسية ... ما راح تكونين مداس ابدا إذا طرشتي مسج على الاقل تهنئة بالعيد ... وبصراحة بالفعل غلطتي لما تنازلتي عن بيتج وطلعتي بكل سهولة العادة اللي ما يتحمل القعدة بالبيت هو اللي يطلع ... هذا بيتج وهو مسؤل منج ...

راجعي حساباتج وشوفي شو بالضبط اللي صار الغالية وسالفة انه تصير مشاكل بين زوجج وامج بسبة بنتج هذا راح يستوي حتى بينج وبين امه لو تدخلت في بنتج ...معظم الحريم في المنتدى يقولون ام زوجي تتدخل بتربية عيالي وهن ما يبون هالشي يبون يربون عيالهم على كيفهم وإذا والدتج تتدخل في امور عيالكم لازم انتي توقفين هذا الشيء وتشوفين صرفة وبصراحة اذا دائما تصير مشاكل لا تخلينه يروح ويضيق خلقة ...

الغالية سؤالي هو كيف حكمتي عليه انه هو الغلطان؟؟ سؤال حيرني بصراحة ما يصير تغلطينه من وجهة نظرج
العتب