اولا كل سنة وانتو طيبين وعين سعيد عليكو وعلى ولادكو
المينين او القرص بعجوة اللي كل العيلة بتستنى العيد عشان تاكلها من ايد امي وطبعا انا اتعلمتها منها وبقيت بعملها في بيتي وعجبت اهل زوجي جداااااااااا الحمدلله
فقلت لازم انزلها لحبايب قلبي عشان تجربوها لانها بجد جمييييييييييلة اوي هي بتاخد وقت شوية بس النتيجة في الاخر حلوة جداااااااا
المقادير
كيلو دقيق
نصف كيلو سمن
كوب لبن
كيلو الا ربع عجوة مفرومة
معلقة صغيرة سمسم ومعلقة صغيرة ريحة الكحك وده سر الخلطة :D
خميرة
طريقة العجن بقى
اول حاجة بنحط السمسم وريحة الكحك على الدقيق و
بعد كده نسخن السمنة بحيث انها تسخن اوي ولما نحطها على الدقيق لاااااازم تعمل تتتتشششش وبتعمل رغاوي كده زي ما بنكون بنقلي حاجة في الزيت
وبعد كده نبث العجينة يعني ندوب السمنة مع الدقيق باطراف الصوابع لغاية ما السمنة تدوب في الدقيق خالص وطبعا في الاول هتكون سخنة اوي فبنعملها بالمعلقة لغاية ما تبرد شوية وده الشكل بعد ما بثيناها
بعد كده بنضيف اللبن ويكون دافي مش سخن اوي
ولو العجينة احتاجت اكتر من الكباية بنزود ونعجن كويس وبنضيف الخميرة لغاية ما العجينة تبقى متماسكة بالشكل ده
هنسيب العجينة ترتاح تقريبا نصف ساعة او حسب نوع الخميرة ممكن تقعد اكتر من نص ساعة
طريقة العجوة
نقطعها قطع صغيرة ونسخن سمنة بلدي لان العجينة مش فيها سمنة بلدي او حسب الرغبة يعني ونحط على العجوة معلقة سمسم ومعلقة ريحة الكحك وننزل السمنة السخنة
ونهرس العجوة لغاية ما تبقى طرية عشان كده لازم السمنة تكون سخنة وده شكلها بعد ما اتهرست
نيجي بقى للطريقة عشان نشكلها
اول حاجة بناخد قطعة من العجينة على مقاس ايدك يعني مش كبيرة ولا صغيرة وبنفضل نضغط عليها باصابعنا الخمسة شوية في الايد اليمين وشوية في الايد الشمال لغاية ما العجينة تبقى طرية خااااالص وبعد كده بنفردها على الرخامة بالشكل ده
بعد كده بنضغط عليها بايدينا وتبقى بالشكل ده
بعد كده بنعمل العجوة زي الكفتة كده صوابع يعني بس مش تخينة اوي وبنحطها في العجينة بالشكل ده
بعد كده بنقفل العجينة على العجوة بالابهام والسبابة نقفل طرفي العجينة مع بعض بس معلش الصورة مش ظاهره اوي
بعد كده بنكورها تاني وبنضغط عليها بايدينا زي ما عملنا في الاول بس المرة دي العجوة داخل العجينة
وبعد كده بنقطعها بالسكينة
وهنا بعد ما رصيتها في الصينية
بعد كده نسيبها تخمر تاني ربع او نص ساعة على حسب
وبعدين نجيب بيضة ونحط عليها فانيليا ونضربها كويس ونوزع بالفرشاه على القرص
بعد كده نرش السمسم
على فكرة الخطوة دي للتزيين بس من غيرها الشكل مش بيبقى لذيذ خالص
بعد كده ندخلها الفرن حوالي ربع ساعة ونولع الشواية عشان تحمر شوية
وده الشكل النهائي بتاعنا
وبالف هنا وعافية
وكل سنة وانتو طيبييييييييييييين
(f)(f)(f)
(f)(f)
(f)
انا تعبت جداااااااااااااااااا في الموضوع ده ومجهود شخصي ولا احلل نقله سواء بذكر المصدر او بدووووووووووووووووووووووووووون
