ابي افكار للعيد في بيتي ..

ابببببببببب ياسااتر

كلمة ولو جبر خاطر:)

السلام عليكم


هلا خيتو وريف تدري هالشئ توه ببالي !!!

وقبل اشوي كنت اطالع صور قديمه ولقت صوره لي ولزوجي وحنا مخطوبين في اول عيد لنا ههههه
وحطيتها في اطار ليوم العيد الصبح عشان تنفتح نفسيتنا خخخخخ

اليوم رحت اشتري ملابس للعيد مرررررره زحمه ... لاني ما قدرت اروح قبل هالوقت

ولو تقدري تشتري زينه اللي تولع حلووو

والفطور الصبح ممكن بانكيك او شكشوكه (بيض وطماط وبصل) او كبده (هذا امي كل عيديه تسويه)
او فول اوعدس

على حسب ما تحبووووا

وبخري البيت من الصبح وملابسك وملابس زوجك وبنتك


واذا تقدري اجهزوا كلكم بدري ومروا على الاهل والاقارب (هالشئ مره حلوو يحسسك بالعيد)

والله يوفقك قموره

مشكورة غلاتي على مرورك وذوقك،،

افكارك مرررة نايس مشالله عليك

بس انا بعيد بالبيت مالي اقارب هنا كلهم سافرو لاهلهم :)

سوي احتفال بسيط حلو خلي زوجك وبنتك وانتي تفرحون

مثلا سوي حلويات مثل كيكه

اشياء خفايف

كل الي بنات قالوه حلو

حاولى تغيرين من جو البيت سوى العاب بينكم

اطلعو للتنزه او تعملون باربكيو برا البيت ع البحر مثلا

خذي شي مميزلزوجه وبنتك هديه لهم او عيديه منك شي مميز

واليل حاولى تكون غرفه نومكم مميزه بشموع والورد والريحه عطريه وغيري من لبسك معتاد لشئ جريئ


مممممممم


البيت حطي بالونات اذا تبين

مدري هذ ا الحيت الي ببالي

سوري

شوفي نحن في العيد شو نسوي
اول شي طبعا نجهز السفرة وتكون ما شاء الله عامره بما لذ وطاب يعني مثل كيك بسكوت كعك العيد يسكوت بتمر بتفور أغريبه مكسرات (فستق ولوز وكاجو والبفية) طبعا لازم القوة والشاي وكاسات الماي إلي معلبه في صينية
طبعا اليوم إلي قبله تكون الوالدة الله يحفظها مكوية الملابس ومجهزتها
بنسبه لبنوتج إذا عمرها فوق السنه ونص خذي لها فستان بسيط من أكسسرز وشنطه حلوة حق العيادي
وأنتي خذي لج جلابيه فخمة للمناسبات
والصبح نبهر البيت باطيب العطور وقد مانقدر نغير في الديكور يعني مو شرط تغير كلي لا تغير بسيط
ونجهز الربابي (العيديه) للصغار علشان من يدقون الباب نعطيهم العيادي طبع لازم باب البيت يكون مفتوح علشان الأطفال يدقون الباب وإذا بنتج وايد أصغير ماتقدر تروح تعيد عطيها عيدية علشان تفرح وتسنانس وخليها توزع معاج العيدية على الأطفال
وبالليل نطلع نزور الأهل وبما انه أهلج مو موجودين أطلعوا تمشوا أو تعسوا برع البيت كنوع من التغير

وهذا كل إلي أتذكره وإن شاء الله باجي البنات يساعدونج

سوي فطور مميز عن الأيام العادية

غيري ديكور البيت

اشتري هدية لبنتج وزوجج وعطيهم اياهم على الفطور و بخري البيت وعطريه

صلوا الظهر في مسجد (احنا دائماً نسوي جذي بالعيد)

اتغدوا أو اتعشوا بره وفي الليل سوي لكم جلسة رومانسية حلوة

ممكن تجيبوا لكم فيلم حلو وتطالعونه بالبيت مع سناكس أو عشا مميز

والله يعودنا وياكم على كل خير

امممممممممممم افكار البنات حللللللللوه


بس انا من رأيي ماتسوين فطووووور >>> لانه يوم عيد وشلك بالطبح وريحة البصل ....!!!


جيبي الفطور من المطعم >>> والمطاعم ماتقصر


طول السنه تطبخين >> موحلوه يوم العيد طبخ



انصحك :



1 - تقومون بدررررررري من الفجر ؛؛ وتصلون العيد في المسجد >>> بتحسون بطعم جدا راااااااااااااائع



2_ الله الله بالبخور



3_ جهزي القهوه والشاهي والحلويات والموالح



4 - من الليل وبنتك نايمه وزعي البلونات في البيت والزينه الملونه؛؛ عشان لقامت بنتك تتفاجئ وتنبسط وقولي لها اليوم العيد



5- من بدري شغلي شريط تكبيرات العيد بصوت عالي في البيت ؛؛ او حطي على صلاة مكه مباشره



6- سوي لبنتك عيديه ( بفك+ حلاوه + لعبه ) وغلفيهم .... واذا تقدرين تسوين عيديات توزعينها انتي وبنتك في المسجد



7- هديه لزوجك اذا قدرتي





والليل اطلعوا للملاهي وتمشوا




### صدقيني اذا سويتي كل هذا >>راح تحسووووووون بفرحه فضييييييييييييعه

### موتنامون >>>>>>> انتبهي

اتمنى اني افدتك

شيء حلو انك تحتفلي بالعيد مع زوجك وبنتك بالبيت ..

زيني البيت بعد ماينامون زوجك وبنتك ..

البالونات مره حلوه للمناسبه .. وجهزي عيدية بنتك مع هديه بغرفتها علشان لما تجلس تشوفها ..

وجهزي هدية زوجك على المكتب حقه او جنب السرير ولا تنسين تحطين بطاقة معايده اله ..

اضبطي المنبه على وقت معين بحيث تجلسوا مع بعض .. ولا تنسون صلاة العيد ..

الفطور .. جهزيه من الليل قبل تنامي ..

سوي كبدة .. عدس .. فول ..

والصباح لما تجلسين سخنيهم وجهزي الشاي مع الحليب واللبنه والزيتون ..

وزيني الطاوله بورد طبيعي وشموع ..

وجهزي نفسك .. البسي الك فستان ناعم باللون المفضل عند زوجك وحطي ميك اب خفيف ..

وجهزي بنتك .. وبخري البيت ..

بعد الفطور ..لا تنسون كيكة العيد .. واعملي مسابقه او لعبه بينكم بحيث انها تناسب عمر بنتك وماتتمللون منها انتي وزوجك ..

العصر اطلعوا على مطعم او بحر او مكان تتمشون فيه ..

بالليل اخدوا البنوته الجميله للالعاب علشان تفرح .. وبعدها اجلسوا اشوي بمقهى ..

وارجعوا البيت والبنت نايمه .. وتكوني انتي مجهزه غرفة النوم قبل ..

اعملي حمام زيت او حمام مغربي الك والى زوجك والبسوا ملابسك للنوم .. وعليكم الباقي ..

ان شاء الله تعجبك فكرتي واسمحي الي على القصور ..

افكار حلوووووووووة ماشالله عليكم

السلام عليكم

تستاهلين البيت

اعملي لك سفره خاصه
وحطي ورد طبيعي
وجهزي العيديه اكيد بيدخلون عليكم يهال