من مطبخ أم المهند .. البوندا السهلة واللذيذة + كلاج باللحمة المفرومة .. حياكم الله

السلام عليكم ورحمة الله وبركاته ،،


أطباقي لليوم كانت طيبة ما شاء الله ،، وهي عبارة عن بوندا <<< لا تسألوها إيش يعني يبدو أن المسمى هندي :tongue: ..

والطبق الثاني كان كلاج باللحمة المفرومة ،،


راح أبتدي في طريقة اعداد البوندا الشهي ،، وبإذن الله راح تستمتعوا في أكله لأنه سبايسي للي يحب المشطط مثلي :D ..


المقادير مثل ما هو موضح بالصورة ،،


4 حبات بطاطا مسلوقة ،،






ملح + كركم + فلف أسود + فلفل أحمر بودرة + ثوم مفروم + قرن فلفل مفروم + ورق الغار مكسر لقطع صغيرة






سمن بلدي النوع اللي تحبي ( أنا سويت السمن العماني ) :)






الطريقة ،، :)


في السمن نقلي جمييييييييع المقادير لين ما يتجانسوا وتطلع منهم الريحة اليمي يمي (y)





وسامحوني بعض المراحل نسيت أصورها :( بس بإذن الله تكون واضحة لكم ،،

طبعاً بعد السمن المقلي فيه المقادير نصبه بالكامل في البطاطا المهروس ، ونبدأ مرحلة العجن عشان جميع المكونات تتجانس ،، وعقب تبدون تكورون العجين لكور متوسطة لا صغيرة ولا كبيرة ،،


بعد ذلك وقبل مرحلة القلي في الزيت الحامي نجهز طحين الحمص وحطيت لكم صورته للي ما يعرفه ،،






نضيف له ماي واخلطيه لين ما يصير وياك خليط شبيه بالكريما ،، ونبدأ نغمس العجين المكور في خليط طحين الحمص ( النخي ) وعلى طول في الزيت الحامي ،،





وبالأخير كان هذا هو اللوك الأخير للطبق الأولاني ، هنا وعافية عليكم ،،

أنصحكم فيه لأنه بجد (y) ..






والحين الطبق الثاني الكلاج باللحمة المفرومة ،، وإليكم المقادير ،،


ورق الكلاج ،،






الخضار عبارة عن : بصل مفروم + بطاطا مفرومة + جزر مفروم + فلفل حلو مفروم + قرن فلفل مفروم + طماطم مفروم ... وهنا انتوا اللي تقدروا الكمية وفي طريقتي كانت هالكميات كافية وزيادة :)






نشوح جميع المقادير مع شوية كركم وملح وفلفل أسود وعقب نضيف لهم اللحم المفروم ..





وبعد ما تنشف ويانا الخلطة من الزيت والماي وغيره من سوائل نحطها على الكلاج اللي صفيته مسبقا في الصينية وأكيد الطريقة تعرفونها ،، بين كل شريحة والثانية تحطون زيت وبراحتكم في العدد أنا سويت في القاع 4 ورقات من الكلاج وبين كل وحدة والثانية دهنت بالسمن ، وعقب صبيت اللحم المفروم وسكرته ب 4 ورقات كلاج غيرهم بنفس الطريقة وكان هذا شكلهم الأخير بعد ما طلعتهم من الفرن ،،

طبعا سويتهم في الصينية اللي نقدر نفك أطرافها ،،





وهنا شكلها بعد ما فكيت الأطراف ،،





وهنا بعد ما قطعتها يمي يمي يمي









ودش المطبخ ولي العهد ( المهند ) فديت روحه يقولي ماما سوي داخله جبن كيف يطلع ( يقصد داخل ورق الكلاج ) ، قلت له انزين تعال نخترع شي ،،

راح جاب الجبن المفضل له من الثلاجة وهاي شكله :D





راح فتتهم بروحه بهالشكل ، تقدرون تركزون شو نوعية الجبن هذا ،، من النوع اللي يذوب داخل الفرن والفم يمي يمي يمي





وحشينا الجبن داخل ورق الكلاج بشكل اسطواني بعد ما حطينا على الوجه زيت ودخلناه الفرن من فوق وتحت وهاي كان شكله الأخير بعد ما سقيناه بالشيرة وطلع شي يجنن ،، لاحظوا كيف ذاب الجبن :wink: ..