كيف أنسى ؟؟

دلوعةحناني;10278333:
حبيبتي الغاليه
معليش لا تزعلي مني بس الي جالسه تسوينه هذا غباء
صدقيني غباء
غباء انك تضيعي احلى لحظات شبابك وانتي تتحسري على انسان ما يسوى دمعه من عينك((خلي الضربه الي تجيك تقويك ما تكسرك))
غباء انك تحرمي نفسك تلبسي اشياء انتي اشتريتيها لنفسك وبفلوسك مو علشان هو يلبسها..لا علشان انتي تلبسيها .
غباء انك تضيعي وقتك بالحزن والنكد والتحسر على نفسك وعلى فكره الي جالسه تسويه بنفسك هذا اكبر سبب ينفر الناس منك وبالذات النساء الي يخطبون لعيالهم اذا شافوا البنت
تسوي زيك نكديه وكله متخبيه وكأن عندها نفسيه يستبعدوهااااااااا عن بالهم وينسوا جمالها
ويتذكروا بس انها انطوائيه ونكديه وماتنفع تكون زوجة اخو او زوجة ولد او غيره
غباء.............منك ..............ان تخلي الشيطان يركب راسك وتيأسي وتقنطي من رحمة الله
وتنسي ان العريس الي فات جاك من الله وهو الي خذه فالله وحده القادر يجيبلك الي احسن منه
فتوجهي لله بالدعاء وخلي ثقتك بالله كبيره وتاملي وتفائلي بالخير تجديه ....
كل يوم تكشخي والبسي وتعطري بأجمل عطورك واحضري كل المناسبات وقولي بقلبك
اليوم بنخطب واذا مو اليوم بكره او بالعرس الجاي واستمري هكذا لحد ما يجيك نصيبك...
وانتي كلك حيويه وجمال وضحكتك تزين بيت اهلك وبعدين بيت زوجك ...
صدقيني لو كنتي تبين تتعالجي من الي انتي فيه .
لا تسمعي اخبار هالشين الي تركك واذا جا احد وقالك اى شئ عنه قولي الله يهنيه
وخذ الي تناسبه وقولي بقلبك وانا بكره بأخذ الي يستاهلني ويحبني .
ولا تفكري فيه ابدااااااااااااااا.
البسي كل حاجاتك عادي جدااا ولا تتحسسي بالذات قدام اهلك علشان لا تحسي بالهزيمه .
بالعكس بيني انك عادي تحررتي من هالموضوع وماعاد يهمك نهائي.
واحب اذكرك الحرمه لاجات تخطب لولدها او اخوها تدور على البنت المفرفشه الي بسمتها
تنور الدنيا وخفة دمها واناقتها تغطي كثير على جمالها .
وبالاخير مابنسى اقولك اكثري من الاستغفار بنية الزواج واخراج الصدقه يجلب الرزق الوفير .
تحياتي