السلام عليكم ورحمة الله وبركاته
كيفكم يا عرايس .. إن شاء الله بخير .. ورمضان كريم .. وعيد سعيد قبل الزحمة :)
بما أنه أول موضوع لي .. حبيت يكون مشاركة مني لكم ..
بالتجربة اللي فادتني .. في إزالة بقع الجسم ..
كنت اسأل زوجة أخوي وش ممكن يفيدني بالبقع .. وقالت إنها سمعت إن جوزة الطيب زينه وايد للبقع ونحط عليه زيت اللوز المر ..
أنا أول شي قمت استخدمت زيت اللوز المر لوحدة لأن ما كان عندي جوزة الطيب .. لمدة إسبوعين وفعلا لاحظت إن البقع بدت تخف شوي .. شووووي
وبحكم إنها أيام التسنيع :) <<< مقبلة على زواج .. قلت ما لي غير أعجل النتيجة واشتريت جوزة الطيب ..
شوفوا وش سويت :
المكونات :
1. زيت اللوز المر ... ( من العطار )
2. مطحون جوزة الطيب .. ( من أي سوبرماركت بقسم شغلات المطبخ )
الطريقة :
أجيب صحن صغير .. أحط فيه شوي من جوزة الطيب .. وبعدها أحط الزيت ..
شوفي اللي يناسبك من الكمية .. لأني بصراحة حطيت ع كيفي مرات أزيد الزيت ..
ومرات أخليه غليظ .. لمدة إسبوعين .. بالتحديد 15 يوم ..
وكنت ألاحظ إن البقع تخف بشكل ملحوظ .. إلى انتهاء المدة .. كانت البقع إختفت ..
وبعد ما وصلت للنتيجة المطلوبة .. وقفت الخلطة ..
والحين أوقات قبل ما أنام أدهن بزيت اللوز لوحدة عشان أحافظ ع النتيجة .. لأن بعد عناء طويل مع هالبقع .. ما راضية تروح من زمااان .. أخيرا تخلصت منها ...
أتمنى تستفيدون منها مثل ما فادتني ..
أي استفسار أنا حاضرة ..
ويا ليت اللي تقرا الموضوع تدعي لي الله يتمم زواجي على خير ...
وإذا أستاهل التقييم قيموني .. :)
(( ما أحلل نقل الموضوع بدون ذكر صاحبة الموضوع ومنتدى عروس ))
لأن جد متعوب عليه :)
دمتم بكل الخير والطاعة والسعادة